BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

پويىز بيلەتى، كولىك، ەت باعاسى قىمباتتادى

استانا، baq.kz. 2018 جىلعى قاڭتار-قاراشادا قازاقستان رەسپۋبليكاسىندا ينفلياسيا 4،6%-دى قۇرادى. بۇل تۋرالى ۇلتتىق ەكونوميكا مينيسترلىگىنىڭ ٴباسپاسوز قىزمەتى حابارلادى.

باعا ازىق-تۇلىك تاۋارلارىنا وسى جىلعى ون ٴبىر ايدا (2018ج. قاراشا 2017ج. جەلتوقسانعا) – 3،8%، ازىق-تۇلىك ەمەس تاۋارلارىنا – 5،9%، اقىلى قىزمەتتەرگە 4،2%-عا ٴوستى.

2018 جىلدىڭ باسىنان (2018ج. قاراشا 2017ج. جەلتوقسانعا) باعانىڭ ٴوسۋى قانتقا – 21،2%، قىرىققاباتقا – 13،3%، مايەكتى ىرىمشىككە – 11،3%، كونسەرۆىلەنگەن سۇتكە – 9،8%، قىشقىل ٴسۇت ونىمدەرىنە – 6،7%، جاڭا ساۋىلعان سۇتكە – 6،6%، سارى مايعا – 8،8%، كۇنباعىس مايىنا – 6،6%، جۇمىرتقاعا – 3،8%، جىلقى ەتىنە – 9،1%-عا، ەت ونىمدەرىنە، شۇجىق ونىمدەرىنە – 6،6%-دان، شوشقا ەتىنە – 6،2%، سيىر ەتىنە – 5،9%، قوي ەتىنە 5،6%-عا بەلگىلەندى. باعانىڭ تومەندەۋى قاراقۇمىق جارماسىنا 21،1%-عا تىركەلدى.

باعا ٴوسىمى اۆتوموبيلدەرگە – 8%، قۇرىلىس ماتەريالدارىنا – 7،2%-عا، فارماسەۆتيكالىق ونىمدەرگە، كيىم جانە اياق كيىمگە، تۇرمىستىق اسپاپتارعا – 6،8%-دان، توقىما بۇيىمدارىنا – 6،4%، جەكە قولداناتىن تاۋارلارعا – 5،9%، كەڭسە تاۋارلارىنا – 5،8%، جۋعىش جانە تازالاعىش قۇرالدارعا – 5،7%، جيھاز جانە ۇيگە قاجەتتى زاتتارعا 4،9%-دى قۇرادى. ديزەل وتىنى – 28،8%، تاس كومىر – 7،1%، باللونداعى سۇيىتىلعان گاز 6%-عا قىمباتتادى، ال بەنزين 2،8%-عا ارزاندادى.

باعا دەڭگەيى كابەلدىك تەلەۆيزيا قىزمەتتەرىنە – 11،8%، دەنساۋلىق ساقتاۋ قىزمەتتەرىنە – 6،7%-عا، قۇقىقتىق، جەكە كولiك قۇرالدارىن ساقتاندىرۋ قىزمەتتەرىنە – 6%-دان، مەكتەپكە دەيىنگى بالالار مەكەمەسىنىڭ قىزمەتتەرىنە – 5،7%، شاشتارازدار مەن جەكە قىزمەت كورسەتۋ ورىندارى قىزمەتتەرىنە – 5،5%، قوعامدىق تاماقتاندىرۋ قىزمەتتەرىنە – 4،4%، ساناتورييلەر قىزمەتتەرىنە 3،6%-عا ٴوستى. جولاۋشىلاردىڭ اۋە كولىگىمەن جول ٴجۇرۋ اقىسى – 18،7%، تەمىر جول كولىگىمەن – 9%، قالاارالىق اۆتوبۋس – 7،5%، ىشكى قالالىق اۆتوبۋسپەن 4،9%-عا قىمباتتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي