BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

2017 جىلى قازاقستاندا مەملەكەتتىك تاپسىرىسپەن 40 سەريال ٴتۇسىرىلدى

فوتو: Нұржас Жақсыбай

بىلتىر ەلىمىزدە مەملەكەتتىك تاپسىرىس بويىنشا 40 سەريال ٴتۇسىرىلىپ، ٴبىرقاتار تەلەحيكايالاردى كورشى ەلدەر ٴوز ەلدەرىندە كورسەتۋ قۇقىعىن ساتىپ العان. بۇل تۋرالى قر اقپارات جانە كوممۋنيكاسيالار ٴمينيسترى داۋرەن ابايەۆ حالىق الىندا ەسەپ بەرۋ جيىنىندا مالىمدەدى، دەپ حابارلايدى baq.kz ٴتىلشىسى.

«وتاندىق باق-تىڭ باسەكەگە قابىلەتتىلىگىن ارتتىرۋ بويىنشا دا ماقساتتى جۇمىستار اتقارىلدى. ٴبىز تەك قانا قازاقستاندىق كوركەم جانە دەرەكتى فيلمدەر كورسەتەتىن «ەلارنا» تەلەارناسىن اشتىق. 2017 جىلى مەملەكەتتىك تاپسىرىس اياسىندا 40 سەريال ٴتۇسىرىلدى. بۇل ٴبىر جىل بۇرىنعى كورسەتكىشتەن ەكى ەسەگە ارتىق. كورەرمەن نازارىن وزىنە اۋدارعان كەيبىر تەلەحيكايالارىمىزدى قىرعىزستان، رەسەي جانە قىتاي ت.ب ەلدەر ٴوز ەلدەرىندە كورسەتۋ قۇقىعىن ساتىپ الدى. بارلىق قازاقستاندىق تەلەارنالاردى ونلاين رەجيمدە كورۋگە مۇمكىندىك بەرەتىن galam.tv جوباسى جاڭارتىلدى»، - دەدى ابايەۆ حالىقپەن كەزدەسۋ جيىنىندا.

مينيستر بيىلدان باستاپ ايماقتارداعى انولوگتىق حابار تاراتۋدى كەزەڭ-كەزەڭىمەن توقتاتاتىنىن ايتتى.

«2018 جىلدىڭ سوڭىنا دەيىن ماڭعىستاۋ، جامبىل، وڭتۇستىك قازاقستان وبلىستارى تولىق سيفرلىق تەلە جانە راديوحابار تاراتۋعا كوشەدى. ەلىمىزدىڭ وزگە ايماقتارى سيفرلىق حابار تاراتۋعا 2020 جىلدىڭ سوڭىنا دەيىن اۋىسادى. سونىمەن قاتار، otau tv وتاندىق سپۋتنيكتىك وپەراتورىن دامىتۋ ماقساتىندا جاڭا otau+ اقىلى پاكەتىن ىسكە قوسۋدى جوسپارلاپ وتىرمىز. ونىڭ قۇرامىندا شەتەلدىك ٴتۇرلى جانردا 14 تەلەارنا بولادى. otau+ تاماشالاعىسى كەلەتىندەر ايىنا 500 تەڭگە تولەيدى»، - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي