BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

دىندەر سەزى: سەنات ٴتوراعاسى تەرروريزمنىڭ الدىن الۋ ٴۇشىن ەلباسىنىڭ ادەپ كودەكسىن نەگىزگە الۋعا شاقىردى

فوتو: Нұржас Жақсыбай

قر پارلامەنتى سەناتىنىڭ ٴتوراعاسى قاسىم-جومارت توقايەۆ استانادا ٴوتىپ جاتقان الەمدىك جانە ٴداستۇرلى دىندەر كوشباسشىلارىنىڭ vi سەزىندە تەرروريزمنىڭ الدىن الۋ ٴۇشىن ەلباسى نۇرسۇلتان نازاربايەۆتىڭ بۇۇ باس اسسامبلەياسىندا ۇسىنعان ادەپ كودەكسىن نەگىزگە الۋ قاجەتتىگىن ايتتى، دەپ حابارلايدى baq.kz ٴتىلشىسى.

توقايەۆ قازىرگى تاڭدا الەمدەگى ٴتۇرلى ٴدىن وكىلدەرىن ٴبىر ۇستەل باسىنا جيناپ، جاھانداعى وزەكتى ماسەلەلەردى تالقىلاۋ ماڭىزدى ەكەنىن جەتكىزدى.

«تاريحتىڭ جاڭا دامۋ داۋىرىندە، گەوساياسي، قۇقىقتىق، حالىقارالىق جانە يدەولوگيالىق ولشەمى بار جاڭا ساياسي كەزەڭدە كەڭەس جۇمىسىنىڭ مازمۇنىن بايىتا ٴتۇسۋ ماڭىزدى. سيريالىق قاقتىعىس، ٴدىندارلاردىڭ جاپپاي ٴولتىرىلۋى، الەمدىك مۇرا بولىپ سانالاتىن ٴدىني نىساندار مەن ەسكەرتكىشتەردىڭ، كۋلتتى قۇرىلىمداردىڭ جويىلۋى – جاھاندىق تۇراقتىلىق پەن قاۋىپسىزدىكتىڭ الدىنداعى جاڭا سىن-تەگەۋرىن بولىپ وتىر»، - دەدى قاسىم-جومارت توقايەۆ.

ونىڭ ايتۋىنشا، كەز كەلگەن مەملەكەتتىڭ اۋماقتىق تۇتاستىعى مەن ساياسي تاۋەلسىزدىگىنە قاتىستى كۇش قولدانۋعا تىيىم سالاتىن بۇۇ-نىڭ جارعىسى ەسكەرىلمەۋدە.

سەنات ٴتوراعاسىنىڭ پىكىرىنشە، وسىنداي كۇردەلى جاعدايدا الەمدىك جانە ٴداستۇرلى ٴدىن وكىلدەرىنىڭ باسىن قوسقان استانا سەزى – ەسكىرگەن ماسەلەلەردى شەشۋ جولىندا ٴتيىمدى قۇرال بولا ٴبىلۋى شارت.

وسى وراي دا قاسىم-جومارت توقايەۆ تەرروريزمنىڭ الدىن الۋ ٴۇشىن الەمدىك بىرلەستىكتەر ايتۋلى شارالاردى وتكىزىپ جاتقانىمەن، تەرروريزم ٴدىننىڭ اتىن جامىلىپ، ارام پيعىلىن ىسكە اسىرىپ وتىرعانىن اشىق جەتكىزدى.

«حالىقارالىق تەرروريزم مەن زورلىق-زومبىلىق ەكسترەميزمى بۇگىنگى تاڭدا جاھاندىق قاۋىپسىزدىك ٴۇشىن اسا كۇردەلى سىن-تەگەۋرىندەردىڭ ٴبىرى بولىپ قالىپ وتىر. ٴدىني ليدەرلەر كەڭەسى الەمدىك ساياسي كوشباسشىلارعا ىقپال ەتە وتىرىپ، الەمدىك ساياساتتاعى قاراما-قايشىلىقتى رەتتەي الار ەدى»، - دەدى ول.

وسى ورايدا سەنات ٴتوراعاسى تەرروريزممەن كۇرەسۋ ٴۇشىن ەلباسىنىڭ ادەپ كودەكسىن نەگىزگە الۋ ماڭىزدى ەكەنىن جەتكىزدى.

«بۇۇ باس اسسامبلەياسىنىڭ ٴ70-شى سەسسياسىندا قازاقستان پرەزيدەنتى جاھاندىق كونتروتەرروريستىك كواليسياسىن بەكىتۋ تۋرالى ايتتى. بۇل كواليسيانى قۇرۋ جولىندا نەگىز رەتىندە مەملەكەت باسشىسى تەرروريزمنەن ەركىن الەمگە قول جەتكىزۋ ٴۇشىن ادەپ كودەكسىن قۇرۋدى ۇسىنعان. 28 قىركۇيەك كۇنى بۇۇ باس اسسامبلەياسى وتىرىسىنىڭ سوڭىندا كوپتەگەن مۇشە ەلدەر بۇل قۇجاتقا قوسىلدى. الەمدىك ٴدىني جانە ساياسي كوشباسشىلار تەرروريزمنىڭ الدىن الۋ جولىندا ۇسىنىستاردى ازىرلەۋ ٴۇشىن ٴدىني كوشباسشىلار كەڭەسى وسى كودەكستى نەگىز رەتىندە الۋعا بولار ەدى. مىنە، ٴدال وسى شارالارعا سەزارالىق كەزەڭدە سەز حاتشىلىعىنىڭ جۇمىسىن باعىتتاعىمىز كەلەدى. vi سەز قابىلدايتىن بىرلەسكەن دەكلاراسيا – ٴبىز ماقسات تۇتقان باعىتقا جاسالار ماڭىزدى قادام»، - دەپ تۇيىندەدى ٴسوزىن توقايەۆ.

فوتولاردىڭ اۆتورى: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي