BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

مەملەكەتتىك ورگانداردى تۇركىستانعا كوشىرۋگە قانشا قارجى جۇمسالاتىنى بەلگىلى بولدى

قارجى ٴمينيسترى مىندەتىن اتقارۋشى بەرىك شولپانقۇلوۆ تۇركىستان وبلىسىنىڭ مەملەكەتتىك ورگاندارىن شىمكەنتتەن تۇركىستان قالاسىنا كوشىرۋگە بيۋدجەتتەن قانشا قارجى بولىنەتىنىن مالىمدەدى، دەپ حابارلايدى baq.kz ٴتىلشىسى.

بۇگىن قر پارلامەنتى ماجىلىستە قارجى ٴمينيسترىنىڭ مىندەتىن اتقارۋشى بەرىك شولپانقۇلوۆ دەپۋتاتتارعا 2019-2021 جىلدارعا ارنالعان رەسپۋبليكالىق بيۋدجەت جوباسىن تانىستىردى.

وسى ورايدا باسشى تۇركىستان وبلىسىنىڭ مەملەكەتتىك ورگاندارىن شىمكەنتتەن تۇركىستان قالاسىنا كوشىرۋگە الداعى جىلى بيۋدجەتتەن 2،4 ملرد تەڭگە بولىنەتىنىن ايتتى.

«بيۋدجەت جوباسى رەسپۋبليكالىق ماڭىزى بار شىمكەنت قالاسى مەن تۇركىستان وبلىسى دەپ بولىنگەن وڭتۇستىك قازاقستان وبلىسىنىڭ اكىمشىلىك-تەرريتوريالىق بولىنۋىنە شىعىستاردى ٴبولۋدى قاراستىرادى. شىمكەنت قالاسىنا قوسىمشا 1،2 ملرد تەڭگە ٴبولۋ قاراستىرىلعان. ال تۇركىستان وبلىسىنىڭ مەملەكەتتىك ورگاندارىن تۇركىستان قالاسىنا كوشىرۋ ٴۇشىن 2،4 ملرد تەڭگە ٴبولۋ جوسپارلانىپ وتىر. جالپى 2019 جىلى رەسپۋبليكالىق بيۋدجەت ەسەبى قارجىسىنان وڭىرلەرگە 2،6 ترلن تەڭگە بولىنەدى. بۇل بيۋدجەت شىعىسىنىڭ 24% قۇرايدى»، - دەدى بەرىك شولپانقۇلوۆ وتىرىستا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي