BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ونىمدەرىمىزدى قىتاي ارقىلى وڭتۇستىك-شىعىس ازياعا جەتكىزەمىز – ساعىنتايەۆ

فوتو: Нұржас Жақсыбай

استانا، baq.kz ٴتىلشىسى. بۇگىن قر پرەمەر-مينيسترى باقىتجان ساعىنتايەۆ «اتامەكەن» قر ۇلتتىق كاسىپكەرلەر پالاتاسى ٴتورالقاسىنىڭ كەڭەيتىلگەن وتىرىسىنا قاتىستى. ول قازاقستاندىق تاۋارلاردى قىتاي ارقىلى وڭتۇستىك-شىعىس ازياعا شىعارۋ مۇمكىن بولاتىنىن ايتتى.

«بيىل ەلباسى جولداۋىندا ۇكىمەتكە ەكونوميكانى 600 ملرد تەڭگە قوسىمشا قارجىلاندىرۋ ارقىلى قولداۋدى تاپسىردى. «اتامەكەن» ۇكپ بىرلەسە بارلىق مەحانيزمدى تولىق دايىندادىق. سايكەس تاۋارلىق پوزيسيانى انىقتادىق. «جول كارتاسىن» قۇردىق. قاتىساتىن نەگىزگى بانكتەر انىقتالدى. جىل سوڭىنا دەيىن قانداي باعىتتا، قانداي جوبامەن جۇرەتىنىمىزدى انىقتاۋ قاجەت. سەبەبى ەلباسىنىڭ تاپسىرماسى بار، سوڭىندا ەشتەڭە بەرمەيتىن تۇسىنىكسىز جوبالارعا كەتپەۋى ٴتيىس. ٴارتۇرلى ٴىرى جوبالار بار، بۇل جۇمىستى جىل سوڭىنا دەيىن اياقتاۋىمىز كەرەك. قارجىلاندىرۋدى جىل باسىنان باستايمىز»، - دەدى ساعىنتايەۆ «اتامەكەن» ۇلتتىق كاسىپكەرلەر پالاتاسى ٴتورالقاسىنىڭ كەڭەيتىلگەن وتىرىسىندا.

ۇكىمەت باسشىسى ميكروكرەديتتەۋ بويىنشا كەلەر جىلى العا قويعان ينديكاتورلارعا جەتەتىنىن ايتتى. الايدا ونىڭ ايتۋىنشا، وسى باعدارلاماعا بولىنەتىن قارجىعا قالادا سۇرانىس جوق، ال اۋىلدىق جەرلەردە باعدارلاما جاقسى جۇرگىزىلىپ جاتىر. وسىعان بايلانىستى ساعىنتايەۆ ماسەلەنى انىقتاۋدى سرادى.

«اۋىل شارۋاشىلىعى بويىنشا ۇلكەن جۇمىس اتقارىلدى. اوك باعدارلاماسى وزەكتەندىرىلدى. جىل سايىن اوك باعدارلاماسىنا قارجى قوسىلىپ وتىرادى. بۇگىندە بارلىق نارىق اشىق، اسىرەسە قىتايدىڭ ۇلكەن نارىعى اشىلىپ وتىر. قىتاي ۇكىمەتى تاراپىنان قىتايلىق سەرىكتەستەرمەن بىرلەسە ونىمدەرىمىزدى قىتاي ارقىلى ٴۇشىنشى ەلگە، ياعني وڭتۇستىك-شىعىس ازياعا جەتكىزەتىن بولامىز. ابىلاي يسابەك ۇلى (مىرزاحمەتوۆ – اۆت.) مۇنىمەن حاباردار»، - دەدى قر پرەمەر-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي