BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قحا ٴتوراعاسىنىڭ ورىنباسارى ستۋدەنتتەرمەن كەزدەستى

استانا، baq.kz. س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە قازاقستان حالقى اسسامبلەياسى ٴتوراعاسىنىڭ ورىنباسارى – حاتشىلىق مەڭگەرۋشىسى ل.پروكوپەنكونىڭ ۋنيۆەرسيتەت وقىتۋشىلارى جانە ستۋدەنت جاستارىمەن كەزدەسۋى ٴوتتى.

شاراعا قحا ٴتوراعاسىنىڭ ورىنباسارى – حاتشىلىق مەڭگەرۋشىسى ل.پروكوپەنكو، قر پارلامەنتى ٴماجىلىسىنىڭ دەپۋتاتى ر.كيم، س.سەيفۋللين اتىنداعى قازاتۋ رەكتورى ا.كۇرىشبايەۆ، قحا كاسىپكەرلەر قوعامداستىعى ٴتوراعاسىنىڭ ورىنباسارى ا.جۇماعالي، «جاراسىم» رەسپۋبليكالىق جاستار ۇيىمىنىڭ ٴتوراعاسى ت.جۇمىربايەۆ، «اۋىل – مەملەكەت تىرەگى. قازاقستاننىڭ بولاشاق اگرارلارى» جوباسىنىڭ باسشىسى د.كورەپانوۆ، ەتنومادەني بىرلەستىكتەردىڭ وكىلدەرى، پروفەسسورلىق-وقىتۋشىلىق قۇرام ستۋدەنتتەر قاتىستى.

كەزدەسۋ بارىسىندا قازاتۋ عىلىمي ورتالىقتارىن، اتاپ ايتقاندا، «اۋىلشارۋاشىلىق بيوتەحنولوگيا عىلىمي الاڭى» عىلىمي-زەرتتەۋ ينستيتۋتىنا، مەتالل وڭدەۋ جانە دانەكەرلەۋ سەحى، قىتاي اۋىلشارۋاشىلىعىن مەحانيزاسيالاۋ ورتالىعى، گاج تەحنولوگياسىنىڭ وقۋ ورتالىعى، ەت، ٴسۇت جانە وسىمدىك مايىن وڭدەۋ بويىنشا وقۋ-ەكسپەريمەنتتىك سەحتارىن ارالاپ، قىزمەتىمەن تانىستى.

اقىلبەك قاجىعۇل ۇلى اۋىل شارۋاشىلىعىن سيفرلاندىرۋ اياسىندا ۋنيۆەرسيتەتتىڭ قىزمەتىن بايانداي كەلە، قازاقستانداعى اوك سيفرلاندىرۋ بىلىمدەرىن ەنگىزۋ جانە تاراتۋ اياسىندا ۇيىمداستىرىلىپ جاتقان ٴىس-شارالاردىڭ باعىتىن حابارلاپ ٴوتتى.

قازاقستان حالقى اسسامبلەياسى ٴتوراعاسىنىڭ ورىنباسارى – حاتشىلىق مەڭگەرۋشىسى ل.پروكوپەنكو ٴوز سوزىندە ۋنيۆەرسيتەت قابىرعاسىنداعى ٴبىلىم بەرۋ ۇردىسىندەگى ىلگەرى قادامدارعا توقتالىپ، اگرارلىق سالانىڭ ماڭىزدىلىعىن اتاپ ٴوتتى.

"وقۋ وردانىڭ تەوريالىق ٴبىلىم جانە تاجىريبەلىك ماشىقتارى ٴبىلىم الۋشىلاردىڭ بولاشاقتا كاسىپكەرلىكتى باستاۋدىڭ نەگىزى بولادى"- دەدى ول.

ٴسوز سونىڭدا ل.پروكوپەنكو قازاق اگروتەحنيكالىق ۋنيۆەرسيتەتى مەن قازاقستان حالقى اسسامبلەياسى بىرلەسىپ ٴبىلىم تاراتۋ ورتالىعىن اشۋعا ۇسىنىس ٴبىلدىردى. سونداي-اق، «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى ەلباسىنىڭ جىلسايىنعى قازاقستان حالقىنا جولداۋىن جانە «رۋحناي جاڭعىرۋ» باعدارلامالارىن تالقىلاۋ جۇمىستارى جۇرگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي