USD 335.71 EUR 357.36 RUB 5.23
استانا:

الماتىدا «فاتيما» دەرەكتى ٴفيلمىنىڭ تۇساۋكەسەرى ٴوتتى

الماتىدا 17 قازان كۇنى «ارمان» كينوتەاترىندا ش.ايمانوۆ اتىنداعى «قازاقفيلم» اق تۇسىرگەن «فاتيما» اتتى تولىقمەتراجدى دەرەكتى ٴفيلمنىڭ تۇساۋكەسەرى ٴوتتى، دەپ حابارلايدى baq.kz ش.ايمانوۆ اتىنداعى «قازاقفيلم» اق ٴباسپاسوز قىزمەتىنە سىلتەمە جاساپ.

بۇل دەرەكتى فيلم قازاقتىڭ ٴۇش ۇلى تۇلعاسى — اعارتۋشى ٴبىلال سۇلەەۆ، اقىن ٴىلياس جانسۇگۇروۆ جانە جازۋشى مۇحتار اۋەزوۆتىڭ مۋزاسى جانە ومىرلىك سەرىگى بولا بىلگەن فاتيما عابيتوۆانىڭ (1903-1968) كۇندەلىگى مەن حاتتارىنىڭ نەگىزىندە جاسالعان. ٴفيلمدى قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن.

فاتيما عابيتوۆا كۇندەلىكتى 1916 جىلدان باستاپ جۇرگىزگەن. كۇندەلىكتە ٴوزىنىڭ ويلارى جانە مادەنيەت قايراتكەرلەرىمەن جازىسقان حاتتارى ارقىلى جيىرماسىنشى عاسىردا ورىن العان ەلەۋلى وقيعالار: 1916 جىلعى كوتەرىلىس، توڭكەرىس، ازاماتتىق سوعىس، قازاقستانداعى ساۋاتسىزدىقتى جويۋ ناۋقانى، قازاق ادەبيەتىنىڭ دامۋى، شىعارماشىل زيالىلىلار قاۋىمىنىڭ قالىپتاسۋى، 1930 جىلدارداعى اشارشىلىق، ستاليندىك قۋعىن-سۇرگىن، 1940 جىلدارداعى «جىلىمىق» كورىنىس تاپقان.

«فاتيما عابيتوۆا تۋرالى 2010 جىلى ماعان ونىڭ ٴى.جانسۇگۇروۆپەن جازىسقان حاتتارىن اۋدارۋدى ۇسىنعان كەزدە ٴبىلدىم. جازعاندارىن وقي وتىرىپ ونىڭ رۋحى بيىك، جىگەرلى ايەل ەكەنىن اڭعاردىم. ٴبىر قىزىعى، «فاتيما» اتتى كىتاپتان ونىڭ جازعاندارىنىڭ جارىققا شىعۋىنا كومەكتەسكەن مەنىڭ اكەم – قازاقستاننىڭ تانىمال اقىنى عافۋ قايىربەكوۆ ەكەنىن ٴبىلدىم. فيلم كورەرمەندەردى فاتيما عابيتوۆانىڭ تاۋقىمەتكە تولى تاعدىرىمەن تانىستىرادى. كورەرمەندەردىڭ ايتقاندارى ورىندى، ەلىمىز تاۋەلسىزدىك العاننان كەيىنگى جىلدارى شىعىپ جاتقان بۇنداي فيلمدەردى رەسپۋبليكالىق تەلەارنالاردان كورسەتۋ كەرەك. وسكەلەڭ ۇرپاق ٴوز حالقىنىڭ تاريحىن تەك وقۋلىقتاردان ەمەس، سونىمەن قاتار، وسىنداي فيلمدەر ارقىلى دا تانىعانى دۇرىس»،- دەيدى ش.ايمانوۆ اتىنداعى «قازاقفيلم» اق پرەزيدەنتى جانە فيلم يدەياسىنىڭ اۆتورى باقىت قايىربەكوۆ.

«فاتيما عابيتوۆا – ٴوز ويىندا تەرەڭ ٴبىلىم مەن مادەنيەتتى ۇشتاستىرعان ايەل، وسىنىڭ ارقاسىندا ول قازاقستانداعى ساۋاتسىزدىقپەن كۇرەس جولىندا مول ۇلەس قوسا ٴبىلدى جانە كۇندەلىگىندە، حاتتارىندا، ولەڭدەرىندە سول ٴداۋىردىڭ جىلناماسىن قالدىردى»،- دەيدى ٴى.جانسۇگۇروۆ اتىنداعى قوردىڭ تەڭ جەتەكشىسى، فاتيما جانە ٴىلياس جانسۇگۇروۆتىڭ نەمەرەسى جانار جاندوسوۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي