USD 336.23 EUR 360.3 RUB 5.28
استانا:

تاۋەلسىزدىك مەرەكەسىنە وراي استاناداعى ەتنومادەني ورتالىقتار كۇنى باستالدى

فوتو: Вечерняя Астана

استانا قالاسى قازاقستان حالقى اسسامبلەياسىنىڭ ەتنومادەني بىرلەستىكتەر كۇندەرىنىڭ اشىلۋى ٴوتتى. قالاداعى 27 ەتنومادەني بىرلەستىكتەردىڭ قاتىسۋىمەن وتەتىن بۇل ٴىسشارا تاۋەلسىزدىكتىڭ 25 جىلدىعىنا وراي ۇيىمداستىرىلىپ وتىر. 16 جەلتوقسانعا دەيىن جالعاساتىن ٴىس-شاراعا بۇگىن ٴۇش مادەني ورتالىق ٴوز ونەرلەرىن كورسەتتى، دەيدى baq.kz ٴتىلشىسى.

بۇگىن العاش رەت باستالعان قالا جاستارىن وزدەرىنىڭ ۇلتتىق ادەت-عۇرىپ جانە سالت-داستۇرلەرىمەن تانىستىرۋ مۇمكىندىگى «ۆوزروجدەنيە» نەمىستەر قوعامى، «قىرعىزستان-استانا» قوعامدىق بىرلەستىگى، سونداي-اق «تاڭ» تاتار-باشقۇرت مادەني ورتالىعى ٴوز ونەرلەرىن جينالعان كوپشىلىككە پاش ەتتى.

«تاۋەلسىزدىكتىڭ 25 جىلدىعى قۇرمەتىنە بۇگىن باستاۋ الىپ وتىرعان بۇل ٴىس-شارانىڭ باستى ماقساتى جاستاردى ٴوز مادەنيەتىن بىلۋگە، وزگە مادەنيەتتى، وزگە ۇلتتى قۇرمەتتەي بىلۋگە تاربيەلەۋ. استانا قالاسىنداعى 27 ەتنومادەني بىرلەستىكتىڭ قاي كۇنى قاي ورتالىق ٴوز ونەرلەرىن كورسەتەتىنىن بەلگىلەپ قويدىق. سول گرافيك بويىنشا تاۋەلسىزدىك مەرەكەسىنە دەيىن قالاداعى وقۋ ورىندارىندا ۇزبەي وتكىزەتىن بولامىز. قازاقستان تاۋەلسىزدىگى، قازاق ەلىنىڭ تاۋەلسىزدىگى وسى ەلدە ٴومىر ٴسۇرىپ جاتقان بارلىق حالىقتاردىڭ تاۋەلسىزدىگى بولىپ سانالادى» - دەيدى قىرعىز مادەني ورتالىعىنىڭ ٴتوراعاسى يسمايلوۆ شافحات.

ەلوردالىق اسسامبلەيا ۇيىمداستىرىپ وتىرعان بۇل ٴىس-شارانىڭ باستى ماقساتى – استانا قالاسىنىڭ قحا قىزمەتىن دارىپتەۋگە، استانالىق ەتنومادەني بىرلەستىكتەردىڭ قىزمەتىنە بالالار مەن جاستاردى تارتۋعا، قازاقستاندا تۇرىپ جاتقان ەتنوستاردىڭ وزىندىك الۋمەتتىك-مادەني مۇراسىن جانداندىرۋعا جانە ساقتاۋعا، ەتنوسارالىق قارىم-قاتىناستاردى نىعايتۋعا، جاس وسپىرىمدەردى رۋحاني-ونەگەلىلىككە جانە پاتريوتتىققا تاربيەلەۋگە نەگىزدەلگەن.

سونداي-اق، قالانىڭ ٴتۇرلى ٴبىلىم بەرۋ مەكەمەلەرىندە ەتنومادەني بىرلەستىكتەر كۇندەرىن مەرەكەلىك اتاپ ٴوتۋ ٴىس-شارالارى اعىمداعى جىلدىڭ قازان ايىنان باستاپ قاراشا ايى بويى جالعاساتىنىن ەسكەرتەمىز. بۇگىنگى العاشقى مادەني ٴىس-شارا كولىك جانە كوممۋنيكاسيالار كوللەدجىندە ٴوتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي