BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

دىندەر سەزى: پرەزيدەنت ٴدىني ساۋاتتىلىقتى كوتەرۋگە شاقىردى

فوتو: Нұржас Жақсыбай

قازاقستان پرەزيدەنتى نۇرسۇلتان نازاربايەۆ ٴدىني راديكاليزممەن كۇرەسۋ ٴۇشىن ازاماتتاردىڭ ٴدىني ساۋاتتىلىعىن كوتەرۋ قاجەتتىگىن مالىمدەدى، دەپ حابارلايدى baq.kz ٴتىلشىسى.

الەمدىك جانە ٴداستۇرلى دىندەر كوشباسشىلارىنىڭ vi سەزىندە ەلباسى الەمدەگى وزەكتى ماسەلەلەردى شەشۋ ٴۇشىن قانداي شارالار جۇرگىزۋ قاجەتتىگىن ايتتى.

«كۇش-جىگەرىمىزدى بىرىكتىرەتىن باعىتتارعا توقتالىپ وتۋگە رۇقسات ەتىڭىزدەر. اقپاراتتىق قوعامدا جاڭا تەحنولوگيالاردىڭ ارتىقشىلىقتارىن جاھاندىق دەڭگەيدە بەيبىتشىلىك پەن كەلىسىم يدەيالارىن ىلگەرىلەتۋ ٴۇشىن پايدالانۋىمىز قاجەت. وسى ماقساتتا اتالعان سەزدىڭ بازاسىندا اقپاراتتىق پورتال جاساۋ قاجەت. ول پورتالدىڭ مىندەتى ٴدىني راديكاليزمنىڭ كەز كەلگەن كورىنىسى مەن زورلىق-زومبىلىققا قارسى تۇرۋ»، - دەدى مەملەكەت باسشىسى.

قازاقستان پرەزيدەنتىنىڭ پىكىرىنشە، مەملەكەتتەر جاھانداعى بەيبىتشىلىكتى قامتاماسىز ەتۋدە مۇمكىندىكتەردى تولىق پايدالانا الماي وتىر.

ەكىنشىدەن، ٴبىز بەيبىتشىلىكتى قامتاماسىز ەتۋدەگى ۇمتىلىسىمىزدىڭ بارلىق الەۋەتىن تولىقتاي پايدالانىپ وتىرعان جوقپىز. وسى جاعدايدا ٴبىز ٴوزارا ارەكەتتەستىكتىڭ جاڭا دەڭگەيىنە شىعۋىمىز كەرەك. رۋحاني كوشباسشىلاردىڭ جانە رۋحاني بىرلەستىكتەردىڭ بارلىق مۇمكىندىگىن وسى سىندارلى ديالوگتى قامتاماسىز ەتۋ باعىتىندا قولدانۋىمىز قاجەت. بارلىق رۋحاني كوشباسشىعا ايتارىم، ٴبىز بارلىق مەملەكەتكە وسى ۇندەۋدى جاريالاۋىمىز كەرەك»، - دەدى نازاربايەۆ.

سونداي-اق ەلباسى ٴدىني راديكاليزممەن كۇرەسۋ ٴۇشىن الەم تۇرعىندارىنىڭ ٴدىني ساۋاتتىلىعىن كوتەرۋ قاجەتتىگىن اتاپ ٴوتتى.

«ۇشىنشىدەن، جاھانداعى وزەكتى پروبلەمالاردىڭ ٴبىرى – ٴبىلىم بەرۋ ماسەلەسى. قازىرگى تاڭدا الەمدەگى 700 ملن ادام نە جازا، نە وقي المايدى. كەدەيشىلىكتى ٴبىلىمسىز، عىلىمسىز ٴبىز ەڭسەرە المايمىز. تەك ٴبىلىم عانا ٴدىني راديكاليزمگە قارسى تۇراتىن تۇراقتى يممينۋتەتتىڭ ٴبىرى بولىپ سانالادى. مۇندا ٴدىني بىلىمگە نازار اۋدارۋ قاجەت. بۇگىنگى تاڭدا ٴدىني ٴبىلىمنىڭ پلاتفورماسىن جالعان ٴدىني ۇيىمدار بەلسەندى تۇردە پايدالانۋدا. سوندىقتان الەمدىك جانە ٴداستۇرلى دىندەر كوشباسشىلار وسى ٴدىني قۇندىلىقتاردى ساياسي يدەولوگەمادان اجىراتۋ باعىتىندا ۇلكەن جۇمىس جۇرگىزۋ شارت»، - دەپ تۇيىندەدى ٴسوزىن پرەزيدنەنت.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي