BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تەڭگە سوڭعى اپتادا 0،8% السىرەدى – ۇلتتىق بانك

استانا، baq.kz. قر ۇلتتىق بانكى 26 قازان مەن 2 قاراشا ارالىعىنداعى جەكەلەگەن دامۋشى ەلدەردىڭ ۆاليۋتالارى بويىنشا شولۋ جاسادى.

2018 جىلدىڭ 2 قاراشاسىنداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اقش دوللارى ٴۇشىن ٴبىر اپتا ىشىندە 0،8%-عا السىرەپ (368،54-تەن)، 371،31 تەڭگە دەڭگەيىندە قالىپتاستى.

سىرتقى ۆاليۋتالىق نارىق تۇرعىسىنان 2018 جىلعى 26 قازاننان 2 قاراشا ارالىعىندا ماڭىزدى وقيعالار انگليا بانكىنىڭ اعىمداعى اقشا-كرەديتتىك ساياساتتى ساقتاۋ تۋرالى شەشىمدەرى، فرج مەن انگليا بانكىنىڭ مونەتارلىق ساياسات جانە ەكونوميكالىق تۇراقتىلىققا قاتىستى تۇسىنىكتەمەلەرى، كەيبىر كومپانيالاردىڭ ماۋسىمدىق ەسەپتەرىن جاريالاۋىمەن بايلانىستى قور نارىقتارىنىڭ قۇبىلمالىعى جانە قىتاي مەن اقش اراسىنداعى ساۋدا-ساتتىق ماسەلەلەر بويىنشا كەلىسىمدەرگە ىقتيمال قول جەتكىزۋ تۋرالى تۇسىنىكتەمەلەرى جانە اقش حالقىنىڭ جۇمىسپەن قامتىلۋى تۋرالى ەكونوميكالىق دەرەكتەردىڭ جاريالانۋى بولدى. اتالعان فاكتورلار الەمدىك نارىقتاردا اقش دوللارى باعامىنىڭ دامىعان ەلدەردىڭ ۆاليۋتالارىمەن سالىستىرعاندا ٴبىرشاما قۇبىلمالىعىنا اكەلدى.

دامۋشى ەلدەردىڭ ۆاليۋتا باعامدارىنىڭ اقش دوللارىنا قاراعاندا سەرپىنى مىناداي تۇردە قالىپتاستى:

  • مەكسيكا پەسوسى قۇنى 13 ملرد. اقش دولل. بولاتىن جاڭا اۋەجاي قۇرىلىسىنا ادامداردىڭ 70%-نان استامى قارسى داۋىس بەرگەن رەفەرەندۋمنىڭ ناتيجەلەرىنىڭ اياسىندا 3،4%-عا (19،36-دان 20،01-عە دەيىن) السىرەۋىن جالعاستىردى. ودان باسقا، fitch اگەنتتىگى ەلدىڭ تاۋەلسىز رەيتينگىن جوسپارلانعان رەفورمالاردىڭ، اتاپ ايتقاندا ەنەرگەتيكا سەكتورىندا ىسكە اسىرۋ مۇمكىن ەمەستىگىنە سىلتەمە جاساي وتىرىپ، «تۇراقتىدان» «جاعىمسىزعا» قايتا قاراۋدى جۇزەگە اسىردى;
  • برازيليا رەالى 1،9%-عا (3،64-تەن 3،74-كە دەيىن) السىرەدى. ۆاليۋتا نارىعىندا برازيليا پرەزيدەنتىنە سايلاۋدىڭ قورىتىندىلارى بويىنشا ايتارلىقتاي نىعايعاننان كەيىن ۆاليۋتانى تۇزەتۋلەر بايقالدى;
  • رەسەي ٴرۋبلى اقش ۇكىمەتىنىڭ رەسەيگە قارسى سانكسيالارىنىڭ كەزەكتى توبىن ەنگىزۋ مەرزىمى جاقىنداۋى اياسىندا 0،9%-عا (65،60-تان 66،18-گە دەيىن) السىرەدى. ينۆەستورلار بۇرىنعىداي رەسەيدىڭ مەملەكەتتىك بورىشىمەن وپەراسيالارعا جاڭا سانكسيالار ەنگىزۋ ٴقاۋىپى الاڭداتادى. بۇل رەتتە، moody’s كرەديتتىك اگەنتتىگىنىڭ تالداۋشىسى كريستين ليندوۋ قاراجاتتى قارىزعا الۋعا تومەن قاجەتتىلىك رەسەيدىڭ پوزيسياسىن تۇراقتى ەتەدى. مىسالى، اگەنتتىكتىڭ تۇسىنىكتەمەلەرىن ەسكەرە وتىرىپ، ساراپشىلار رەسەيگە قارسى سانكسيالارعا قاراماستان، ەلدىڭ تاۋەلسىز رەيتينگىنىڭ كوتەرىلۋىن كۇتەدى;
  • ٴۇندىستان رۋپياسى ٴۇندىستاننىڭ قارجى ٴمينيسترى ا.دجەتليدىڭ ورتالىق بانكتىڭ شەشىمدەر قابىلداعان كەزدە ۇكىمەتتەن تاۋەلسىزدىگى تۋرالى مالىمدەمەسىنىڭ اياسىندا 0،4%-عا (73،47- دەن 72،44-كە دەيىن) نىعايدى;
  • يندونەزيا رۋپياسى ۇلتتىق ۆاليۋتانى ودان ٴارى السىرەۋدەن قورعاۋ، سونداي-اق فيسكالدىق تاپشىلىقتى قىسقارتۋ تۋرالى زاڭ جوباسىن ماقۇلداۋ اياسىندا رەتتەۋشىنىڭ جاڭا قۇرال – جەتكىزىلىمسىز فورۆاردتىق كەلىسىمشارتتى (ndf) ەنگىزۋ اياسىندا 1،7%-عا (15 217-دەن 14 955-كە دەيىن) نىعايدى;
  • وڭتۇستىك افريكا رەندى ورتالىق بانك وكىلدەرىنىڭ كەلەسى ەكى جىل ىشىندە ينفلياسيانىڭ ٴوسۋىن تەجەۋ ٴۇشىن قاتاڭ مونەتارلىق ساياسات جۇرگىزۋدى جالعاستىرۋ تۋرالى مالىمدەۋىنىڭ اياسىندا 2،1%-عا (14،60-تان 14،3-عا دەيىن) نىعايدى;
  • تۇرىك ليراسى ەكونوميكانى ۆاليۋتالىق كۇيزەلىستەردەن كەيىن قالپىنا كەلتىرۋگە باعىتتالعان سالىقتىق جەڭىلدىكتەر توپتاماسىن ەنگىزۋ تۋرالى مالىمدەمەسىنە قاراماستان، 2،9%-عا (5، 59-دان 5،43-كە دەيىن) نىعايدى. تالداۋشىلاردىڭ قاۋىپىنە بايلانىستى سالىقتاردىڭ تومەندەۋى ينفلياسيانىڭ وسۋىنە قوسىمشا كۇش بولۋى مۇمكىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي