BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

قازاقستاننىڭ كاپيتال نارىعى دامۋ ۇستىندە – ساراپشى 

الماتى، baq.kz. كاپيتال نارىعىن دامىتۋ كوپتەگەن ينستيتۋسيونالدىق، رەتتەۋىشتىك جانە نارىقتىق فاكتورلاردىڭ كەشەندى ٴوزارا ىس-ارەكەتىنە بايلانىستى. بۇل تۋرالى حالىقارالىق ساراپشى كاسدورپ اۋتە قازاقستان قارجىگەرلەرىنىڭ viii كونگرەسىندە ايتتى.

ونىڭ ايتۋىنشا، قازاقستاننىڭ كاپيتال نارىعىنىڭ ودان ٴارى دامۋى جانە ٴوسۋى ٴۇشىن مۇمكىندىكتەر بار. بىرىنشىدەن، ۇلتتىق بانكتىڭ قىزمەتىندەگى تاۋەكەلگە باعدارلانعان باعىتتى ودان ٴارى قاراۋ. ەكىنشىدەن، قاداعالاۋعا ارنالعان ٴتيىمدى ٴتاسىلدى ودان ٴارى دامىتۋ. ۇشىنشىدەن، وسى ٴادىستى جانە ونىڭ ناتيجەلەرىن كاپيتال نارىعىنىڭ قاتىسۋشىلارىنا ٴتيىمدى تۇردە جەتكىزۋ.

«تاۋەكەلگە باعدارلانعان قاداعالاۋدىڭ نەگىزدەرى پروبلەمالاردى بولدىرماۋعا كوزدەلگەن ەڭ از تاۋەكەلدەرگە جانە كورەگەن پەرسپەكتيۆاعا شوعىرلاناتىندىعىن بىلدىرەدى. كەيبىر ماسەلەلەر بارىنشا ماڭىزدى: تاۋەكەلدەردەگى باسىمدىقتاردى قالاي ايقىندايمىز جانە ٴبولىپ قويامىز، تاۋەكەلدەردىڭ قانداي تۇرلەرى بار؟ ەگەر ٴبىز تاۋەكەلدەر تۋرالى ايتاتىن بولساق، ٴبىز قاعيدالارعا الەۋەتتى سايكەسسىزدىكتەر تۋرالى ايتامىز با جانە نارىقتار مەن ينۆەستورلار ٴۇشىن تاۋەكەلدەردىڭ باسقا دا تۇرلەرى بار ما؟»، - دەپ اتاپ ٴوتتى ك. اۋتە.

حالىقارالىق ساراپشى ورتالىق بانكتىڭ نەمەسە اگەنتتىكتىڭ تاۋەكەلگە باعدارلانعان قاداعالاۋدى ەنگىزگەندە بۇدان ٴارى ستراتەگيالاردى تاڭداۋدى قاراۋعا قاجەتتىلىكتىڭ پايدا بولاتىندىعىن اتاپ ٴوتتى. مىسالى: ٴسىز قاداعالاۋ تاسىلىندە قولباسشىلىق جانە باسقارۋ رەجيمىنە باسىمدىق بەرەسىز بە نەمەسە ٴسىز بارىنشا يكەمدى رەتتەۋشىلىك تاسىلگە نەگىزدەلگەن كەيبىر موتيۆاسيالىق ستراتەگيالاردى ەنگىزەسىز بە؟ ٴسىز قاتاڭ ايرىقشا قاداعالاۋدى پايىمدايسىز با نەمەسە ٴسىز تاقىرىپتىق تەكسەرۋلەر سياقتى بارىنشا يكەمدى باستامالاردى قولدايسىز با؟ نە ٴسىز پروبلەمالاردى انىقتاۋعا باعدارلانعان جوبالاردى قولداناسىز با؟

«بۇل جەردە ٴتيىمدى قاداعالاۋ رەجيمى عانا ماڭىزدى ەمەس، سونىمەن قاتار مۇددەلى تاراپتارعا وزىندىك تاسىلدەر مەن ناتيجەلەردى كورسەتۋدە ٴتيىمدى بولا ٴبىلۋ ماڭىزدى»، - دەدى ك. اۋتە.

ساراپشىنىڭ ٴسوزى بويىنشا، ۇلتتىق بانك ٴۇشىن ەڭ ۇلكەن سىن-قاتەر – بۇل قۇقىق قولدانۋ ستاتيستيكانى كورسەتەتىن ەسەپ قۇرۋ مەن ونى كورسەتۋ بولىپ قويماي، نورمالاردى، سەنىم ٴبىلدىرۋ دەڭگەيلەرىن ساقتاۋ بولىپ تابىلادى، سونداي-اق تاۋەكەلگە باعدارلانعان قاداعالاۋدا زاماناۋي ستراتەگيالار مەن قولدانىلاتىن شارالار حالىقتىڭ قازاقستاندىق نارىق كاپيتالىنا دەگەن سەنىمىنىڭ ارتۋىنا ىقپال ەتتى.

«تاجىريبە كورسەتكەندەي، مۇنداي نارىقتىڭ دامۋى ۇنەمى كوپتەگەن ينستيتۋسيونالدىق، رەتتەۋشى جانە نارىقتىق فاكتورلاردىڭ كەشەندى ٴوزارا ىس-ارەكەتتەسۋىنە بايلانىستى. الايدا، ونى تالداپ قاراساڭىز، قارجى نارىعىنىڭ بولىگى رەتىندەگى باعالى قاعازدار نارىعىنىڭ دامۋى ماڭىزدى جانە تۇراقتى دامۋ ٴۇشىن وتە قۇندى ەكەنىن اڭعاراسىزدار»، - دەيدى ك. اۋتە.

سپيكەر قازاقستاندىق نارىق كاپيتالىنا وڭ باعا بەردى.

«2017 جىلدىڭ سوڭىندا بروكەرلەردىڭ، ديلەرلەردىڭ ورتاق قارجىلاي كورسەتكىشتەرى جانە ينۆەستيسيالىق پورتفەلى اكتيۆتەرگە قاتىستى جىلىنا 34%-عا، مەنشىك كاپيتالىنا قاتىستى – 21 %-عا ٴوستى. 2017 جىلى مەملەكەتتىك ەمەس باعالى قاعازداردىڭ جالپى كاپيتالدانۋى 15،4% -عا ٴوسىپ، 2013 جىلعى 9،9 تريلليونمەن سالىستىرعاندا 26 تريلليون قۇرادى»، - دەپ اتاپ ٴوتتى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي