BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«تەڭىزشەۆرويلدىڭ» باس ديرەكتورى اۋىستى

الماتى، baq.kz. 2018 جىلدىڭ 1 جەلتوقساننان باستاپ ٴوندىرىس ٴبولىمىنىڭ باس مەنەدجەرى يمەر بوننەر «تەڭىزشەۆرويل» ٴجشس-نىڭ باس ديرەكتورى تەد ەتچيسوندى الماستىردى.

«تەڭىزشەۆرويل» ٴجشس-نىڭ باس ديرەكتورى تەد ەتچيسون شەۆرون كورپوراسياسىنداعى 38 جىلدىق ەڭبەك وتىلىنەن كەيىن زەينەتكە شىعىپ وتىر. تەد يندونەزيا، نيگەريا، قازاقستان جانە اقش-تىڭ ٴتۇرلى بيزنەس بولىمشەلەرىندە جوبالاۋ، ٴوندىرىس، باسقارۋ سالالارىندا ٴار الۋان باسشىلىق قىزمەتتەردى اتقاردى.

«مەن جانە جۇبايىم سيۋزان شامامەن 8 جىلداي الماتى مەن اتىراۋدا جۇمىس ىستەپ، وسىناۋ تاماشا ەلدىڭ ٴبىر بولشەگى بولۋ قۇرمەتىنە يە بولدىق. بىرنەشە جىل بويى تشو سياقتى الەمدىك دەڭگەيدەگى كاسىپورىندى باسقارىپ، قازاقستان رەسپۋبليكاسىنىڭ دامۋىنا جانە دە تەڭىزشەۆرويلدىڭ تاماشا قىزمەتكەرلەرىن شىڭداۋعا ۇلەس قوسقانىمدى ماقتان تۇتامىن. تشو-نىڭ 25-جىلدىق مەرەيتويى جىلى كاسىپورىن تىزگىنىن يمەرگە تاپسىرا وتىرىپ، مەن ونىڭ باسشىلىعىمەن كاسىپورىننىڭ ودان ٴارى دامي تۇسەتىنىن سەنىممەن ايتا الامىن»، -دەيدى تەد ەتچيسون.

تەدتىڭ باسشىلىعىمەن تشو ٴقاۋىپسىز جانە سەنىمدى ٴوندىرىس ەكەنىن دالەلدەپ، 1993 جىلدان بەرى كولەمى 3 ملرد باررەل مۇناي ٴوندىرىپ، ماڭىزدى مەجەگە قول جەتكىزدى.

كاسىپورىننىڭ جاڭادان تاعايىندالعان باس ديرەكتورى يمەر بوننەر: «تشو كەلەشەك كەڭەيۋ جوباسىمەن دامۋدىڭ جاڭا كەزەڭىنە اياق باستى. كاسىپورىن مەن ەل ٴۇشىن وسىناۋ ماڭىزدى كەزەڭدە وسىندا بولۋ مەن ٴۇشىن زور قۇرمەت»، - دەدى.

يمەر بەلفاستتاعى كۆينس ۋنيۆەرسيتەتىندە حيميا ينجەنەرى ماماندىعى بويىنشا باكالاۆر دارەجەسىن الدى. كەيىن لوندوننىڭ يمپەريالىق كوللەدجىندە ىلگەرىلەنگەن حيميا ونەركاسىبى جانە مۇناي ٴوندىرۋ تەحنولوگيالارى بويىنشا ەكى ماگيستر دارەجەسىن يەمدەنگەن. يمەر بوننەر 2015 جىلدان باستاپ وسى ۋاقىتقا دەيىن تشو-نىڭ ٴوندىرىس جونىندەگى باس مەنەدجەرى بولىپ قىزمەت اتقاردى.

2012-2013 جىلدار ارالىعىندا الماتىداعى شەۆرون كورپوراسياسىنىڭ ەۋرازيا بولىمشەسىنىڭ باسقارۋشى ديرەكتورىنىڭ ورىنباسارى بولدى. يمەر شەۆرون كورپوراسياسىمەن ۇلىبريتانيادا، امەريكا قۇراما شتاتتارىندا، تايلاندتا جانە قازاقستاندا جاۋاپكەرشىلىك جۇگى بىرتىندەپ سالماقتانا تۇسكەن تەحنيكالىق جانە باسقارۋ قىزمەتتەرىن اتقاردى.

«تەڭىزشەۆرويل» جشس جايعاستىرۋ، ٴوندىرۋ جانە مۇناي، گاز جانە كۇكىرت وتكىزۋ جۇمىستارىمەن اينالىسادى. بارلىق جۇمىستار قاۋىپسىزدىك تەحنيكاسى مەن ەكولوگيا جونىندەگى الەمدىك ستاندارتتار تالاپتارىنا ساي جۇرەدى. «تەڭىزشەۆرويل» جاۋاپكەرشىلىگى شەكتەۋلى سەرىكتەستىگى 1993 جىلى قازاقستان رەسپۋبليكاسى مەن «شەۆرون» كورپوراسياسى اراسىندا جاسالعان كەلىسىم نەگىزىندە قۇرىلدى. «تەڭىزشەۆرويل» ٴجشس-نىڭ قازىرگى كەزدەگى سەرىكتەستەرى: شەۆرون – 50%، قازمۇنايگاز – 20%، ەكسونموبيل – 25% جانە «لۋكاركو» – 5%.

كەلەشەك كەڭەيۋ جوباسى (ككج) جانە ۇڭعىما ەرنەۋىندەگى قىسىمدى باسقارۋ جوباسى (ۇەقبج) – ٴبىر ۋاقىتتا تشو-مەن جۇزەگە اسىرىلعان ەكى ينتەگراسيالىق جوبا. ككج-نى ىسكە اسىرۋ تەڭىز كەن ورنىندا مۇناي ٴوندىرۋ كولەمىن جىلىنا 12 ملن. تونناعا نەمەسە تاۋلىگىنە 260 مىڭ باررەلگە دەيىن ارتتىرۋعا مۇمكىندىك بەرەدى، ناتيجەسىندە جىلىنا 39 ملن. توننانى نەمەسە كۇنىنە 850 مىڭ باررەلدى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي