BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

الماتىدا ورتالىق ازيا دەرەكتى كينولارىنىڭ ٴبىرىنشى فورۋمى وتەدى

الماتى، baq.kz. اتالعان فورۋم جەلتوقساننىڭ 5-7 ارالىعىندا ت.ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ «كينو جانە تۆ» فاكۋلتەتىندە وتەدى.

ۇيىمداستىرۋشىلاردىڭ ايتۋىنشا، فورۋم قر پرەزيدەنتى ن.ٴا. نازاربايەۆتىڭ « ۇلى دالانىڭ جەتى قىرى» ماقالاسىنا ارنالىپ وتىر.

«كينو جانە تەلەۆيزيا سالاسىندا مامان دايارلاۋدا ەلىمىزدە باستى وقۋ ورنى سانالاتىن ت.ق.جۇرگەنوۆ اتىنداعى قازاق ۇلتتىق ونەر اكادەمياسى، «كينو جانە تۆ» فاكۋلتەتى بيىل ٴوزىنىڭ شيرەك عاسىرلىق مەرەكەسىن اتاپ ٴوتىپ جاتىر! ٴبىز كينو جانە تەلەۆيزياعا ماماندار دايارلاۋدا الدىڭعى قاتاردا بولعانىمىزدى ماقتان ەتەمىز. بۇگىندە ٴبىزدىڭ تۇلەكتەر رەسپۋبليكانىڭ كوپتەگەن تەلەكانالدارى مەن ستۋديالارىندا ەڭبەك ەتىپ ٴجۇر»، - دەلىنگەن حابارلامادا.

فورۋمىنىڭ وتۋىنە مۇرىندىق بولعان سسەناريست، رەجيسسەر-دوكۋمەنتاليست، ٴقازۇوا دوسەنتى ٴاسيا بايگوجينا. وعان ورتا ازيا ايماعىنىڭ بەلگىلى دوكۋمەنتاليستتەرى قاتىسپاق: كسرو مەملەكتتىك سىيلىعىنىڭ لاۋرەاتى، رەجيسسەر شۋحرات ماحمۋدوۆ، وزبەكستاندىق سسەناريست جانە كينوتانۋشى رازيكا مەرگەنبايەۆا، كينوتانۋشى، حكف ارت-ديرەكتورى، فيلوسوفيا عىلىمدارىنىڭ دوكتورى سادۋللو راحيموۆ، تاجىكستاننان رەجيسسەر جانە پروديۋسەر، حكف لاۋرەاتى ورزۋمۋرود شاريپوۆ سىندى ونەر يەلەرى قاتىسادى.

فورۋمنىڭ ايتۋلى شاراسى – رەجيسسەر باحودىر يۋلداشەۆتىڭ (وزبەكيستان) «ۋلۋگبەك. چەلوۆەك، راسكرىۆشيي تاينى ۆسەلەننوي» ٴفيلمىنىڭ ورتا ازيالىق تۇساۋكەسەرى بولماق. فيلمدە ۆەنسان كاسسەل مەن ارماند اسسانتە ويناعان. ارنايى كورسەتىلىمگە يسلام كاريموۆ اتىنداعى قوعامدىق قور مۇشەلەرى ۋميد ازيزوۆ پەن بەكزود سادۋللايەۆ كەلەدى دەپ كۇتىلۋدە، فيلم پروديۋسەرلارى لولا كاريموۆا–تيلليايەۆا مەن تيمۋر تيلليايەۆ. فيلم تۇڭعىش رەت ۇلكەن ەكراندا الماتىدا فورۋمنىڭ ٴبىرىنشى كەشىندە كورسەتىلەدى.

فورۋم باعدارلاماسىندا – سوڭعى ەكى جىلدا تۇسىرىلگەن دەرەكتى فيلمدەردىڭ كورسەتىلىمى مەن تالقىلاۋلار وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي