BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الەمدىك جانە ٴداستۇرلى دىندەر كوشباسشىلارىنىڭ سەزىنە 15 جىل

فوتو: ашық дереккөзден

جاقىن كۇندەرى استانا قالاسىندا الەمدىك جانە ٴداستۇرلى دىندەر كوشباسشىلارىنىڭ vi سەزى وتەدى. 2003 جىلدان بەرى ٴداستۇرلى تۇردە وتكىزىلىپ كەلە جاتقان دىندەر كوشباسشىلارى سەزىنىڭ الاڭىندا كۇنى بۇگىنگە دەيىن ٴدىن سالاسىندا كۇرمەۋىن تاپپاي كەلگەن ٴبىرقاتار ماسەلەلەر كوتەرىلىپ، تۇيىتكىلدى ماسەلەنىڭ ٴتۇيىنى تارقاتىپ كەلەدى. وسى رەتتە، baq.kz ٴتىلشىسى جىل ساناپ ايقىمى كەڭەيىپ، سالماعى ارتا تۇسكەن سەزدىڭ وتكەنىن شولىپ ٴوتتى.

الەمدىك جانە ٴداستۇرلى دىندەر كوباسشىلارى سەزىنىڭ تاريحى

الەمدىك جانە ٴداستۇرلى دىندەر كوشباسشىلارى سەزىنىڭ تاريحى 2003 جىلدان باستاۋ الىپ، ەۋروپا، ازيا، امەريكا، افريكا جانە تاياۋ شىعىستىڭ ٴدىني قايراتكەرلەرى مەن قۇرمەتتى قوناقتارىن ٴبىر سۇحبات الاڭىنا جينادى.

الماتىدا وتكەن حالىقارالىق بەيبىتشىلىك جانە كەلىسىم كونفەرەنسياسىندا ەلباسىمىز العاش رەت 2003 جىلدىڭ 13 اقپانىندا بارلىق ادامزات ٴۇشىن داۋسىز جانە ٴقاۋىپسىز بولاشاقتى قالىپتاستىرۋ جولدارىن تالقىلاۋعا الەمدەگى دىندەردىڭ رۋحاني كوشباسشىلارىن رەسپۋبليكامىزدىڭ استاناسىندا جينالۋىن ۇسىنعان بولاتىن. بۇل يدەيا بارلىق كورنەكتى ساياساتكەرلەر مەن الەمنىڭ جەتەكشى دىندەردىڭ باسشىلارىنىڭ قولداۋىنا يە بولدى.

العاشقى سەز قاتىسۋشىلارى ٴدىنارالىق سامميتتىڭ ەرەجەلەرىن بەلگىلەپ، ٴار ٴۇش جىلدا ٴبىر رەت وتكىزۋ تۋرالى شەشىم قابىلدانعان بولاتىن.

i سەزدەن بەرى 15 جىل ٴوتتى، وسى قىسقا ۋاقىت ىشىندە بەس سەز ۇيىمداستىرىلدى. ولارعا يسلام، حريستيان، يۋدايزم، بۋدديزم، سينتويزم، داوسيزم جانە باسقا دا ٴداستۇرلى ٴدىن وكىلدەرى قاتىسقان بولاتىن. دەلەگاتتار ادامي قۇندىلىقتاردى ساقتاۋعا جانە بەيبىتشىلىكتى نىعايتۋعا بايلانىستى وتە ماڭىزدى، جاھاندىق ماسەلەلەرگە توقتالىپ ورتاق شەشىمدەرگە كەلگەنىن اتاپ كەتكەن ٴجون. ولاردىڭ اراسىندا سەنىم مەن ٴوزارا قۇرمەتكە نەگىزدەلگەن بايلانىستار بىرتىندەپ نىعايىپ كەلەدى، جانە بۇل ۇدەرىسكە قازاقستاننىڭ قوسقان ۇلەسى دە از ەمەس.

مەملەكەتىمىز الەمدەگى بارشا ٴدىني باعىتتارىنىڭ رۋحاني كوشباسشىلارىن بىرلەسىپ ارەكەت ەتۋ ارقىلى جاھاندىق داۋلاردىڭ شەشىمىن ىزدەۋگە، قاقتىعىستاردىڭ بەلەڭ الۋىنا جول بەرمەۋگە شاقىرادى.

ەلباسىنىڭ باستاماسىمەن سەزدەردى وتكىزۋ ٴۇشىن استانا قالاسىندا بەيبىتشىلىك جانە كەلىسىم سارايى سالىنعان بولاتىن.

ٴدىنارالىق ٴسامميتتىڭ جۇمىس ورگانى مەن قۇرىلىمى، سەز حاتشىلىعى جانە ونىڭ جۇمىستارىن ىلگەرىلەتەتىن ورگان – مادەنيەتتەر مەن دىندەردىڭ حالىقارالىق ورتالىعى قۇرىلدى. قۇرامىنا الەمدىك جانە ٴداستۇرلى دىندەر كوشباسشىلارىنىڭ ۋاكىلەتتى مۇشەلەرى كىرەتىن – حاتشىلىق جۇمىسى قازاقستان رەسپۋبليكاسى پارلامەنتى سەناتىنىڭ ٴتوراعاسى قاسىم-جومارت كەمەل ۇلى توقايەۆتىڭ جەتەكشىلىك ەتۋىمەن جۇزەگە اسۋدا.

2003–2018 جىلدار ارالىعىندا سەزد حاتشىلىعىنىڭ 16 وتىرىسى وتكىزىلدى.

vi سەزدە كوتەرىلەتىن تاقىرىپتار

الەمدىك جانە ٴداستۇرلى دىندەر كوشباسشىلارى vi سەزى 2018 جىلدىڭ 10-11 قازان ارالىعىندا وتكىزۋ مەجەلەنگەن. vi سەز «ٴدىني كوشباسشىلار ٴقاۋىپسىز الەم ٴۇشىن» - دەگەن باستى تاقىرىپپەن بەيبىتشىلىك جانە كەلىسىم سارايىندا، ال سەكسيالىق وتىرىستارى تاۋەلسىزدىك سارايىندا وتەدى. سەكسيالىق وتىرىستار «الەم. xxi عاسىر» مانيفەسى جاھاندىق قاۋىپسىزدىك تۇجىرىمداماسى رەتىندە»، «قۇبىلمالى گەوساياساتتاعى دىندەر: ادامداردى شوعىرلاندىرۋعا ارنالعان جاڭا مۇمكىندىكتەر»، «ٴدىن جانە جاھاندانۋ: سىن-قاتەرلەر مەن جاۋاپتار»، «ەكسترەميزم جانە تەرروريزممەن كۇرەستەگى ٴدىني كوشباسشىلارر مەن ساياسي قايراتكەرلەر» - دەگەن تاقىرىپتاردى قامتيدى.

الداعى وتكەلى وتىرعان ٴدىنارالىق ٴسامميتتىڭ كەلەلى باستامالارىنىڭ ٴبىرى الەمدىك جانە ٴداستۇرلى دىندەر كوشباسشىلارى سەزىنىڭ ماقساتتارى مەن مىندەتتەرىن ىلگەرىلەتۋگە ايتارلىقتاي ۇلەس قوسقان ٴدىني قىزمەتكەرلەرگە ماراپاتتار بەرۋ بولىپ تابىلادى. ٴدىنارالىق سۇحباتتاستىققا قوسقان ۇلەسى ٴۇشىن استانالىق حالىقارالىق سىيلىعى جانە الەمدىك جانە ٴداستۇرلى دىندەر كوشباسشىلارى سەزىنىڭ قۇرمەت مەدالى تاعايىندالدى.

سەز ماراپاتتارىنىڭ ەرەكشە ماڭىزى - ول ٴدىنارالىق سۇحباتتاسۋ الاڭىنىڭ مارتەبەسىن كوتەرۋگە، ونىڭ قاتىسۋشىلارىن الەمدى ساقتاۋ مەن دامىتۋ يدەيالارىن ىلگەرىلەتۋگە جانە جۇزەگە اسىرۋعا ىنتالاندىرۋعا باعىتتالعان.

سەز اياسىندا قولداۋ تاپقان باستامالار

ن.ٴا. نازاربايەۆتىڭ «بەيبىتشىلىك جانە كەلىسىم مۇراجايىن» قۇرۋ تۋرالى باستاماسى v سەز قاتىسۋشىلارى تاراپىنان قولداۋ تاپقان بولاتىن. مىنە، ەندى سول باستاما جۇزەگە اسىپ بەيبىتشىلىك جانە كەلىسىم سارايىنىڭ اياسىندا «بەيبىتشىلىك پەن كەلىسىم مۇراجايى» جاساقتالدى. مۇراجايدىڭ اشىلۋ شاراسى vi سەز قارساڭىنا ورايلاستىرىپ وتىر. مۇراجاي قۇرۋدىڭ نەگىزگى يدەياسى بۇكىل الەمدەگى بەيبىتشىلىك پەن كەلىسىمنىڭ نىعايۋىنا ىقپال ەتەتىن الەمدىك جانە ٴداستۇرلى دىندەر كوشباسشىلارىنىڭ سەزىنە قاتىستى ەكسپوناتتاردى جيناۋ، ساقتاۋ جانە كورسەتۋ.

الەمدىك جانە ٴداستۇرلى دىندەر كوشباسشىلارى سەزى بولاشاقتا بۇكىل ادامزاتتىڭ بەيبىتشىلىك پەن قاۋىپسىزدىگىن ساقتاۋعا، جاھاندانۋ وركەنيەتىنىڭ ٴۇنقاتىسۋىن جۇزەگە اسىرۋعا ۇلكەن ۇلەس قوساتىنى انىق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي