BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

نۇرسۇلتان نازاربايەۆ ۆاتيكاننىڭ پاپا كەڭەسىنە ارنايى سىيلىق تابىستادى

فوتو: Нұржас Жақсыбай

قازاقستان پرەزيدەنتى نۇرسۇلتان نازاربايەۆ الەمدىك جانە ٴداستۇرلى دىندەر كوشباسشىلارىنىڭ vi سەزىندە ۆاتيكاننىڭ پاپا كەڭەسىنە ٴدىنارالىق ديالوگقا ۇلەس قوسقانى ٴۇشىن ارنايى سىيلىق تابىستادى، دەپ حابارلايدى baq.kz ٴتىلشىسى.

«بۇرىن ادامزات تاريحىندا بۇگىنگىدەي دىندەردىڭ اراسىندا كوپىر ورناتۋ جۇمىسى ىسكە اسىرىلماعان. ٴبىزدىڭ فورۋم ىنتىماقتاستىق ورناتۋدىڭ جاڭا جۇيەسىن قالىپتاستىرادى. ٴقازىر بىزگە الەمدىك پەرسپەكتيۆا تۇرعىسىندا وي الماسۋعا مۇمكىندىك تۋىپ وتىر. ٴسوز سوڭىندا كەلەسى شەشىمدى ايتقىم كەلەدى. ٴدىنارالىق ديالوگقا قوسقان ۇلەسى ٴۇشىن ۆاتيكاننىڭ پاپا كەڭەسىنە ارنايى سىيلىق بەرۋگە رۇقسات ەتىڭىزدەر. ارينە، وسى فورۋمدى قولداعاندارىڭىز ٴۇشىن مەن بارشاڭىزعا العاسىمدى بىلدىرەمىن. بارشاڭىزعا مەدالدار مەن ەستەلىك سىيلىقتار تابىس ەتىلەدى. ولاردى سىزدەرگە قاسىم-جومارت توقايەۆ تابىستايدى»، - دەدى نۇرسۇلتان نازاربايەۆ.

مەملەكەت باسشىسى ارنايى سىيلىقتى ۆاتيكاننىڭ زاڭنامالىق ماتىندەردى ٴتۇسىندىرۋ جونىندەگى پاپا كەڭەسىنىڭ قۇرمەتتى ٴتوراعاسى كاردينال فرانچەسكو كوككوپالمەريو مىرزاعا تابىستادى.

بۇعان دەيىن ەلباسى ٴقازىر الەم تۋربۋلەنتتى كۇي كەشىپ وتىرعانىن جانە ەلدەر اراسىندا جاڭا قامالدار پايدا بولىپ جاتقانىن ايتقان بولاتىن.

اتاپ وتسەك، بۇگىن استانادا الەمدىك جانە ٴداستۇرلى دىندەر كوشباسشىلارىنىڭ vi سەزى باستالدى. ٴدىني كوشباسشىلار كەڭەسىنىڭ ٴۇشىنشى وتىرىسىن قازاقستان رەسپۋبليكاسى پارلامەنتى سەناتىنىڭ ٴتوراعاسى قاسىم-جومارت توقايەۆ اشتى. ال «ٴدىني كوشباسشىلار ٴقاۋىپسىز الەمدى جاقتايدى» تاقىرىبىنداعى جالپى وتىرىس قازاقستان پرەزيدەنتى نۇرسۇلتان نازاربايەۆتىڭ توراعالىعىمەن ٴوتىپ جاتىر. جيىن ٴتۇرلى ۇلت وكىلدەرىنەن قۇرىلعان حور ٴانسامبلىنىڭ انىمەن اشىلدى.

سەزد ەكى كۇنگە جالعاسادى. ونىڭ جۇمىسىنا بارلىق الەمدىك جانە ٴداستۇرلى دىندەردىڭ وكىلدەرى، بەدەلدى ٴدىني كوشباسشىلار، ساياسي قايراتكەرلەر مەن حالىقارالىق ۇيىم وكىلدەرىنەن قۇرالعان 46 ەلدەن 82 دەلەگاسيا قاتىسىپ وتىر.

الەمدىك جانە ٴداستۇرلى دىندەر كوشباسشىلارىنىڭ سەزى العاش رەت قازاقستان پرەزيدەنتى نۇرسۇلتان نازاربايەۆتىڭ باستاماسىمەن 2003 جىلدىڭ 23-24 قىركۇيەگىندە شاقىرىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي