USD 335.71 EUR 357.36 RUB 5.23
استانا:

اقان ساتايەۆتىڭ «حاكەر» ٴفيلمى 2 جەلتوقساندا پروكاتقا شىعادى

رەجيسسەر اقان ساتايەۆتىڭ «حاكەر» ٴفيلمى اقش پەن كانادادا 2 جەلتوقساندا پروكاتقا شىعادى. بۇل تۋرالى tengrinews.kz تىلشىسىنە كارتينانىڭ پروديۋسەرى سانجار سۇلتانوۆ حابارلادى.

«حاكەر» (anonymous) ٴفيلمىنىڭ ديستريبيۋتورى – sony picture حالىقارالىق كومپانياسى. كينوكارتينا قاڭتار مەن ناۋرىز ايلارىنىڭ ارالىعىندا ۇلىبريتانيا، فرانسيا، يتاليا، اۆستراليا جانە لاتىن امەريكا ەلدەرىندە شىعادى ەكەن. پروديۋسەردىڭ ايتۋىنشا، كومپانيامەن كەلىسسوزدەر جارتى جىل بويى جۇرگىزىلىپ، كەلىسىمگە قول قويىلعان. ەندى وسى ەلدەردەگى كورەرمەندەر رەجيسسەر اقان ساتايەۆتىڭ كارتيناسىن تاماشالاي الادى.

ال قازاقستاندىق كينوتەاترلاردا ٴفيلمدى 1 جەلتوقساننان باستاپ كورۋگە بولادى. ايتا كەتەيىك، 28 قاراشادا instagram الەۋمەتتىك جەلىسىندە فلەشموب باستالىپ كەتتى. قازاقستان ەستراداسىنىڭ ارتىستەرى «اككاۋنت بۇزىلدى. تولىعىراق 1 جەلتوقساندا» دەگەن جازبامەن سۋرەتتەر جاريالادى. وسىلايشا ولاردىڭ كەيىن كارتينانىڭ پروكاتقا شىعۋىنا وسىلاي قولداۋ بىلدىرگەنى بەلگىلى بولدى.

كارتينا قازاقستاندا ٴبىر رەت كورسەتىلگەن. فيلم 2015 جىلى «ەۋرازيا» حالىقارالىق كينوفەستيۆالىنىڭ شىمىلدىعىن اشتى. اقان ساتايەۆ سۇحباتتارىندا ٴوز كارتيناسىن قازاقستاندىقتارعا كورسەتكىسى كەلەتىنىن، ٴبىراق كارتينانىڭ جارىققا شىعۋ پروسەسىنىڭ 2 جىلعا سوزىلىپ كەتكەنىن بىرنەشە مارتە ايتقان بولاتىن.

«حاكەر» - اقان ساتايەۆتىڭ شەتەلدىك كورەرمەنگە ارنالعان تۇڭعىش ٴفيلمى. ٴفيلمنىڭ ٴتۇسىرىلىم جۇمىستارى تورونتودا، نيۋ-يوركتە، گونكونگتە جانە بانگكوكتە 2014 جىلى وتكەن بولاتىن. باستى رولدەردە امەريكالىق اكتەرلەر كاللەن ماكوليفف جانە لوررەين نيكولسون (دجەك نيكولسوننىڭ قىزى) وينايدى. تيمۋر جاقسىلىقوۆ پەن سانجار سۇلتانوۆ جازعان سسەنارييدە كرەديت كارتالارى ارقىلى الاياقتىق جولمەن اقشا تاپقان حاكەردىڭ ٴومىرى تۋرالى باياندالادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي