USD 335.71 EUR 357.36 RUB 5.23
استانا:

تۇڭعىش پرەزيدەنت كۇنى - ەلدەگى تۇراقتىلىق، ەرتەڭگى كۇنگە دەگەن سەنىمدىلىك - قحا

«نۇرسۇلتان نازاربايەۆ شىن مانىندە حالىق ىشىنەن شىققان كوشباسشى رەتىندە ٴوزىنىڭ ەرەن ەڭبەگىمەن اسقان پاتريوتتىقتىڭ، ەلىنە ادالدىقتىڭ ۇلگىسىن كورسەتتى». بۇل تۋرالى قازاقستان حالقى اسسامبلەياسى كەڭەسىنىڭ 1 جەلتوقسان - قر تۇڭعىش پرەزيدەنتى كۇنى مەرەكەسىنە وراي جولداعان قۇتتىقتاۋىندا ايتىلعان.

«سىزدەردى قازاقستان رەسپۋبليكاسى تۇڭعىش پرەزيدەنتىنىڭ كۇنىمەن - ەلباسى كۇنىمەن، قازاقستان حالقى تاريحي تاڭداۋ جاساعان كۇنمەن قۇتتىقتايمىز. بۇل كۇنى ٴبىز جاڭا مەملەكەتتىڭ جارقىن بولاشاعى ٴۇشىن، قوعامداعى تاتۋلىق پەن بىرلىك ٴۇشىن وزىنە اسقان زور جاۋاپكەرشىلىك العان ۇلت كوشباسشىن سايلادىق» دەلىنگەن قۇتتىقتاۋدا.

قحا كەڭەسى، سونداي-اق، تاۋەلسىز قازاقستاندى نىعايتۋ مەن دامىتۋدىڭ 25 جىلى ٴارقايسىمىزدىڭ نۇرسۇلتان ٴابىش ۇلى نازاربايەۆتىڭ باسشىلىعىمەن ەرەن ەڭبەك ەتۋىمىزدىڭ ارقاسىندا وتانىمىز قول جەتكىزگەن شوقتىقتى جەتىستىكتەر مەن جەڭىستەردىڭ جىلىنا اينالعانىن اتاپ وتكەن.

تاۋەلسىزدىكتىڭ 25 جىلدىعى قازاقستاندىق ۇلى ارمان - ۇلى دالا ەلىن ەڭ وزىق دامىعان وتىز ەلدىڭ تەرەزەسى تەڭ مۇشەسى ەتۋ تۋرالى ارماندى ورىندايتىن بەس پرەزيدەنتتىك رەفورما شەڭبەرىندە مەملەكەت پەن قوعامدى اۋقىمدى مودەرنيزاسيالاۋ جىلى بولدى.

«ٴبىزدىڭ ٴارقايسىمىز ٴۇشىن تۇڭعىش پرەزيدەنت كۇنى - ەلدەگى تۇراقتىلىق، ەرتەڭگى كۇنگە دەگەن سەنىمدىلىك، قوعامدىق كەلىسىم مەن بىرلىكتىڭ سالتاناتى ٴۇشىن مەملەكەت باسشىسىنا بۇكىلحالىقتىق سۇيىسپەنشىلىك پەن قولداۋ، ادامي زور ريزاشىلىق بىلدىرىلەتىن كۇن. تاۋەلسىز قازاقستاننىڭ نەگىزىن قالاۋشى نۇرسۇلتان نازاربايەۆ، شىن مانىندە حالىق ىشىنەن شىققان كوشباسشى رەتىندە ٴوزىنىڭ ەرەن ەڭبەگىمەن اسقان پاتريوتتىقتىڭ، ەلىنە ادالدىقتىڭ ۇلگىسىن كورسەتتى، وعان ۇقساۋ - ٴار ازامات ٴۇشىن زور مارتەبە» دەپ اتاپ وتەدى قحا كەڭەسى.

سونداي-اق، قۇتتىقتاۋدا:

«تاۋەلسىزدىكتىڭ 25 جىلدىعى اتاپ وتىلەتىن جىلى ٴبىز ەلباسىنىڭ باستاماسىمەن قازاقستان حالقىنىڭ رۋحاني كونستيتۋسياسى بولىپ تابىلاتىن «ماڭگىلىك ەل» پاتريوتتىق اكتىن قابىلدادىق. ونىڭ نەگىزىندە - بىرلىك، ورتاق مۇددە جانە تاريحي تاعدىر، قاراپايىم دا تۇسىنىكتى قۇندىلىقتار جاتىر، ولار: بولاشاققا دەگەن سەنىمدىلىك، قاۋىپسىزدىك، يگىلىك پەن بالالاردىڭ باقىتى»، دەپ جازىلعان.

«قۇرمەتتى وتانداستار! ٴبىز سىزدەرگە مەملەكەت قايراتكەرى، ٴوز حالقىنىڭ ادال پەرزەنتى -ەلباسى نۇرسۇلتان ٴابىش ۇلى نازاربايەۆ ٴوزىنىڭ وراسان زور تالانتى مەن ساياسي ەرىك-جىگەرىن ارناعان تاتۋلىعىمىز بەن بىرلىگىمىز باياندى بولسىن دەپ تىلەيمىز. دەنساۋلىقتارىڭىز زور، تابىستارىڭىز مول بولسىن!» دەپ تۇيىندەلگەن قۇتتىقتاۋ حاتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي