BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستاندىقتاردىڭ جالاقىسى ٴبىر جىلدا 9% وسكەن

استانا، baq.kz. قازاقستاندىقتاردىڭ ورتاشا ايلىق جالاقىسى 161،8 مىڭ تەڭگەنى قۇراپ، 9،3% ارتقان. بۇل جونىندە zakon.kz پورتالى حابارلادى.

اناليتيكتەر قازاقستاندىقتاردىڭ تابىسىن ەسەپتەپ، ورتاشا ايلىق جالاقى 161،8 مىڭ تەڭگەنى قۇراپ، 9،3% ارتقانىن انىقتادى.

2017 جىلى جالاقى سوماسى 148 مىڭ تەڭگەنى قۇراعان. سوڭعى بەس جىلدا جالاقىنىڭ ماكسيمالدى ۇلعايعانى 2016 جىلى – 13،3% ەكەنى بايقالدى، بۇل كەزدە ناقتى جالاقى يندەكسى 96،7% قۇراعان.

ناقتى جالاقى يندەكسى وسى جىلى 103،1% قۇراپ، ساتىپ الۋ قابىلەتىنىڭ ارتقانى بايقالادى. 2017 جىلى جالاقىنىڭ ناقتى قۇندىلىعى ينفلياسيا اسەرىنەن 2% تومەندەگەن بولاتىن.

توقسان سوڭىندا ورتاشا ايلىق جالاقىنىڭ ايتارلىقتاي ۇلكەن ٴمانى اتىراۋ وبلىسىندا بايقالادى: 310،6 مىڭ تەڭگە، بۇل وتكەن جىلعىدان 12،6% ارتىق. ەكىنشى ورىندا 4،8% ۇلعايۋ – 260،6 مىڭنان 273،2 مىڭعا دەيىنگى وسۋمەن ماڭعىستاۋ وبلىسى تۇر. وڭىرلەر اراسىنداعى ۇشتىكتى باس قالا تۇيىقتاپ وتىر: 240،7 مىڭ تەڭگە كولەمىندە 8،1% ٴوسىم بار.

سونىمەن قاتار، تۇركىستان (98،8 مىڭ تەڭگە)، سولتۇستىك قازاقستان (110،9 مىڭ تەڭگە) جانە جامبىل (111 مىڭ تەڭگە) وبلىستارىندا ەڭ تومەنگى جالاقى تىركەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي