BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

وزبەكستان اباي تۋرالى دەرەكتى فيلم ٴتۇسىردى

تاشكەنتتە وزبەكستاندىق كينەماتوگرافتار تۇسىرگەن «اباي ٴسوزى» اتتى دەرەكتى ٴفيلمنىڭ تۇساۋى كەسىلدى. بۇل تۋرالى «حابار 24» ارناسى حابارلادى.

وزبەك تىلىندەگى تۋىندىدا اقىننىڭ بالالىق شاعى مەن وسكەن ورتاسى، شىعارماشىلىعى مەن مۇراعات قۇجاتتارى كەڭىنەن كورسەتىلگەن. يگى باستاما وزبەكستان پرەزيدەنتى شاۆكات ميرزييوەۆتىڭ قازاق اقىنى اباي قۇنانباي ۇلىنىڭ شىعارماشىلىق مۇراسىن ناسيحاتتاۋ تۋرالى قاۋلىسى اياسىندا جۇزەگە اسىپ وتىر.

ويتكەنى كورشى ەل باسشىسى «اباي ەسىمى مەن مول شىعارماشىلىق مۇراسى قازاق حالقىنىڭ عانا ەمەس، بارشا تۇركى حالىقتارىنىڭ، ونىڭ ىشىندە وزبەك حالقىنىڭ رۋحاني دامۋ تاريحىندا وشپەس ٴىز قالدىرعان» دەپ اتاپ وتكەن بولاتىن.

قاۋلىنىڭ نەگىزىندە تاشكەنت قالاسىنداعى دەرەكتى فيلمدەر ستۋدياسىنىڭ ۇجىمى ابايدۋىڭ تۋىپ-وسكەن جەرى سەمەيگە ارنايى بارىپ، جيدەبايداعى اقىننىڭ مۋزەيىندە بولعان.

"قازاقستانعا جاساعان ساپارىمىز ٴفيلمنىڭ تولىققاندى جانە تۇشىمدى دۇنيە بولىپ شىعۋىنا مۇمكىندىك بەردى. شىن مانىندە وزگە حالىقتى قالاي قۇرمەتتەۋگە بولادى؟ بۇعان جاۋاپ بار، ول ەلدە قانداي ادامدار ٴومىر سۇرگەن، قانداي عالىمدار مەن اقىندار، جازۋشىلار بولعانىنا قاراپ تا باعالاۋعا بولادى. سول حالىقتىڭ مادەنيەتىن، جەتكەن جەتىستىكتەرىن سارالاۋ ارقىلى دا كورشى ەلدى قۇرمەتتەۋىمىز كەرەك. سوندىقتان ٴبىز بۇل شىعارمانى بۇگىنگى جاستارىمىز ورتالىق ازيا اۋماعىندا، جالپىعا ورتاق كەڭ بايتاق دالامىزدا قانداي عۇلامالار مەن ۇلى ويشىلدار ٴومىر سۇرگەنىن ٴبىلسىن دەگەن ۇمىتپەن جاسادى. ويتكەنى ٴبىز باعزى زاماننان تۋىس بولىپ وستىك. بولە جاراتىن ەشتەمە جوق. ٴبىز وتكەنىمىزدەن مەدەت الىپ، سونىمەن ماقتانۋىمىز كەرەك. سونىڭ ٴبىرى – اباي. ٴبىز سوندىقتان بۇل تۋىندىعا بار كۇشىمىزدى جۇمسادىق" - دەيدى رەجيسسەر شۋحرات ماحمۋدوۆ.

قازاقتىڭ كەڭ دالاسىن ارالاپ، ۇلى ويشىل اقىننىڭ ومىرىمەن ەتەنە تانىسقان. دەرەكتى ٴفيلمنىڭ سسەناريىن روزيكا مەرگەنبايەۆا جازىپتى.

"مەن تۋىندىنى كورىپ ەرەكشە سەزىمگە بولەندىم. بۇل فيلم ەكى حالىق ورتاسىنداعى، ياعني قازاق-وزبەك حالىقتارىنىڭ دوستىعىن ودان ٴارى جوعارى دارەجەگە كوتەرەدى دەپ ۇمىتتەنەمىن. دەرەكتى فيلمنەن ابايدىڭ اقىندىعىمەن قاتار باسقا جاڭا قىرلارىن اڭعاردىم. ول قازاق پەن قاتار باسقا دا حالىقتاردىڭ ماسەلەلەرىن ناقتى كوتەرىپ، تۇشىمدى وي ايتا بىلگەن عۇلاما اقىن بولعان" - دەيدى تاشكەنت قالاسىنىڭ تۇرعىنى بەكجون ورازبوەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي