BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

الماتىدا «ۇستا» دەرەكتى ٴفيلمىنىڭ تۇساۋكەسەرى ٴوتتى

الماتىداعى قر ۇلتتىق كىتاپحاناسىندا ش.ايمانوۆ اتىنداعى «قازاقفيلم» اق تۇسىرگەن «ۇستا» اتتى دەرەكتى ٴفيلمنىڭ تۇساۋكەسەرى ٴوتتى، دەپ حابارلايدى baq.kz اقپارات اگەنتتىگى كينوستۋديانىڭ ٴباسپاسوز قىزمەتىنە سىلتەمە جاساپ..

دەرەكتى فيلم بەلگىلى قولونەر شەبەرى، قازاقستان جانە كسرو سۋرەتشىلەرى جانە ديزاينەرلەر وداعىنىڭ مۇشەسى، قازاقستاننىڭ ەڭبەك سىڭىرگەن قايراتكەرى، ۇستاز، ەتنوديزاينەر داركەمباي شوقپار ۇلىنىڭ ٴومىرى مەن شىعارماشىلىعى تۋرالى باياندايدى. ٴفيلمنىڭ رەجيسسەرى ٴمىرعالىم ەسىركەپوۆ.

مادەني ٴىس-شاراعا داركەمباي شوقپار ۇلىنىڭ تۋىستارى مەن جاقىندارى، كوزكورگەن زامانداستارى مەن شاكىرتتەرى، ٴفيلمنىڭ ٴتۇسىرۋ توبى مەن «قازاقفيلم» كينوستۋدياسىنىڭ وكىلدەرى قاتىستى.

«مەن داركەمباي شوقپار ۇلىنىڭ تۇلعالىق بەينەسىن تەرەڭىنەن تانىعىم كەلدى. سوندىقتان دا وسى ٴفيلمدى تۇسىرەمىن دەپ شەشتىم. ول كىسىنى زەرتتەي كەلە، ول – الدىنا قويعان ماقساتىنا جەتۋدەن تايمايتىن، باتىل ٴارى اقجارقىن ادام ەكەنىن ٴبىلدىم. ونىڭ ٴوز الدىنا قويعان بار ماقساتى – ٴوز شەبەرلىگىن يگەرىپ، ونى دامىتۋ عانا ەمەس، سونىمەن قاتار، ۇلتتىق ٴداستۇردى ساقتاپ، ونى شاكىرتەرىنە، ٴىزباسار ۇستالارعا ۇيرەتۋ ەدى. كەڭەس زامانىنان بەرى ساندىك-قولدانبالى ونەرىنە تيەسىلى كوڭىل بولىنبەيدى، بەينەلەۋ ونەرىنىڭ جاس سالاسى رەتىندە عانا قاراستىرىلادى. مەنىڭ ٴبىرىنشى ماماندىعىم – قولدانبالى ونەر سۋرەتشىسى. سوندىقتان دا، داركەمباي ۇستانىڭ جۇمىستارى ماعان جاقىن. ول ٴۇشىن قولدانىلعان ماتەريالداردىڭ كوركەم وڭدەلۋى، ونىڭ تابيعي ادەمىلىگىنىڭ ساقتالۋى ماڭىزدى. سونداي-اق ۇلتىمىزدىڭ كونە ٴداستۇرلى ونەرىنە دەگەن ماحابباتى ەرەكشە بايقالادى»، - دەدى رەجيسسەر ٴمىرعالىم ەسىركەپوۆ.

«ۇستا» دەرەكتى ٴفيلمى وتكەن جىلدىڭ سوڭىنا قاراي وندىرىسكە جىبەرىلگەن. ٴفيلمنىڭ تۇسىرىلىمدەرى الماتى وبلىسى اقشي اۋىلىندا وتكەن. داركەمباي شوقپار ۇلى ٴومىرىنىڭ سوڭىنا دەيىن وسى اۋىلدا تۇرعان جانە ٴوز شەبەرحاناسىن اشادى. اقشي اۋىلىندا داركەمباي شوقپار ۇلى اتىنداعى قولونەر مۋزەيى ورنالاسقان. مۋزەيدى 2010 جىلى شەبەردىڭ ۇلى اشتى.

سونداي-اق، تۇسىرىلىمدەر داركەمباي شوقپار ۇلى تۋىپ وسكەن ەڭبەكشىقازاق اۋدانىنداعى كازاتكوم اۋىلىندا ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي