BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قىتايدان ٴىرى ينۆەستورلاردى تارتۋعا ىقپال ەتەتىن زاڭ جوباسى ماقۇلداندى

استانا، baq.kz ٴتىلشىسى. بۇگىن ٴماجىلىس وتىرىسىندا قر ينۆەستيسيالار جانە دامۋ ٴمينيسترى جەڭىس قاسىمبەك قازاقستان مەن قىتاي اراسىنداعى ينۆەستيسيالىق ارەكەتتەستىكتى دامىتۋعا باعىتتالعان زاڭ جوباسىمەن تانىستىردى.

«2016 جىلدىڭ جەلتوقسان ايىنداعى قازاقستان مەن قىتاي باسشىلارىنىڭ كەلىسىمدەرى اياسىندا «kazakh invest» ۇلتتىق كومپانياسى» اق مەن قىتايدىڭ «جىبەك جولى» قورى اراسىندا بىرلەسكەن جوبالاردى ينۆەستيسيالاۋعا كاپيتالداندىرۋى 2 ملرد دوللار بولاتىن قور قۇرىلدى. قازىرگى ۋاقىتتا بۇل قور قازاقستانعا ينۆەستيسيا سالاتىن ٴىرى ينۆەستيسيالىق قورلاردىڭ ٴبىرى. قازاقستاننىڭ «جىبەك جولى» قورىمەن ىنتىماقتاسا جۇمىس ىستەۋگە تاجىريبەسى جەتكىلىكتى. «جىبەك جولى» قورى استانالىق قور بيرجاسىنىڭ جارعىلىق كاپيتالىنا كىرگەن. جالپى كاپيتالداندىرۋ سوماسى 55 ملرد دوللاردى قۇرايتىن «جىبەك جولى» قورى كولەمى جاعىنان قىتايداعى ەڭ ٴىرى قور. سول سەبەپتى، «جىبەك جولى» قورىنىڭ استانا حالىقارالىق قارجى ورتالىعى بيرجاسىنا اكسيونەر رەتىندە قاتىسۋى قىتايدان ٴىرى ينۆەستورلاردى تارتۋعا ىقپال ەتەتىن بولادى»، - دەدى قاسىمبەك.

ٴمينيستردىڭ ايتۋىنشا، قازاقستان اۋماعىنداعى جوبالاردىڭ نەگىزگى كاپيتالىنا سالىناتىن ينۆەستيسيا كولەمى ۇلكەن بولاتىنى ەسكەرىلىپ وتىر. سوندىقتان قوردىڭ قىزمەتىنە قويىلاتىن نەگىزگى تالاپتاردىڭ ٴبىرى – ديۆيدەندتەرگە سالىناتىن سالىقتان بوساتۋ.

«قازىرگى ۋاقىتتا قىتاي تاراپىمەن جوعارىدا كورسەتىلگەن ۇكىمەتارالىق كەلىسىمدى راتيفيكاسيالاۋ بويىنشا ٴتيىستى جۇمىس جۇرگىزىلدى. قازاقستاندا حالىقارالىق شارتتار اياسىندا حالىقارالىق قارجى ينستيتۋتتارىن (ەۋروپالىق قايتا قۇرۋ جانە دامۋ بانكى، ازيالىق ينفراقۇرىلىمدىق ينۆەستيسيا بانكى) جانە جەكە جوبالاردى (ابۋ-دابي پلازا) سالىقتان بوساتۋدىڭ بالامالى ۇلگىلەرى بار ەكەنىن اتاپ وتكەن ٴجون. سونىمەن قاتار قىتاي مەن قازاقستاننىڭ وندىرىستىك قۋات قورىنىڭ قاتىسۋىمەن جوبالاردى ىسكە اسىرۋدىڭ ۇتىمدى جاقتارى كوپ. ولار يننوۆاسيالىق تەحنولوگيالاردى پايدالانا وتىرىپ، وڭىرلەردەگى ينفراقۇرىلىمدى دامىتۋعا جانە جاڭا جۇمىس ورىندارىن اشۋعا ىقپال ەتەدى. جوبالاردى ىسكە اسىرۋ مەملەكەتتەن قارجى تالاپ ەتپەيدى»، - دەدى جەڭىس قاسىمبەك.

بۇگىن ٴماجىلىستىڭ جالپى وتىرىسىندا «قر ۇكىمەتى مەن قحر ۇكىمەتى اراسىنداعى قازاقستانعا تىكەلەي ينۆەستيسيالار سالۋدى جۇزەگە اسىراتىن قىتاي-قازاقستان وندىرىستىك قۋاتتارىنىڭ ىنتىماقتاستىعى قورى كىرىسىنىڭ جەكەلەگەن تۇرلەرىن سالىق سالۋدان بوساتۋ تۋرالى كەلىسىمدى راتيفيكاسيالاۋ تۋرالى» قر زاڭ جوباسى قارالدى. دەپۋتاتتار زاڭ جوباسىن ماقۇلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي