BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ارىستانبەك مۇحامەدي ۇلى: گولليۆۋدتىڭ پروديۋسەرلەرى بۋرابايعا قىزىعۋشىلىق تانىتتى

فوتو: Бауыржан Жуасбаев

قر مادەنيەت جانە سپورت ٴمينيسترى ارىستانبەك مۇحامەدي ۇلى مەملەكەت باسشىسى نۇرسۇلتان نازاربايەۆقا اقش-تىڭ كينو وندىرۋشىلەرى بۋرابايعا قىزىعۋشىلىق تانىتقانىن ايتتى، دەپ حابارلايدى baq.kz ٴتىلشىسى.

«ٴسىزدىڭ تاپسىرماڭىز بويىنشا، ٴارى ٴسىزدىڭ اقش-قا ساپارىڭىز اياسىندا جانە قاۋىپسىزدىك كەڭەسىنىڭ حاتتاماسىنا سايكەس قازاقستانداعى كينويندۋستريا سالاسىنا شەتەلدىك ينۆەستورلاردى تارتۋعا كىرىستىك. 1 شىلدە كۇنى «ەۋرازيا» كينوفەستيۆالىنە حالىقارالىق دەڭگەيدەگى كينويندۋستريا سالاسىنىڭ توپ-مەنەدجەرلەرى قاتىستى. ونىڭ ىشىندە universal pictures كومپانياسىنىڭ ۆيسە-پرەزيدەنتى دە بار»، - دەدى مينيستر مەملەكەت باسشىسىنا ششۋچە قالاسىنداعى حالىقارالىق «بۋراباي» شاڭعى بازاسىندا بولعان كەزدەسۋدە.

وسى ورايدا ارىستانبەك مۇحامەدي ۇلى شەتەلدىك كينو وندىرۋشىلەر بۋرابايعا قىزىعۋشىلىق تانىتقانىن اتاپ ٴوتتى.

«ٴسىزدىڭ ارقاڭىزدا گولليۆۋد جۇمىس ىستەۋگە دايىن ەكەنىن ايتتى. ارينە، مۇنداي سەرىكتەستىك يميدجدىك بەدەلدى ارتتىرۋعا، ٴارى ەكونوميكالىق جاعىنان مۋلتيپليكاتيۆتى اسەرىن بەرەدى. گولليۆۋدتىق ساراپشىلار الماتى وڭىرىنەن باسقا بۋراباي، سارىارقاعا سىندى ەرەكشە جەرلەرگە قىزىعۋشىلىق تانىتتى»، - دەدى ول.

وسى ورايدا مينيستر شەتەلدىك كينو وندىرۋشىلەر ەلىمىزدە جۇمىس ىستەۋى ٴۇشىن زاڭ دەڭگەيىندە ٴتيىستى جۇمىستار جۇرگىزىلۋ قاجەتتىگىن ٴمالىم ەتتى.

بۇل ماسەلەنى رەتتەيتىن زاڭ جوباسى قازىرگى تاڭدا ۇكىمەتتىڭ قاراۋىندا جاتىر.

«زاڭداعى نورما شەتەلدە كەڭىنەن قولدانىلادى. گولليۆۋد ٴۇشىن بۇل وتە ماڭىزدى. سەبەبى، وسى نورما ارقىلى ولار قازاقستاندىق كينوعا ينۆەستيسيا تارتا الادى»، - دەپ تۇيىندەدى ٴسوزىن ارىستانبەك مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي