BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

توقايەۆ: دىندەر سەزى الەمدەگى بەيبىتشىلىك پەن قاۋىپسىزدىكتى نىعايتۋدى كوزدەيدى

فوتو: Нұржас Жақсыбай

قر پارلامەنتى سەناتىنىڭ ٴتوراعاسى قاسىم-جومارت توقايەۆ استانادا ٴوتىپ جاتقان الەمدىك جانە ٴداستۇرلى دىندەر كوشباسشىلارىنىڭ vi سەزى جاھانداعى بەيبىتشىلىك پەن قاۋىپسىزدىكتى نىعايتۋدى كوزدەيتىنىن مالىمدەدى، دەپ حابارلايدى baq.kz ٴتىلشىسى.

بەيبىتشىلىك جانە كەلىسىم سارايىندا ٴوتىپ جاتقان جيىندا قاسىم-جومارت توقايەۆ الدىمەن ٴتۇرلى ٴدىن وكىلدەرىنە العىسىن ٴبىلدىردى.

«الەمدىك جانە ٴداستۇرلى دىندەر كوشباسشىلارى سەزىنىڭ ليدەرلەرى مەن باستامالارىنا تۇراقتى قولداۋ كورسەتىپ، ونىڭ جوعارى باسقارۋشى ورگانى سانالاتىن ٴدىني كوشباسشىلار كەڭەسىنىڭ جۇمىسىنا قاتىسىپ وتىرعاندارىڭىز ٴۇشىن بارشاڭىزعا العىسىمدى بىلدىرەمىن»، - دەدى ول.

وسى ورايدا سەنات ٴتوراعاسى دىندەر سەزىنىڭ نەگىزگى ماقساتى الەمدەگى بەيبىتشىلىكتى نىعايتۋعا باعىتتالعانىن اتاپ ٴوتتى.

«كەڭەستىڭ جوعارى جانە بەدەلدى قۇرامى وركەنيەتارالىق جانە ٴدىنارالىق ىنتىماقتاستىقتىڭ جاڭا يدەيالارىن ىلگەرىلەتىپ، تۇپكى ماقساتى قوعامدار مەن مەملەكەتتەردەگى بەيبىتشىلىك پەن قاۋىپسىزدىكتى نىعايتۋدى كوزدەيدى. ٴىس-شارالاردى جۇزەگە اسىرۋ باعدارلامالارىن ازىرلەۋ قاجەت. تۇتاستاي العاندا ٴدىنارالىق قاتىناستاردىڭ قارقىندى دامۋى سەزد جانە ونىڭ كەڭەسى قىزمەتىنىڭ باستى جەتىستىگى بولىپ سانالادى»، - دەدى توقايەۆ.

سونداي-اق ول ٴتۇرلى ٴدىن وكىلدەرىنىڭ ٴوزارا پىكىر الماسۋى سەنىمدى بايلانىس ورناتۋعا مۇمكىندىك بەرەتىنىن جەتكىزدى.

«فورۋم ٴدىنارالىق ٴسامميتتىڭ نەگىزى قاتىسۋشىلارىنىڭ ٴوزارا پىكىر الماسۋداعى ەرىك جىگەرىن، ولاردىڭ بىر-بىرىنە دەگەن سەنىمى ٴىس-قيمىل جاساۋ كەزىندە ورىن الاتىن ماسەلەلەرگە قاتىستى ورتاق كوزقاراسىن قالىپتاستىرادى»، - دەپ تۇيىندەدى ٴسوزىن سەنات ٴتوراعاسى.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي