BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

«13 شاقىرىم» دەرەكتى ٴفيلمى سەربيادا وتەتىن فەستيۆالگە قاتىسادى

رەجيسسەر ۆلاديمير تيۋلكين تۇسىرگەن «13 شاقىرىم» دەرەكتى ٴفيلمى سەربيانىڭ كرۋشەۆاس قالاسىندا قىركۇيەكتىڭ ٴ25-ى مەن ٴ28-ى ارالىعىندا وتەتىن حالىقارالىق «رۋحى بيىك» («سيلنىە دۋحوم») پراۆوسلاۆيەلىك فيلمدەر فەستيۆالىنىڭ نەگىزگى باعدارلاماسىنا ىرىكتەلىنىپ الىندى، دەپ حابارلايدى baq.kz اقپارات اگەنتتىگى «قازاقفيلم» اق-نىڭ ٴباسپاسوز قىزمەتىنە سىلتەمە جاساپ.

اتالعان تۋىندىنى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق ٴتۇسىردى.

«13 شاقىرىم» اتتى دەرەكتى فيلم سەرىك بودانبايەۆ ەسىمدى زاعيپ تۋرالى باياندايدى. قىستاۋدان ٴوز اۋىلىنا قاراي بەت العان باستى كەيىپكەر ٴوز ٴومىرىنىڭ ەلەۋلى ساتتەرىن ەسكە الىپ، ٴوز بويىنداعى قۇندىلىقتارىنىڭ سىرىن اشادى.

«ٴفيلمنىڭ باستى كەيىپكەرى – رۋحى بيىك تۇلعا. جانارىنان ايىرىلسا دا، قيىندىقتارعا مويىماي، ٴوز بولاشاعىن ويلايدى. بۇل فەستيۆالگە سول ٴۇشىن دە ۇناعان بولار،- دەپ وي ٴبولىستى ٴفيلمنىڭ رەجيسەسەرى ۆلاديمير تيۋلكين.

«رۋحى بيىك» فەستيۆالى سەربيانىڭ پراۆوسلاۆيەلىك شىركەۋى مەن حالىقارالىق پراۆوسلاۆيەلىك حالىقتاردىڭ بىرلىگى قوعامدىق قورىنىڭ قولداۋىمەن وتكىزىلەدى. فەستيۆال باعدارلاماسىنا پراۆوسلاۆيەلىك ٴدىنى بار ەلدەردىڭ شىعارماشىلىق ۇجىمى تۇسىرگەن كوركەم جانە دەرەكتى فيلمدەر قاتىسا الادى. سونىمەن قاتار فەستيۆال شەڭبەرىندە تاقىرىپتىق كورمەلەر، دوڭگەلەك ۇستەلدەر، شىعارماشىلىق كەزدەسۋلەر مەن باسقا دا ٴىس-شارالار وتكىزىلەدى. فەستيالدىڭ ىرىكتەۋ كوميسسياسى پراۆوسلاۆيە ٴدىنى تاقىرىبىندا، نەمەسە ادامدار ٴومىرىنىڭ ٴداستۇرلى رۋحاني-ادامگەرشىلىك اسپەكتىلەرىنە قاتىستى تۇسىرىلگەن كوركەم جانە دەرەكتى فيلمدەردى قابىلدايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي