BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قىزىلجاردا تىلدەر فەستيۆالى ٴوتتى

فوتو: Автор

پەتروپاۆلدا قازاقستان حالقى تىلدەرىنىڭ حح-شى وبلىستىق فەستيۆالى ٴوتتى. شارا اياسىندا اباي اتىنداعى رەسپۋبليكالىق كوركەم ٴسوز وقۋ شەبەرلەرىنىڭ كونكۋرسى ۇيىمداستىرىلدى. ونەر دوداسىنا ەلىمىزدىڭ تۇكپىر-تۇكپىرىنەن جينالعان 16 قاتىسۋشى شەبەرلىك سىناستى، دەپ حابارلايدى baq.kz ٴتىلشىسى.

كوركەم ٴسوز وقۋ شەبەرلەرىنىڭ سايىسى قازاقتىڭ ۇلى اقىنى ماعجان جۇمابايەۆتىڭ 125 جىلدىعىنا ورالاستىرىلدى. فەستيۆالدىڭ اشىلۋ سالتاناتىندا مەملەكتتىك ٴتىلدى دامىتۋعا ۇلەس قوسىپ جۇرگەن ازاماتتار ماراپاتتالدى. بۇل يگى شارا بيىل حح رەت ۇيىمداستىرىلىپ وتىر.

«تىلدەردىڭ حح وبلىستىق فەستيۆالىنىڭ اشىلۋىمەن قۇتتىقتايمىن. بيىل قازاقستان رەسپۋبليكاسىنىڭ پرەمەر-مينيسترىنىڭ قاۋلىسىمەن 5 قىركۇيەك تىلدەر كۇنى بولىپ بەكىتىلدى. وسى كۇنى قازاق ٴتىلى ٴبىلىمىنىڭ اتاسى احمەت بايتۇرسىن ۇلىنىڭ تۋعان كۇنىمەن سايكەس كەلىپ وتىر. بۇگىن ٴبىزدىڭ وبلىسىمىزدا اباي اتىنداعى كوركەم ٴسوز وقۋ شەبەرلەرىنىڭ رەسپۋبليكالىق بايقاۋىن ۇيىمداستىرىپ وتىر. ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ اياسىنداداعى ٴىس-شارالاردىڭ ٴبىرى رەتىندەگى قازاقتىڭ ۇلى باس اقىنى ماعجان جۇمابايەۆتىڭ 125 جىلدىعى رەسپۋبليكالىق كولەمدە اتاپ ٴوتىلدى»، – دەدى سولتۇستىك قازاقستان وبلىسىنىڭ اكىمىنىڭ ورىنباسارى داۋرەن جانداربەك ۇلى.

بايقاۋعا رەسپۋبليكامىزدىڭ وبلىستارىنان جانە استانا، الماتى قالالارىنان بارلىعى 16 ۇمىتكەر قاتىسادى. ولار ەكى باعىت بويىنشا باق سىنادى: قازاقتىڭ بەلگىلى جازۋشىلارىنىڭ شىعارمالارىن وقۋ جانە ماعجان جۇمابايەۆتىڭ 125 جىلدىعىنا وراي پوەزيالىق شىعارمالارىنان ٴۇزىندى وقۋ.

«بيىل قازاقستان حالقىنىڭ تىلدەرىنىڭ مەرەكەسى العاش رەت تويلانىپ وتىر. بۇگىن ٴبىز قىزىلجار وڭىرىندە تىلدەر كۇنى مەرەكەسىنە وراي قازاقستاننىڭ بارلىق وڭىرىنەن 17 مەن 29 جاس ارالىعىنداعى جاس دارىنداردىڭ اراسىندا رەسپۋبليكالىق كونكۋرسىن ۇيىمداستىرىپ وتىرمىز. بۇل بايقاۋدىڭ ماقساتى – قازاق ادەبيەتىندەگى اقىنداردىڭ ولەندەرىن جاتقا وقي وتىرا ٴسوز ونەرىنە باۋلۋ.جاستاردىڭ بويىنداعى مەملەكەتتىك تىلگە دەگەن رۋحاني جاڭعىرتۋعا الىپ كەلۋ بولىپ تابىلادى»،- دەدى «ٴتىل قازىنا» ۇلتتىق عىلىمي پراكتيكالىق ورتالىعى پەرسانالمەن جۇمىس قۇقىقتىق جانە ۇيىمداستىرۋ ٴبولىمىنىڭ باسشىسى ايدوس ٴابدىقالىقوۆ.

جەڭىمپازدار ارنايى ديپلومدار، العىس حاتتارمەن جانە قارجىلاي سىيلىقتارمەن ماراپاتتالدى. باس جۇلدەنى شىعىس قازاقستان وبلىسىنان كەلگەن سايا بايبوسىنوۆا قانجىعاسىنا بايلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي