BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

«سارىارقا» گاز قۇبىرى: سمايىلوۆ بجزق-دان نەگە قوماقتى قاراجات الىنعانىن ايتتى

استانا. baq.kz ٴتىلشىسى. وسىعان دەيىن ەنەرگەتيكا ۆيسە-مينيسترى ماحامبەت دوسمۇحامبەتوۆ قۇنى 267،3 ملرد تەڭگەنى قۇرايتىن «سارىارقا» ماگيسترالدى گاز قۇبىرىن سالۋ ٴۇشىن ٴبىرىڭعاي جيناقتاۋشى زەينەتاقى قورىنان 85 ملرد تەڭگە باعىتتالاتىنىن ايتقان. ال بۇگىن قارجى ٴمينيسترى ٴاليحان سمايىلوۆ اتالعان قوماقتى قاراجاتتىڭ نەگە زەينەتاقى قورىنان الىنعانىن ٴتۇسىندىردى.

الدىمەن مينيستر اتالمىش جوبانى جۇزەگە اسىرۋعا ۇلتتىق كومپانيالار مەن بانكتەردىڭ دە قارجىسى تارتىلاتىنىن اتاپ ٴوتتى.

«سارىارقا» گاز قۇبىرىن سالۋ ٴۇشىن «سامرۇق قازىنا» ٴال-اۋقات قورى، «بايتەرەك» ۇلتتىق باسقارۋشى حولدينگىنىڭ قارجىسى جانە ەۋرازيالىق دامۋ بانكى مەن قازاقستان دامۋ بانكىنەن ٴتيىستى نەسيە تارتىلادى»، - دەدى مينيستر ۇكىمەتتىڭ ٴباسپاسوز ورتالىعىندا وتكەن بريفينگتەن سوڭ.

وسى ورايدا ۆەدومستۆو باسشىسى «سارىارقا» گاز قۇبىرىن سالۋ ٴۇشىن زەينەتاقى قورىنان نە سەبەپتى 85 ملرد تەڭگەنىڭ الىنعانىن ٴتۇسىندىردى.

«بجزق-دان الىنعان قارجى («سارىارقا» گاز قۇبىرىن سالۋ ٴبولىنىپ جاتقان – اۆتور) نارىقتىق ستاۆكا بويىنشا 12%-پەن بەرىلىپ وتىر. بۇل زەينەتكەرلەردىڭ بجزق-دا جيناعان اقشاسى ولارعا كىرىس الىپ كەلۋ ٴۇشىن جاسالىپ وتىر. ياعني ەگەر قورداعى اقشانى ەشقايدا ينۆەستيسيالانباسا، اقشانى ينفلياسيا «جەپ قويادى»، - دەدى ٴاليحان سمايىلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي