BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ساندايەك. قازاقستان ەنەرگەتيكاسى – بۇگىن

ۆaq.kz ٴتىلشىسى قازاقستاننىڭ ەنەرگەتيكا سالاسىنا بايلانىستى بۇگىنگى ساندىق دەرەكتەردى ۇسىنادى.

وسى جىلدىڭ ٴبىرىنشى جارتىسىندا 54،670 ملرد كۆت/ساع ەلەكتر ەنەرگياسى ٴوندىرىلدى، ونىڭ 51 472 ملرد كۆت/ساع تۇتىنىلدى. قازاقستانعا 2030 جىلعا قاراي قازىرگىگە قوسىمشا 6،6 گۆت ەلەكتر ەنەرگياسى كەرەك.

*
قازاقستان بىلتىر 3،073 ملن توننا بەنزين (اۆيالىقتى قوسقاندا)، 4،409 ملن توننا ديزەل وتىنىن، 3،365 ملن توننا وتىن مازۋتىن ٴوندىردى.

*
ٴقازىر ەلدە 65 جاڭارتىلاتىن قۋات كوزى بار. ولار: 12 - جەل، 19 - كۇن، 33 - سۋ، 1 - بيوگاز ەلەكتر ستانسالارى.
بيىلعى العاشقى التى ايدا ولار 629،5 ملن كۆت⁄ساع ەلەكتر ەنەرگياسىن بەردى.

*
قازاقستاندا جاڭارتىلاتىن قۋات كوزىنەن ەنەرگيا وندىرەتىن 112 كومپانيا بار.

*
جاڭارتىلاتىن قۋات كوزىنىڭ قازاقستان ەنەرگەتيكاسىنداعى ۇلەسى ازىرگە نەبارى - 0،5%.

*
قازاقستان اۋماعىنداعى جەلدىڭ ەنەرگەتيكالىق الەۋەتى - جىلىنا 1 ترلن كۆت/ساع.

*
الەمدە جىل سايىن قۋاتى 30 گۆت كۇن اككۋمۋلياتورلارى قوسىلادى. 2017 جىلى كۇن ەنەرگياسى جابدىقتارىن ورناتۋدان 7،6 گۆت كورسەتكىشپەن گەرمانيا ٴبىرىنشى ورىنعا شىقتى.

*
ورتا ازياداعى ٴىرى كۇن ەلەكتر ستانسيالارىنىڭ ٴبىرى (100 مۆت) ساران قالاسىندا سالىنىپ جاتىر. قاراشا ايىندا ىسكە قوسىلادى. ونىڭ اۋدانى - 160 گەكتار. وسى اۋماقتىڭ ىشىندە 370 مىڭ فوتوۆولت ەلەمەنتتەرى ورنالاسقان. ونىڭ جوبالىق قۋاتى - 145 ملن كۆت/ساع. ستانسيا 340 ملن دوللار تۇرادى.

*
قازاقستان كومىر قورى بويىنشا الەمدەگى العاشقى وندىققا كىرەدى. بارلانعان كومىر قورى شامامەن 33 ملرد توننا نەمەسە بۇكىل الەمدەگى كومىردىڭ - 4%.
27 جىل ىشىندە قازاقستان 2،3 ملرد توننا كومىر وندىرگەن، ونىڭ 600 ملن تونناسى ەكسپورتتالعان.

*
جىلۋ ەلەكتر ستانسيالارى قازاقستانداعى ەلەكتر ەنەرگياسىنىڭ 70% وندىرەدى.

*
2017 جىلى قازاقستان 86،2 ملن توننا مۇناي ٴوندىرىپ، ٴوز تاريحىندا رەكورد ورناتتى. ونىڭ ماڭىزدى بولعانى سونشا، 2017 جىلعى ٴجىو-نىڭ 4% وسۋىنە تىكەلەي اسەر ەتتى.

*
2017-2025 جىلدار ارالىعىندا قازاقستان ەنەرگەتيكاسىنا ينۆەستيسيا كولەمى 17،5 ترلن تەڭگەدەن اساتىن بولادى. ونىڭ 14،5 ترلن تەڭگەسى - جەكە كاپيتال.

*
قازاقستان بيىل 23 190 توننا ۋران ٴوندىرۋدى جوسپارلاعان. ول وتكەن جىلعا قاراعاندا 1،15% از.

*
iaea ("ماگاتە") بولجامى بويىنشا 2030 جىلعا دەيىن الەم اتوم ەنەرگەتيكاسىن دامىتۋعا 200 ملرد دوللار سالادى. قازاقستاندا ۋران وندىرەتىن 13 كاسىپورىن بار، ولار 21 كەنىشتى وڭدەيدى. كەنىشتەر اقمولا، قىزىلوردا، تۇركىستان وبلىستارىنىڭ ايماعىندا.

*
اتوم ەلەكتر ستانسيالارىن سالۋعا العاشىندا 5 الاڭ قاراستىرىلدى. ولار - اقتاۋ، بالقاش قالاسى (ۇلكەن كەنتى)، تورعاي، سەمەي يادرولىق پوليگونى، شىمكەنت قالاسى.

*
الەمدە 2016 جىلى 448 رەاكتور بولدى جانە ولار تەك كوبەيىپ جاتىر. قازاقستاندا جوسپارلاعان اتوم ەلەكتر ستانسياسىن سالۋ شامامەن 5 ملرد دوللار تۇرادى.

*
2018-2019 كۇزگى-قىسقى كەزەڭگە قازاقستاندا 8 ەنەرگوبلوك، 56 ەنەرگەتيكالىق قازاندىق، 45 تۋربينا پروفيلاكتيكالىق جانە كۇردەلى جوندەۋدەن ٴوتۋى ٴتيىس. ٴقازىر 4 ەنەرگوبلوك، 32 قازاندىق، 24 تۋربينا جوندەلىپ بولدى.

*
ٴقازىر ەلەكتر ستانسيالارىنىڭ قويمالارىندا 3،3 ملن توننا كومىر، 78 مىڭ توننا مازۋت جينالدى.

*
ەلەكتر جەتكىزۋ جەلىلەرىنىڭ 24 مىڭ كم جوندەلدى. جوندەۋدى قاجەت ەتەتىن ٴالى دە جەلىنىڭ 15% قالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي