BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

ۇلتتىق ەكونوميكا مينيسترلىگى قانت تاپشىلىعى تۋرالى قاۋەسەتكە بايلانىستى مالىمدەمە جاسادى

فوتو: zavarnik.biz

جاقىندا جاڭالىق سايتتارىندا «raimbek» كومپانياسى وكىلدەرىنىڭ قازاقستان نارىعىندا قانت تاپشىلىعى بولۋى مۇمكىن ەكەنى تۋرالى مالىمدەمەسى جاريالاندى. ۇلتتىق ەكونوميكا مينيسترلىگى وسىعان بايلانىستى پىكىر ٴبىلدىردى، دەپ حابارلايدى baq.kz اقپارات اگەنتتىگى.

اۋىل شارۋاشىلىق مينيسترىلىگىنىڭ مالىمەتىنشە، ەلىمىزدە جىل باسىنان بەرى 138 مىڭ توننا قانت ٴوندىرىلىپ، 121 مىڭ توننا جانە يمپورتتالدى. وبلىستىق جانە الماتى مەن استانا قالالارى اكىمدىكتەرىنىڭ مالىمەتىنشە، قازىرگى ۋاقىتتا تۇراقتاندىرۋ قورىندا قانت قورى جەتكىلىكتى. سونداي-اق، قازىردە 2018 جىلدىڭ استىعى جينالۋدا، بۇل شيكىزاتتىڭ كوبەيۋىنە ىقپال ەتەدى. سول سەبەپتى قانت تاپشىلىعى مەن ونىڭ قىمباتتاۋى تۋرالى ايتۋعا نەگىز جوق.

سونىمەن بىرگە، قازاقستان قانت پەن شيكىزات ٴونىمىن يمپورتتاۋعا تىيىم سالعان جوق. 2010 جىلى كەدەندىك وداق قۇرىلعاننان باستاپ ٴۇشىنشى ەلدەردەن يمپورتتالاتىن اق قانتقا قاتىستى تونناسىنا 340 دوللار كولەمىندە ٴبىرىڭعاي كەدەندىك تاريف قولدانىلادى. بۇل ەۋرازيالىق ەكونوميكالىق وداققا مۇشە ەلدەردىڭ بارىنە قاتىستى. وداققا مۇشە ەلدەر اراسىنداعى ٴوزارا ساۋدا شەڭبەرىندە قانت اينالىمى باجسىز يمپورتتالادى.

قازاقستانداعى ٴبىرقاتار قانت وندىرۋشىلەر، سونىڭ ىشىندە "raimbek" كومپانياسى 2010 جىلدان باستاپ ەۋرازيالىق ەكونوميكالىق وداق شەڭبەرىندە ٴۇشىنشى ەلدەردەن قانت پەن شيكىزات ٴوندىرىسىن باجسىز اكەلۋگە ۋاقىتشا ارتىقشىلىق الدى. بيىل 27 شىلدەدە شىققان ۇكىمەتتىڭ قاۋلىسىمەن اۋىل شارۋاشىلىعى مينيسترلىگىنىڭ ۇسىنىسى بويىنشا ەۋرازيالىق ەكونوميكالىق وداقتاعى ۇلتتىق مىندەتتەمەلەردى ورىنداۋ اياسىندا اتالعان ارتىقشىلىقتار الىنىپ تاستالدى.

اۋىل شارۋاشىلىق مينيسترىلىگىڭ ۇستانىمى وتاندىق اۋىل شارۋاشىلىق تاۋارىن وندىرۋشىلەردى قولداۋعا، سونداي-اق ەلدىڭ ىشكى نارىعىنىڭ يمپورتقا تاۋەلدىلىگىن ازايتۋعا نەگىزدەلگەن. وسىعان بايلانىستى 2018 جىلدىڭ 27 شىلدە كۇنى قازاقستاندىق كاسىپكەرلەر ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋارلىق نومەنكلاتۋراسىنا سايكەس اق قانتتى يمپورتتاعان كەزدە 1 تونناسى ٴۇشىن 340 دوللار باج سالىعىن تولەۋگە مىندەتتى.

قازاقستان رەسپۋبليكاسىندا كونديتەرلىك ٴونىم شىعاراتىن 15 كاسىپورىن (تەز بۇزىلاتىن ونىمدەردى (تاتتىكۇلشە، ٴتاتتى نان) قوسپاعاندا) مەن الكوگولسىز سۋسىن وندىرەتىن 41 كاسىپورىن بار ەكەنىن ايتا كەتكەن ٴجون. ولاردىڭ ىشىندە بەسەۋى عانا ارنايى ەكونوميكالىق ايماق اياسىندا جانە بوس قويمالاردىڭ يەلەرى رەتىندە جەڭىلدىكتەرگە يە بولدى. جەڭىلدىكتەردىڭ جويىلۋى كونديتەرلىك ونىمدەر مەن الكوگولسىز سۋسىن ونىدەتىن كاسىپورىندار ٴۇشىن تەڭ جاعدايدى قالپىنا كەلتىرەدى.

مينيسترلىك قانت تاسىمالداۋعا قاتىستى جەڭىلدىكتىڭ الىنىپ تاستالۋى - ونىڭ تاپشىلىعى مەن باعاسىنىڭ قىمباتتاۋىنا ەش اسەر ەتپەيتىنىن ايتادى. بۇل ماسەلە بارلىق مەملەكەتتىك جانە جەرگىلىكتى ورتالىق ورگانداردىڭ باقىلاۋىندا.

انىقتاما ٴۇشىن:

قانتتىڭ جالپى ٴوندىرىس 2017 جىلى 316 386 توننا (2016 جىلى 402 965 توننا، 2015 جىلى 239 926 توننا)، ەكسپورت ۇلەسى 37 مىڭ توننا (11،7%، وزبەكستان، تاجىكستان). يمپورت ۇلەسى – 183 مىڭ توننا (رەسەي، بەلارۋس، پولشا).

وندىرۋشىلەردىڭ جالپى سانى – 32 (28 شاعىن، 4 ٴىرى كاسىپورىن). ولاردىڭ باسىم بولىگى وڭتۇستىك وڭىرلەردە ورنالاسقان.

اۋىل شارۋاشىلىق مينيسترلىگى دايىنداعان 2017-2021 جىلدارعا ارنالعان اگروونەركاسىپتى كەشەندى دامىتۋدىڭ مەملەكەتتىك باعدارلاماسى اياسىندا وتاندىق ونىمدەردىڭ باسەكەگە قابىلەتىن ارتتىرۋ ماقساتىندا قانت زاۋىتتارى مەن كونديتەرلىك فابريكالاردى مەملەكەتتىك قولداۋ شارالارى قولدانىلۋدا. ول ٴوندىرىستى جاڭعىرتۋ ماقساتىندا سالىنعان ينۆەستيسيانىڭ بەلگىلى ٴبىر بولىگىن (30%) مەملەكەت تاراپىنان قايتارۋ نەگىزىندە ىسكە اسادى. سونىمەن قاتار، اۋىل شارۋاشىلىعى تاۋارىن وندىرۋشىلەردىڭ قايتا وڭدەۋگە وتكىزگەن قانت قىزىلشاسىنىڭ ٴار تونناسىن سۋبسيديالاۋ ارقىلى قايتا وڭدەۋ كاسىپورىندارىن شيكىزاتپەن قامتۋ شارالارى قولعا الىنۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي