USD 335.61 EUR 361.32 RUB 5.26
استانا:

وسكەمەندە «قازاقستاندىق تاتۋلىق پەن كەلىسىم ۇلگىسىن ىلگەرلەتۋ بويىنشا» وڭىرلىك سەمينار ٴوتتى

شىعىس قازاقستان وبلىسىنىڭ ورتالىعى وسكەمەن قالاسىندا قازاقستان حالقى اسسامبلەياسى مەن قازاقستان رەسپۋبليكاسى پرەزيدەنت جانىنداعى «قوعامدىق كەلىسىم» ورتالىعىنىڭ ۇيىمداستىرۋىمەن «قازاقستاندىق تاتۋلىق پەن كەلىسىم ۇلگىسىن ىلگەرلەتۋ بويىنشا» وڭىرلىك سەمينار بولىپ ٴوتتى، دەپ حابارلايدى baq.kz شىعىس قازاقستان وبلىستىق «حاليفا التاي» مەشىتىنىڭ ٴباسپاسوز قىزمەتىنە سىلتەمە جاساپ.

شاراعا قازاقستان حالقى اسسامبلەياسى ٴتوراعاسىنىڭ ٴبىرىنشى ورىنباسارى ەرالى توعجانوۆ، قر پارلامەنت ٴماجىلىسىنىڭ دەپۋتاتتارى مەن، قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ وكىلدەرى، «اتامەكەن» ۇلتتىق كاسىپكەرلەر پالاتاسىنىڭ باسشىلىعى، جوعارعى سوتتان، ەۆرازيا ۋنيۆەرسيتەتىنەن، قازاقستان رەسپۋبليكاسى پرەزيدەنت جانىنداعى «قوعامدىق كەلىسىم» ورتالىعىنىڭ وكىلدەرى كەلدى.

سونىمەن قاتار بۇل سەمينارعا قازاقستان مۇسىلماندارى ٴدىني باسقارماسىنىڭ ٴدىني ۋاعىز-ناسيحات ٴبولىمىنىڭ مەڭگەرۋشىسى، phd دوكتور، تەولوگ ەرشات وڭعاروۆ ارنايى قاتىستى.

شارانىڭ ماقساتى: ەلباسىنىڭ ۇلت جوسپارى «100 ناقتى قادام» جۇزەگە اسىرۋ اياسىندا قوعامدىق كەلىسىم مەن تۇراقتىلىقتى قامتاماسىز ەتۋ ماسەلەسى بويىنشا تىڭداۋشىلاردىڭ كاسىبي ٴبىلىمى مەن بىلىكتىلىگىن ارتتىرۋعا باعىتتالعان.

قمدب-نىڭ ٴبولىم باسشىسى ە.وڭعاروۆ سەمينارعا قاتىسۋشىلارعا «قازاقستانداعى پسەۆدويسلامدىق اعىمدار:تۇرلەرى، قىزمەت ەرەكشەلىكتەرى، قارسى تۇرۋ ادىستەرى» تاقىرىبىندا قاتىسۋشىلارعا ٴدارىس بەردى.

شاراعا 70 تىڭداۋشى قامتىلىپ، تاجىريبەلىك ساباقتار مەن ترەنينگتەرگە قاتىسىپ، 2 كۇن بويى دارىستەر تىڭداپ، سەرتيفيكاتتار تابىس ەتىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي