USD 335.61 EUR 361.32 RUB 5.26
استانا:

قحا كەڭەسىنىڭ كەڭەيتىلگەن وتىرىسى ٴوتتى

فوتو: Ержан Жаубай

قازاقستان حالقى اسسامبلەياسى كەڭەسىنىڭ قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان كەڭەيتىلگەن وتىرىسى ٴوتتى، دەپ حابارلايدى baq.kz ٴتىلشىسى.

اتالعان وتىرىسقا قر مەملەكەتتىك حاتشىسى گ.ن.ٴابدىقالىقوۆا، قحا ٴتوراعاسىنىڭ ورىنباسارى – حاتشىلىق مەڭگەرۋشىسى ە.ل.توعجانوۆ، قر پارلامەنت ٴماجىلىسىنىڭ دەپۋتاتتارى، قحا كەڭەسىنىڭ مۇشەلەرى، قوعام قايراتكەرلەرى مەن زيالى قاۋىم، باق وكىلدەرى قاتىستى.

وتىرىس بارىسىندا ەلباسى – قر تۇڭعىش پرەزيدەنتى ن.نازاربايەۆتىڭ باسشىلىعىمەن تاۋەلسىزدىك جىلدارىندا جەتكەن ەلىمىزدىڭ جەتىستىكتەرى، قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىن قالىپتاستىرۋ مەن دامىتۋداعى پرەزيدەنتتىڭ ٴرولى ٴسوز بولدى.

«بۇگىن ٴبىز ەل تاۋەلسىزدىگىنىڭ 25 جىلدىعىن مەرەكەلەۋ اياسىندا قازاقستان حالقىنىڭ بىرلىگى مەن جاسامپازدىعىن پاش ەتەتىن ٴىس-شارالاردىڭ ٴبىرى قحا كەڭەسىنىڭ كەڭەيتىلگەن وتىرىسىندا باس قوسىپ وتىرمىز. وتىرىس بارىسىندا اسسامبلەيانىڭ ەلدەگى قوعامدىق-ساياسي تۇراقتىلىقتى قامتاماسىز ەتۋدەگى جانە ەتنوس ارالىق قاتىناستار سالاسىنداعى ٴىس-قيمىلداردى ارتتىرۋعا باعىتتالعان قىزمەتىنە قورىتىندىلار جاسالادى» - دەدى گۇلشارا ٴابدىحالىقوۆا.

سونىمەن قاتار، وتىرىس بارىسىندا بىرنەشە كىتاپتىڭ تۇساۋكەسەر-تانىستىرىلىمى ٴوتتى.

جۇمىس قورىتىندىسى بويىنشا قحا كەڭەسى مەملەكەت باسشىسىنا ۇندەۋ قابىلدادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي