BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قازاقستاننىڭ ٴوز «كرەمنيي القابى» بولادى – ساراپشى

فوتو: Нұржас Жақсыбай

استانا، baq.kz ٴتىلشىسى. astana hub سەو-مامانى دجوزەف سيگلەر قازاقستاندا ەكوجۇيەنى دامىتۋدى كوزدەيدى. بۇل تۋرالى ول استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا مالىمدەدى.

«ٴبىز مۇندا ەكوجۇيەنى دامىتاتىن بولامىز جانە جاس تالانتتارمەن جۇمىس ىستەيمىز. ماعان بۇل جۇمىستى ۇسىنعانىنا قۋانىشتىمىن. بۇل جەرگە وتە تالانتتى ادامدار كوپتەپ جينالادى. ولار بىر-بىرىمەن سەرىكتەستىك ورناتىپ، ٴارى قاراي وسى جۇيەنى بىرلەسە دامىتاتىن بولادى»، - دەدى سيگلەر استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا.

ول قازاقستاننىڭ وزىندىك «كرەمنيي القابى» پايدا بولاتىنىن ايتتى.

«بارلىعى امەريكانىڭ كرەمنيي القابىن كوشىرىپ العىسى كەلەدى. بۇل قاتە پىكىر. ٴبىز ٴوزىمىزدىڭ قازاقستاندىق كرەمنيي القابىمىزدى قۇرعىمىز كەلەدى. امەريكانىڭ كرەمنيي القابىنىڭ قۇرىلعانىنا كوپ ۋاقىت بولدى، سونداي-اق ٴبىرقاتار كەمشىلىكتەرى بار. ٴبىز ارتىقشىلىقتارى بار جاڭاسىن قۇرعىمىز كەلەدى. ينجەنەر رەتىندە وسى جەردە جاڭا تەحنولوگيالار مەن ستارتاپ جوبالار قۇراتىنىمىزعا سەنەمىن»، - دەپ ٴسوزىن تۇيىندەدى ول.

ايتا كەتسەك، بۇگىن استانادا «digital bridge» حالىقارالىق يننوۆاسيالىق فورۋمى باستالدى. بۇل اۋقىمدى شاراعا حالىقارالىق ٴىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي سيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي