BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

ماڭعىستاۋلىق دەلەگاسيا باا-دە ماڭىزدى 4 مەموراندۋمعا قول قويدى

فوتو: http://mangystau.gov.kz

ٴباا ينۆەستورلارىمەن ىسكەرلىك كەزدەسۋلەردىڭ ناتيجەسىندە 35 قاباتتى كوپفۋنكسيونالدى كەشەن، لوگيستيكالىق جانە يندۋستريالىق پارك قۇرىلىسى، جاڭا fly dubai اۋە جەلىسىنىڭ اشىلۋى، «كاسپيي» اكك مەن ابۋ-دابي ونەركاسىپ پالاتاسى اراسىنداعى ىنتىماقتاستىق تۋرالى قۇجاتتارعا قول قويىلدى، دەپ حابارلايدى baq.kz اقپارات اگەنتتىگى.

ٴبىرىنشى مەموراندۋم – ماڭعىستاۋ وبلىسىنىڭ اكىمدىگى مەن abu dhabi investment authority ەگەمەندى قورى اراسىندا «كوپ قاباتتى كوپفۋنكسيونالدى كەشەن قۇرىلىسى» جوباسىن جۇزەگە اسىرۋ بويىنشا ٴوزارا ىنتىماقتاستىق تۋرالى كەلىسىم. اقتاۋ قالاسىندا تۇرعىن ٴۇي كەشەنى، بيزنەس ورتالىقتار مەن ٴقوناقۇيدى قامتيتىن 35 قاباتتى عيمارات سالىنادى. قۇجاتتا كورسەتىلگەندەي، قۇرىلىس جوباسىنداعى جۇمىستار سيفرلىق تەحنولوگيا ەلەمەنتتەرىن ەنگىزۋ ارقىلى جۇزەگە اسىرىلادى. بۇل جەرگىلىكتى تۇرعىنداردى جۇمىسپەن قامتۋعا كومەكتەسەدى. اتالعان جوبانى جۇزەگە اسىرۋ ٴۇشىن قازاقستاندىق قۇرىلىس كومپانيالارى مەن قۇرىلىس ماتەريالدارىن وندىرۋشىلەر دە تارتىلادى.

ەكىنشى كەلىسسوز «كاسپيي» الەۋمەتتىك-كاسىپكەرلىك كورپوراسياسى» ۇلتتىق كومپانياسى» اق مەن ابۋ-دابي ساۋدا-ونەركاسىپ پالاتاسى اراسىندا ينۆەستيسيالىق جانە ىسكەرلىك ىنتىماقتاستىقتى نىعايتۋ بويىنشا ٴوتتى. تاراپتار ەكى ەلدىڭ كاسىپكەرلەرى اراسىندا تىكەلەي بايلانىستار ورناتۋعا كەلىستى جانە بىرلەسكەن ينۆەستيسيالىق جوبالاردى جۇزەگە اسىرۋ ماسەلەلەرىن تالقىلادى. سونداي-اق، ەكونوميكالىق ٴارتاراپتاندىرۋ ارقىلى ٴوڭىردىڭ باسەكەگە قابىلەتتىلىگىن ارتتىرۋ ماقساتىندا، ماڭعىستاۋ وبلىسىنا شەتەل ينۆەستيسيالارىن، جاڭا تەحنولوگيالار مەن رەسۋرستاردى تارتۋ جوسپارلانىپ وتىر.

اقتاۋ اۋەجايى مەن «fly dubai» اۋەكومپانياسى جانە ماڭعىستاۋ وبلىسى اكىمدىگى اراسىندا ٴۇشىنشى مەموراندۋمعا قول قويىلدى. قۇجاتتا ماڭعىستاۋ وبلىسى مەن دۋباي قالاسى / ٴباا اراسىندا بايلانىس ورناتۋ جانە دامىتۋ ٴۇشىن قولايلى جاعداي جاساۋ كورسەتىلگەن. fly dubai 2018 جىلدىڭ قازان ايىنان باستاپ 2018/2019 ماۋسىمىنا جوسپارلانعان جاڭا دۋباي-اقتاۋ-دۋباي رەيسىن اشادى. «اقتاۋ حالىقارالىق اۋەجايى» اق ٴتيىستى اۋەجاي مەن جەردەگى قىزمەتتەردى ۇيىمداستىرۋعا، سونداي-اق ٴتيىمدى باعا ساياساتىنا قولداۋ كورسەتەدى.

ٴتورتىنشى مەموراندۋمعا «اقتاۋ تەڭىز پورتى» اەا باسقارماسىنىڭ ٴتوراعاسى باۋىرجان قايراتوۆ پەن pbp holdings ltd وكىلى مارك رونگ قول قويدى. قۇجاتتا 60 گەكتار اۋماعى بار لوگيستيكالىق جانە يندۋستريالىق پاركتىڭ قۇرىلىسى جانە 50 ملن. اقش دوللارى كولەمىندەگى ينۆەستيسيا تارتۋ تۋرالى جازىلعان.

ماڭعىستاۋ كاسىپكەرلەرىنىڭ اراب ينۆەستورلارىمەن جۇرگىزىلگەن بارلىق ىسكەرلىك كەلىسسوزى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2017 جىلدىڭ قاڭتار ايىندا باا-گە رەسمي ساپارىنان كەيىن جالعاستى. ەلباسى ساپارىندا دۋبايداعى «اقتاۋ تەڭىز پورتى» اەا-نى دامىتۋ ماقساتىندا ماڭعىستاۋ وبلىسىنىڭ اكىمدىگى مەن dp world اراسىنداعى ىنتىماقتاستىق تۋرالى مەموراندۋمعا قول قويۋ ٴراسىمى ٴوتتى. «dp world» – 6 كونتينەنتتە 60 تەرمينالى بار الەمدەگى ەڭ ٴىرى پورت وپەراتورلارىنىڭ ٴبىرى.

ساپار بارىسىندا ماڭعىستاۋ وبلىسىنىڭ اكىمى ەرالى توعجانوۆ جانە قازاقستاندىق بيزنەس دەلەگاسيا «dp world» باسشىلىعىمەن كەلىسسوزدەر جۇرگىزىپ، وبلىس اكىمى ناقتى ۇسىنىستار جاسادى.

«باستاپقى كەزەڭدە ۇزارتۋ مۇمكىندىگىمەن 12 اي مەرزىمگە شارت جاساۋدى ۇسىنامىز. سونداي-اق، ىنتىماقتاستىقتىڭ بالامالى نۇسقاسى رەتىندە «اقتاۋ تەڭىز پورتى» اەا-نىڭ سۋب-ايماقتاردىڭ بىرىندە باسىم باعىتتار بويىنشا ينۆەستيسيالاردى تارتۋ ارقىلى ودان ٴارى دامىتۋ شارتىمەن جۇمىس ىستەۋدى ۇسىنامىز. سونىمەن قاتار، «اقتاۋ تەڭىز پورتى» اەا ينۆەستيسيالاردى تارتۋ جانە جوعارى تەحنولوگيالىق وندىرىستىك وبەكتىلەردى ورنالاستىرۋ اۋماعى رەتىندە قاراستىرۋ قاجەت»، - دەدى ەرالى توعجانوۆ.

كەلىسسوزدەر ناتيجەسىندە ماڭعىستاۋ وبلىسى اكىمدىگى مەن كومپانيا اراسىنداعى مەموراندۋم ناقتىلانىپ، «dp world» كومپانياسى «اقتاۋ تەڭىز پورتى» ااق باسشىلىعىمەن ىنتىماقتاستىقتا جۇمىس ىستەۋگە نيەتتى ەكەندەرىن جەتكىزدى.

وبلىس اكىمى جۇمىس توبىمەن بىرگە «jebel ali free zone» اەا-دا بولدى. «jebel ali free zone» پورتى الەمدەگى ەڭ ۇزدىك 50 كونتەينەرلىك تەڭىز ايلاعى اراسىندا 9-ورىنعا يە. بۇل – قايتا ەكسپورتتاۋدىڭ (ترانزيت) ساۋدا لوگيستيكالىق جۇيەسىندە ماڭىزدى ترانسشەكارالىق كەشەن. ٴباا جىل سايىن ورتا ەسەپپەن 1،6 ملن توننا بيداي يمپورتتايدى. ورتا ەسەپپەن العاندا، ىشكى تۇتىنۋعا 1،2 ملن. توننا بيداي جۇمسالسا، ال قالعانى قايتا ەكسپورتتالادى. «اقتاۋ تەڭىزىنىڭ سولتۇستىك تەرمينالى» جشس جانە «dpworld» اراسىنداعى الدىن-الا كەلىسىمشارتتىڭ نەگىزىندە بيزنەس-ۇدەرىستەرگە، ماركەتينگتىك قىزمەتكە جانە باسقا دا قىزمەتتەرگە تولىق تالداۋ جۇرگىزۋ بويىنشا جۇمىستار جۇرگىزىلۋدە.

بۇل جوبالاردىڭ جۇزەگە اسۋى قازاقستاننىڭ كولىكتىك قىزمەت كورسەتۋ نارىعىندا ورتالىق ازياداعى ترانزيتتىك مەملەكەت رەتىندە باسەكەگە قابىلەتىنىڭ ارتۋىنا، جىبەك جولىنىڭ بويىندا جۇك تاسىمالىنىڭ تارتىمدىلىعىن قامتاماسىز ەتۋگە، پارسى شىعاناعى، كاۆكاز، تۇركيا جانە وڭتۇستىك ەۋروپانىڭ نارىقتارىنا قولجەتىمدىلىكتى قامتاماسىز ەتۋگە كومەكتەسەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي