BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ٴامينا ٴومىرزاقوۆانىڭ 100 جىلدىعى  يۋنەسكو كولەمىندە تويلانادى

استانا، baq.kz. قازاقستاننىڭ حالىق ٴارتىسى، مەملەكەتتىك سىيلىقتىڭ لاۋرەاتى، كينو جانە تەاتر ساحناسىنىڭ الىبى – ٴامينا ٴومىرزاقوۆانىڭ تۋعانىنا 100 جىل تولۋىنا وراي، 2019 جىل اكتريسانىڭ مەرەيتويىن يۋنەسكو كولەمىندە تويلاۋ جوباسىنا ەندى.

قر مادەنيەت جانە سپورت مينيسترلىگىنىڭ قولداۋىمەن ەل تاريحىندا تۇڭعىش رەت تەاتر جانە كينو سالاسى ٴارتيسىنىڭ اتىنا ارناپ، يۋنەسكو كولەمىندە تويلاۋ، ەسكە الۋ شارالارى وتەدى.

ساحنا سايىپقىرانى، ەكران الىبى ٴامينا ەرقوجاقىزى 1949 جىلدان ٴومىرىنىڭ سوڭىنا (26.09.2006 ج.) دەيىن، جارتى عاسىردان استام ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا قىزمەت ەتتى. كوپتەگەن كينوفيلمدەر مەن تەاتر قويىلىمدارىنداعى تالعامپاز بەينەلەرى ارقىلى، حالىق قالاۋلىسىنا، ەل ارداعىنا اينالعان، ۇلتتىق ونەرىمىزدە ەسىمى ەل ەسىندە جاتتالعان – ٴامينا ٴومىرزاقوۆانىڭ تۋعانىنا 2019 جىلدىڭ 8 ناۋرىزىندا 100 جىل تولادى.

اكتريسا ٴومىرزاقوۆا ٴامينا ەرقوجاقىزىنىڭ 100 جىلدىعىنىڭ يۋنەسكو كولەمىندە تويلانۋى جونىندەگى يگى باستاما – ۇلتتىق ونەرىمىزدىڭ جارىق جۇلدىزى قۇرمەتىنە جاسالعان ماڭگىلىك ەسكەرتكىش دەپ بىلەمىز...

ٴامينا ٴومىرزاقوۆا 1919 جىلى 8 ناۋرىزدا شىعىس قازاقستان (بۇرىنعى سەمەي) وبلىسىنىڭ اباي اۋدانىندا ومىرگە كەلگەن.

ول 1938 جىلى لەنينگراد قالاسىنداعى تەاتر ينستيتۋتىن بىتىرەدى دە، ونەردەگى العاشقى ەڭبەك جولىن شىمكەنت وبلىستىق دراما تەاترىنا جولدامامەن قىزمەتكە كەلۋدەن باستايدى.

ٴا. ٴومىرزاقوۆا قازاق تەاتر ساحناسىندا 68 جىل بويى قىزمەت ەتتى. ول سول ۋاقىت ىشىندە 150-دەي رولدەردى سومدادى.

ٴامينا ٴومىرزاقوۆانىڭ كينو سالاسىنا سىڭىرگەن ەڭبەگى دە ۇشان-تەڭىز. ول تۇسكەن 20 شاقتى كينوفيلم قازاق جۇرتىنا كەڭىنەن تانىس.

تەاتر مەن كينو ونەرىنىڭ تانىمال تۇلعاسى – ٴامينا ەرقوجاقىزى ٴار جىلدارى تومەندەگىدەي ماراپاتتاردى يەلەنگەن:

1961 جىلى ،،قازاق ٴسسر-ىنىڭ ەڭبەك سىڭىرگەن ٴارتيسى;

1965 جىلى ،،قازاق ٴسسر-ىنىڭ حالىق ٴارتيسى،، قۇرمەتتى اتاقتارىمەن،

1966 جىلى ،،قازاق سسر جوعارعى سوۆەتىنىڭ قۇرمەت گراموتاسىمەن;

1966 جىلى ،،ەڭبەك ەرلىگى ٴۇشىن،، ، ،،ەڭبەك ارداگەرى،، مەدالىمەن،

جانە، 2001 جىلى ،،وتان،، قۇرمەتتى وردەنىمەن ماراپاتتالعان.

ٴامينا ەرقوجاقىزى ٴومىرزاقوۆا 2006 جىلدىڭ 26 قىركۇيەگىندە ومىردەن وزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي