BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

rg gold جىلدىق التىن ٴوندىرۋ قۋاتىن 1،5 تونناعا دەيىن ارتتىردى

فوتو: автордан

اقمولا وبلىسىنىڭ بۋراباي اۋدانىندا ورنالاسقان rg gold كەن ورنى ٴۇشىنشى ۇگىتۋ - اگلومەراسيالاۋ كەشەنىن ىسكە قوسۋ ارقىلى التىن ٴوندىرىسىن 1 توننادان 1،5 تونناعا دەيىن ارتتىردى. بۇل تۋرالى «rg gold» جشس باس ديرەكتورى سەرىك سىزدىقوۆ كەن ورنىنداعى ٴباسپاسوز تۋرىندا مالىمدەدى، دەپ حابارلايدى baq.kz ٴتىلشىسى.

2014 جىلدان بەرى جۇمىس ىستەپ كەلە جاتقان كەن ورنىنىڭ ٴوندىرىس قۋاتتى كۇنى بۇگىنگە دەيىن جىلىنا 1 تونناعا دەيىن التىن وندىرۋگە جەتەتىن بولعان. الايدا، جاقىندا عانا ىسكە قوسىلعان ٴۇشىنشى ۇگىتۋ-اگلومەراسيالاۋ كەشەنى ٴوندىرىس قۋاتىن 1،5 تونناعا دەيىن ارتتىردى. ٴۇشىنشى ۇگىتۋ-اگلومەراسيالاۋ كەشەنىنىڭ قۇرىلىسى بارىسىندا وتاندىق ونىمدەر قولدانىلدى. تەك ۇگىتۋ قۇرالدارى قازاقستاندا جاسالمايتىندىقتان رەسەيدەن الدىرىلعان. بۇل كەشەننىڭ قۋاتى جىلىنا 700 مىڭ توننا كەندى ۇگىتىپ، اگلومەراسيادان وتكىزۋگە جەتەدى.

سونىمەن، التىن وندىرىسىنە كەزەڭ-كەزەڭىمەن توقتالىپ كەتسەك.

«سولتۇستىك رايگورودوك» جانە «وڭتۇستىك رايگورودوك» كارەرلەرى

الدىمەن «سولتۇستىك رايگورودوك» جانە «وڭتۇستىك رايگورودوك» كارەرلەرىنەن كەندى توپىراق قازىلىپ الىنادى. بۇل جۇمىس گەولوگ مامانداردىڭ باقىلاۋىمەن جۇزەگە اسىرىلادى. ولاردىڭ زەرتتەۋى اياسىندا جاسالعان ارنايى كارتامەن بۋلدوزەرلەر كەندى توپىراقتى قازۋ جۇمىستارى جۇرگىزىلۋدە.

«التىندى ٴوندىرۋ ٴۇشىن ٴبىرىنشى كەزەكتە كارەردەن كەن قازىلىپ الىنادى. بۇل جۇمىستار گەولوگتاردىڭ قاتاڭ باقىلاۋىمەن جۇزەگە اسادى. الدىمەن بوس توپىراق الىنىپ، سىرتقا شىعارىلادى، ال وندىرىسكە جارامدى كەندى توپىراقتار قازىلىپ ارنايى قويماعا جىبەرىلەدى. ايتا كەتەيىك، بۇل كەندى توپىراقتار كەيدە جۇمساق، كەيدە قاتتىلاۋ بولىپ كەلەدى. جۇمساق توپىراق بىردەن قازىلىپ الىنسا، قاتتى توپىراقتى قازىپ الۋ ٴۇشىن الدىمەن 10 مەتر تەرەڭدىككە دەيىن ۇڭعىنامالار بۇرعىلانادى. سودان سوڭ جارىلعىش زاتتار قويىلىپ، جارۋ جۇمىستارى جۇرگىزىلەدى. وسىلايشا قاتتى توپىراق قوپسىتىلادى. سوندان سوڭ توپىراق ارنايى كەندى توپىراق قويماسىنا جىبەرىلەدى»، - دەدى «rg gold» جشس تاۋ جۇمىستارى ۋچاسكەسىنىڭ باستىعى ەرعالي كوبەەۆ.

قويمادا جينالعان توپىراقتان سىناما الىنىپ، ونىڭ التىن قۇرامى انىقتالادى.

ۇگىتۋ-اگلومەراسيالاۋ كەشەنى

قاراپايىم تىلمەن تۇسىندىرەتىن بولساق، كارەردەن الىنعان كەن ۇگىتۋ-اگلومەراسيالاۋ كەشەنىنە كەلگەننەن سوڭ سەمەنتپەن ارالاستىرىلىپ ۇگىتىلەدى، سودان سوڭ ارنايى رەاگەنت قوسىلىپ تۇيىرشىكتەلەدى. سوسىن كونۆەيرلىك جۇگىرتپە جەلىلەر ارقىلى ۇيمەلىك سىلتىسىزدەندىرۋگە جىبەرىلەدى.

ايتا كەتەيىك، بۇعان دەيىن جۇمىس ىستەپ كەلگەن قوس كەشەننىڭ جانە ٴوندىرىس قۋاتى مەن التىن ٴوندىرىسى كولەمىن ارتتىرۋ اياسىندا جاڭادان قوسىلعان ٴۇشىنشى ۇگىتۋ-اگلومەراسيالاۋ كەشەنىنىڭ قۋاتى ٴوزارا بىردەي. ٴتىپتى، ولاردىڭ كونۆەيرلىك جۇگىرتپە جەلىلەرىڭ ۇزىندىعى دا بىردەي - ٴبىر شاقىرىمنان اسادى.

«قولدانىستاعى ەكى ۇگىتۋ-اگلومەراسيالاۋ كەشەنىنىڭ قۋاتى شامامەن 1 ملن 300 توننا كەندى وڭدەۋدەن وتكىزۋگە مۇمكىندىك بەرەدى. ەندىگى كەزەكتە 2018 جىلى ٴۇشىنشى ۇگىتۋ-اگلومەراسيالاۋ كەشەنى ىسكە قوسىلعاننان كەيىن ٴوندىرىس قۋاتىن ارتتىرىپ، شامامەن 2،1 ملن توننا كەندى وڭدەيمىز دەپ جوسپارلاپ وتىرمىز»، - دەدى «rg gold» جشس ۇگىتۋ-اگلومەراسيالاۋ كەشەنىنىڭ باستىعى ەگۆەنيي روجەنسەۆ.

گيدرومەتاللۋرگيالىق كەشەن

گيدرومەتاللۋرگيالىق سەح - كەن ورنىنىڭ جۇرەگى. مۇندا ۆاحتالىق ادىسپەن ەكى اۋىسىمدا 100 ادام جۇمىس ىستەيدى جانە دە جۇمىس سيكلى تاۋلىك بويى ۇزدىكسىز جۇرگىزىلەدى.

«ۇگىتۋ-اگلومەراسيالاۋ كەشەنىنەن كەيىن فراكسياسى -25+0مم-تەن دومالاق تۇيىرشىك كۇيىندە ماگيسترالدى جۇگىرتپەلى لەنتالار ارقىلى سولتۇستىك جانە وڭتۇستىك ۇيىلمەلى سىلتىلەۋ الاڭىنا كەلەدى. وندا گيدرومەتاللۋرگيالىق كەشەن قۇرامىندا 300-500 پپم ٴسيانيدى بار ەرىتىندىمەن سىلتىلەندىرىلىپ، بۇدان شىققان ەرىتىندى التىنعا بايىتىلعان بولىپ شىعادى. بۇل ەرىتىندى ارنايى سورعىلار ارقىلى گيدرومەتاللۋرگيالىق كەشەنگە كەلگەننەن سوڭ باعانالار ارقىلى سوربسيا پروسەسىنەن وتەدى. ول سوربسيا پروسەسىننەن كەيىن زادر ادىسىمەن دەسوربسيا پروسەسىن جىبەرەمىز. ٴارى قاراي ەلەكتروليز پروسەسىن وتكىزىپ التىندى ەلەكتروليزدى ۆاننانىڭ كاتوت ماقتالارىنا وتىرعىزامىز. ايدىن اياعىندا ول كاتوت ماقتالارىن الىپ تۇتىعۋ پروسەسىن وتكىزىپ، مۋفەلدىك پەشتە كەپتىرەمىز، ارنايى فلۋستاردى قوسىپ بالقىتامىز. وسىلايشا باعالى قۇيمانى الىپ شىعامىز»، - دەدى «rg gold» جشس ۇيىلمەلى سىلتىلەۋ الاڭىنىڭ جانە گيدرومەتالۋرگيالىق كەشەننىڭ باستىعى الماز جاقىپبايەۆ.

جالپى، بۇل اتالعان كەشەنگە كەن قاباتتارىنان قۇرامىندا التىنى بار ەرىتىندى كەلىپ تۇسەدى.

«كومپانيا قۇرامىندا ٴبىر گراممعا دەيىن التىن بار كەنمەن جۇمىس ىستەيدى. سوندىقتان ٴبىر توننا توپىراقتان شامامەن 0،7 گرامم التىن الىنادى. راس، بۇل كەن ورنى التىنعا سونشالىقتى باي ەمەس، الايدا ول تەحنولوگيالىق تۇرعىدا ٴوندىرۋ ٴۇشىن وتە ٴتيىمدى. ياعني بىزدە كوپتەگەن التىن كەن ورىندارى بار، ولار التىنعا وتە باي الايدا ونى يگەرۋ سونشالىقتى وڭاي ەمەس جانە قىمبات. ال، ٴبىزدىڭ كەن ورنىنداعى التىن جاقسى وندىرىلەدى. ونىڭ ۇستىنە التىن ٴوندىرىسى ارزانعا تۇسەدى. ەگەر بۇل ەكونوميكالىق تۇرعىدا قىمبات بولاتىن بولسا، وندا وسىنداي كەن ورىندارىن بارلاۋدىڭدا ماڭىزى بولماس ەدى»، - دەپ تولىقتىردى «rg gold» جشس باس ديرەكتورى سەرىك سىزدىقوۆ.

اتاپ وتسەك، كەن ورنى اعىمداعى جىلدىڭ ماۋسىم ايىندا 200 كەلىگە جۋىق التىن قۇيمالارىن ٴوندىرۋدى جوسپارلاپ وتىر. ٴبىر التىن قۇيماسى 17 كەلىدەن 24 كەلىگە دەيىن بولادى. نەگىزىنەن التىن قۇيمالارى ٴبىر ايدا ەكى رەت قۇيىلادى.

«ٴبىر گرام التىن شارتتى تۇردە 1 توننا كەنگە پارا-پار دەسەك، 24 كەلى التىن قۇيماسىن الۋ ٴۇشىن 22 توننا كەندى جانە وعان شىعىن ەسەبى رەتىندە قوسىمشا 20 پايىزدى قوسامىز، سوندا شامامەن 26 توننا كەندى وڭدەۋدەن وتكىزۋ كەرەك. ناتيجەسىندە 24 كەلى 90 پايىز سىناماداعى التىن قۇيماسى شىعادى. دەمەك بۇل التىننىڭ ساپاسى ٴبىزدىڭ قىز-كەلىنشەكتەرىمىز تاعاتىن التىننىڭ 58،5 سىناماسىنان دا جوعارى دەگەن ٴسوز»، - دەپ ٴتۇسىندىردى «rg gold» جشس باس ديرەكتورى سەرىك سىزدىقوۆ.

كەن ورنىنىڭ دايىن ٴونىمىن ساتىپ الۋ قۇقىعى التىن ٴوتىمدى تاۋار بولعاندىقتان ٴبىرىنشى كەزەكتە مەملەكەتتە تيەسىلى جانە دە كومپانيا ونى مەملەكەت ساتىپ الۋدان باس تارتقان جاعدايدا عانا ٴۇشىنشى تۇلعالارعا ساتا الادى. الايدا كۇنى بۇگىنگە دەيىن كومپانيانىڭ بار ٴونىمىن مەملەكەت ساتىپ الىپ كەلەدى. وسىلايشا ەلىمىزدىڭ التىن قورى تولىعۋدا دەسەك بولادى.

سونىمەن، ەڭ قىزىقتىسىنا توقتالساق. ٴباسپاسوز تۋرى اياسىندا كومپانيانىڭ تاريحىندا العاش رەت جۋرناليستەرگە «التىن بولمە» كورسەتىلىپ، ولار ٴوز قولدارىمەن جاڭادان قۇيىلعان التىن قۇيماسىن ۇستاپ كوردى. دەگەنمەن التىندى قۇيۋ پروسەسى سول كۇيى قۇپيا بولىپ قالدى.

ايتا كەتەيىك، بۇل كەن ورنىندا قاۋىپسىزدىك وتە جوعارى دەڭگەيدە، قارۋلانعان كۇزەت جانە ارنايى رۇقساتناماسىز ەش جەردەن جۇرە المايسىز. ال، گيدرومەتاللۋرگيالىق كەشەننىڭ قاۋىپسىزدىگى تىپتەن جوعارى دەسەك بولادى. سەبەبى بۇل كەشەنگە كەن ورنىنىڭ وزگە بولىمشەلەرىندە جۇمىس ىستەيتىن بىردە ٴبىر ادام كىرمەيدى جانە التىن بولمەسىنە كىرەتىن ادامداردىڭ سانى ساناۋلى. ەگەر التىن قۇيماسىن ەكى ادام قۇيىپ جاتسا، ٴۇش ادام سول جۇمىستى باقىلاپ، قاراپ تۇرادى.

سونىمەن قاتار، كەن ورنىنىڭ ۋچاسكەسىندە التىن قۇيمالارى مۇلدەم ساقتالمايدى. التىن قۇيىلعان كۇنى ارنايى ينكاسساتورلىق ماشينالار كەلىپ قۇيمالاردى الىپ كەتەدى.

جۇمىس كۇشى

كەن ورنىندا جاقىن ماڭدا ورنالاسقان رايگورودوك، نيكولايەۆكا، ۋسپەنايۋرەۆكا، دميترەۆكا اۋىلىننىڭ تۇرعىندارى جۇمىسشى ماماندىقتاردا ىستەيدى. ال، جوعارى بىلىكتىلىكتى قاجەت ەتەتىن سالالىق ماماندار بۇكىل قازاقستان بويىنشا ىزدەستىرىلىپ، قابىلدانادى. اتاپ وتسەك، ٴوندىرىستىڭ كەڭەيۋىنە بايلانىستى اعىمداعى جىلى 150-گە جۋىق ادام جۇمىسقا قابىلدانعان، ناتيجەسىندە، بۇگىندە كومپانيادان 580 ادام جۇمىس ىستەيدى.

جوندەۋ مەحانيكالىق سەحى مەن جىنىسوزەك قويماسى

كومپانيا جاقىندا عانا جوندەۋ مەحانيكالىق سەحىن ىسكە قوستى. وعان ٴوندىرىس كۋاتىن كەڭەيتۋ سەبەپ بولدى. مۇندا قازاقستاننىڭ زاڭ تالاپتارىنا ساي تەحيكالىق قاۋىپسىزدىك نورمالارى تولىعىمەن ساقتالعان. سونىمەن قاتار، قالدىقتاردى جويۋعا قاتىستى ەكولوگيالىق تالاپتار دا ەسكەرىلگەن. بۇل زاماناۋي سەحتا كومپانيانىڭ بار تەحنيكاسى، ياعني اۋىر تەحنيكادان جەڭىل كولىككە دەيىن جوندەۋدەن وتەدى. جالپى، مۇندا ادام كۇشى كوپ قاجەت ەتىلمەيدى، سەبەبى جۇمىستىڭ باسىم بولىگى اۆتوماتتاندىرىلعان.

«بۇگىندە جمس-دا 78 تەحنيكا بار، ونىڭ ىشىندە 43 ارنايى تەحنيكا. كوبىنە ٴبىز كومەكشى جۇمىستارمەن اينالىسامىز، ياعني تاسىمالداپ جەتكىزۋ جۇمىستارىن جۇزەگە اسىرامىز. تاسىمالداۋ بويىنشا جىلدىق جوسپار 2 ملن 300 تەكشە مەتر قۇراپ وتىر. بۇل بولىمدە 174 ادام جۇمىس ىستەيدى، - دەدى «rg gold» جشس كولىك ٴبولىمىنىڭ باستىعى اسلان جاقسىبايەۆ.

ال، جىنىسوزەك قويماسى – بۇل كومپانيانىڭ جەكە مۇراعاتى. مۇندا بۇرلاۋ جۇمىستارى بارىسىندا ٴتۇرلى تەرەڭدىكتەن الىنعان جىنىستاردىڭ ۇلگىلەرى ساقتالادى. بۇل ماتەريالداردىڭ نەگىزىندە پايدالى قازبا قورى ەسەپتەلىنەدى، تەحنولوگيالار جاساقتالادى، مينەرالداۋ دەڭگەيى انىقتالادى.

ايتا كەتەيىك، بۇل زاماناۋي ۇلگىدەگى جىنىسوزەك قويماسى جانە قازاقستاندا ولاردىڭ سانى ساناۋلى.

«ٴبىزدىڭ كومپانيانىڭ ٴۇش جىنىسوزەك قويماسى بار. بۇل جىنىستى ساقتاۋعا ارنالعان ارنايى عيمارات، مۇندا كەسەك-كەسەك جىنىستار مەن قالدىقتار سىناماسى جانە سىنامالاردىڭ كوشىرمەلەرى، ساراپتامالىق ۇنتاقتار ساقتالادى. بۇل نە ٴۇشىن كەرەك؟ بۇل ٴبىزدىڭ بۇرعىلاۋ جۇمىستارىن جۇرگىزۋ بارىسىندا قانداي تەرەڭدىكتەن نە جاتقانىن ٴبىلۋىمىز ٴۇشىن، قوسىمشا زەرتتەۋ جۇرگىزەتىن بولساق وسى جەردەن سىنامالاردى الۋ ٴۇشىن جانە ٴوز جۇمىسىمىزدى مەملەكەت پەن ينۆەستورلاردىڭ الدىندا دالەلدى تۇردە كورسەتۋ ٴۇشىن قاجەت. ٴبىز ينۆەستورعا كەن ورىنىندا وسىنشاما پايدالى قازبا بار دەي المايمىز. ٴاربىر ٴسوزىمىزدى دالەلدەۋىمىز كەرەك»، - دەدى «rg gold» جشس باس گەولوگى ۆيكتور بارانوۆ.

ايتا كەتەيىك، كومپانيا 2020 جىلعا قاراي توتىققان كەن قورىن يگەرۋدى اياقتايدى، وسى رەتتە 2021 جىلى باستاپقى كەندى وڭدەۋ ٴۇشىن جىلدىق قۋاتى 5-6 ملن توننا بولاتىن التىن ٴوندىرۋ فابريكاسىن ىسكە قوسۋدى جوسپارلاۋدا.

فوتو: اۆتوردان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي