BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

ەلدەر اراسىندا جاڭا قامالدار پايدا بولىپ جاتىر – نازاربايەۆ

فوتو: Нұржас Жақсыбай

ٴقازىر ەلدەر، گەوساياسي بلوكتار اراسىندا جاڭا قامالدار، جاڭا «تەمىر پەردەلەر» ورناتىلىپ جاتىر. قازاقستان پرەزيدەنتى نۇرسۇلتان نازاربايەۆ الەمدىك جانە ٴداستۇرلى دىندەر كوشباسشىلارىنىڭ vi سەزىندە وسىلاي ايتتى، دەپ حابارلايدى baq.kz ٴتىلشىسى.

«ٴبىز بارشامىزعا ورتاق پلانەتانى كەلەر ۇرپاققا قانداي كۇيدە جەتكىزەمىز؟ بۇل - وركەنيەتتىڭ باستى سۇراعى، باستى ماسەلەسى. مىنە، ٴۇشىنشى مىڭجىلدىقتىڭ 18 جىلىن باستان وتكەرىپ وتىرمىز. الايدا بەيبىتشىلىك، باقۋاتتى، بەرەكەلى ٴومىر ادامزاتتىڭ نەگىزگى ۇردىسىنە اينالا قويمادى. الەمدىك قوعامداستىق ٴوزارا سەنبەۋشىلىك، جەك كورۋشىلىك، قاقتىعىستار شەڭبەرىنەن شىعا الماي وتىر. كورىپ وتىرعانىمىزداي، جاعداي جاقسارمادى، كەرىسىنشە ناشارلاي ٴتۇستى. ەلدەر، گەوساياسي بلوكتار اراسىندا جاڭا قامالدار، جاڭا تەمىر پەردەلەر ورناتىلۋدا. ەكونوميكادا، قارجى سالاسىندا كەدەرگىلەر پايدا بولىپ جاتىر. ولار بىر-بىرىنەن اسىپ-تۇسۋگە تىرىسىپ، ٴبىر-بىرىن قىرىپ-جويۋعا قۇرالدار جاساپ، بۇعان قىرۋار كۇش جامساۋدا. كەرىسىنشە، ٴبىز ىنتىماقتاستىق ٴۇشىن جاعداي جاساپ، حالىقتاردىڭ وركەنيەتى ٴۇشىن بىرلەسكەن جوبالار جاساۋىمىز كەرەك. ٴبىز قاتە جولدان ارىلۋىمىز قاجەت. سوندىقتان، بارشامىز پروگرەسس، دامۋ جولىنا قايتا ٴتۇسۋىمىز كەرەك. بۇنى تەز قولعا الۋ قاجەت. ويتكەنى كۇن سايىن ادامداردىڭ تاعدىرى شەشىلىپ جاتىر. مىڭداعان، ميلليونداعان ادام تۋعان جەرلەرىن، شاڭىراقتارىن تاستاپ كەتۋگە ٴماجبۇر. كوپتەگەن ادام ٴىز-تۇسسىز جوعالۋدا. بۇگىنگى كۇنى بوسقىندار سانى 60 ميلليوننان اسىپ تۇسەدى. بۇل اشىق قاقتىعىستاردىڭ عانا اسەرىنەن بولىپ وتىرعان جوق»، - دەدى نازاربايەۆ.

مەملەكەت باسشىسىنىڭ ايتۋىنشا، ٴقازىر ادامزات بار كۇش-جىگەرى مەن قاراجات-قۇرالدارىن قاقتىعىستارعا جۇمساپ وتىر. سول سەبەپتەن ولار تابيعي اپاتتاردان قورعانۋ ٴۇشىن كۇش، قاراجات پەن قۇرال-جابدىق تاپپاي قالادى.

«تەحنولوگيالىق دامۋ مەن الەم بايلىعىنا قاراماستان الەۋمەتتىك اپاتتار كولەمى كەڭەيىپ جاتىر. بۇۇ مالىمەتتەرىنە سايكەس، پلانەتا حالقىنىڭ 14 پايىزى اش، جۇمىسسىزداردىڭ جالپى سانى 190 ميليوننان اسىپ تۇسەدى. بۇل الەۋمەتتىك تەڭسىزدىكتى كۇشەيتەدى. ال بۇل ٴوز كەزەگىندە راديكاليزمگە نەگىز بولادى. سوندىقتان ەڭ باستى ماسەلە – ٴقاۋىپسىز، ادىلەتتى الەم قۇرۋ»، - دەدى نۇرسۇلتان نازاربايەۆ.

بۇعان دەيىن ەلباسى الەم تۋربۋلەنتتى كۇي كەشىپ وتىرعانىن ايتقان بولاتىن.

اتاپ وتسەك، بۇگىن استانادا الەمدىك جانە ٴداستۇرلى دىندەر كوشباسشىلارىنىڭ vi سەزى باستالدى. ٴدىني كوشباسشىلار كەڭەسىنىڭ ٴۇشىنشى وتىرىسىن قازاقستان رەسپۋبليكاسى پارلامەنتى سەناتىنىڭ ٴتوراعاسى قاسىم-جومارت توقايەۆ اشتى. ال «ٴدىني كوشباسشىلار ٴقاۋىپسىز الەمدى جاقتايدى» تاقىرىبىنداعى جالپى وتىرىس قازاقستان پرەزيدەنتى نۇرسۇلتان نازاربايەۆتىڭ توراعالىعىمەن ٴوتىپ جاتىر. جيىن ٴتۇرلى ۇلت وكىلدەرىنەن قۇرىلعان حور ٴانسامبلىنىڭ انىمەن اشىلدى.

سەزد ەكى كۇنگە جالعاسادى. ونىڭ جۇمىسىنا بارلىق الەمدىك جانە ٴداستۇرلى دىندەردىڭ وكىلدەرى، بەدەلدى ٴدىني كوشباسشىلار، ساياسي قايراتكەرلەر مەن حالىقارالىق ۇيىم وكىلدەرىنەن قۇرالعان 46 ەلدەن 82 دەلەگاسيا قاتىسىپ وتىر.

الەمدىك جانە ٴداستۇرلى دىندەر كوشباسشىلارىنىڭ سەزى العاش رەت قازاقستان پرەزيدەنتى نۇرسۇلتان نازاربايەۆتىڭ باستاماسىمەن 2003 جىلدىڭ 23-24 قىركۇيەگىندە شاقىرىلعان بولاتىن.

فوتوسۋرەتتەر: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي