BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قحا مەن نازاربايەۆ ۋنيۆەرسيتەتى مەموراندۋمعا قول قويدى

فوتو: Нұржас Жақсыбай

قازاقستان حالقى اسسامبلەياسى مەن نازاربايەۆ ۋنيۆەرسيتەتى اراسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى baq.kz ٴتىلشىسى.

قول قويۋ راسىمىنە قحا ٴتوراعاسىنىڭ ورىنباسارى – قر پرەزيدەنت اكىمشىلىگى قحا حاتشىلىعىنىڭ مەڭگەرۋشىسى لەونيد پروكوپەنكو، نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ قاتىستى.

«مەن شيگەو كاتسۋ مىرزاعا بايلانىس ورناتۋعا نيەت تانىتقانى ٴۇشىن العىسىمدى بىلدىرەمىن. ٴبىراق ٴبىز مەموراندۋمعا دەيىن دە ۇزاق ۋاقىت بويى بىرگە تىعىز جۇمىس ىستەدىك. ۋنيۆەرسيتەت – قازاقستاننىڭ ينتەللەكتۋالدى سالاسىنداعى كوشباسشىسى. ٴبىلىم مەن عىلىمدى دامىتۋ قازاقستان حالقى اسسامبلەياسى باسىمدىق بەرەتىن ماڭىزدى سالالاردىڭ ٴبىرى. عىلىم الاڭىندا ينتەللەكتۋالدى بايلانىس ورناتۋ ۇلتتىق بىرلىكتىڭ قازاقستاندىق مودەلىن دامىتۋعا جانە ارامىزداعى ٴوزارا ارەكەتتىستىكتى ودان ٴارى نىعايتۋعا سەپتىگىن تيگىزەدى دەگەن ويدامىن»، - دەدى لەونيد پروكوپەنكو «قازاقستان مەن گەرمانيانىڭ ينتەگراسيالىق ساياساتى. سالىستىرمالى ساراپتاما» تاقىرىبىندا وتكەن حالىقارالىق كونفەرەنسيادا.

ايتا كەتەيىك، اتالعان كونفەرەنسياعا كونراد ادەناۋەر اتىنداعى قوردىڭ قازاقستانداعى وكىلدىگىنىڭ ديرەكتورى توماس حەلم، قر پارلامەنتى ٴماجىلىسىنىڭ دەپۋتاتتارى، شەتەلدىك ساراپشىلار، قحا مۇشەلەرى، اسسامبلەيانىڭ عىلىمي-ساراپشىلىق كەڭەسىنىڭ مۇشەلەرى، عىلىم جانە مادەنيەت قايراتكەرلەرى، مەملەكەتتىك ورگانداردىڭ، ەتنومادەني بىرلەستىكتەردىڭ، مەملەكەتتىك ەمەس ۇيىمداردىڭ وكىلدەرى قاتىستى.

كونفەرەنسيا جۇمىسى بارىسىندا قازاقستان مەن گەرمانيانىڭ كوشى-قون ماسەلەلەرى: ميگرانتتاردىڭ نەگىزگى اعىمى، ەڭبەك ميگراسياسى، الداعى ۋاقىتقا ميگراسيالىق بولجام، مەملەكەتتىك ەمەس ۇيىمداردىڭ جانە مەملەكەتتىك مەكەمەلەردىڭ ەتنيكالىق توپتاردىڭ ينتەگراسياسىنداعى ٴرولى، ميگرانتتاردىڭ بەيىمدەلۋى مەن ينتەگراسياسىنداعى جانە ولاردىڭ بيلىك ورگاندارىمەن ٴوزارا ارەكەتىندەگى ەتنومادەني بىرلەستىكتەردىڭ ٴرولى مەن مۇمكىندىكتەرى جانە باسقا دا ماسەلەلەر تالقىلاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي