BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قازاقستانعا الەمدىك 30 ەكونوميكانىڭ قاتارىنا كىرۋ ٴۇشىن ٴجىو-نىڭ 60% اساتىن ينۆەستيسيا قاجەت – دجب

استانا، baq.kz ٴتىلشىسى. ارنايى زەرتتەۋ جۇرگىزگەن دۇنيەجۇزىلىك بانك وكىلدەرى قازاقستاندا ونىمدىلىكتى ارتتىرۋدىڭ جولدارىمەن ٴبولىستى.

زەرتەۋ ناتيجەسى بويىنشا، ەنەرگورەسۋرستاردىڭ باعاسى ٴوسۋىنىڭ، ىشكى سۇرانىستىڭ جىلدام جوعارىلاۋىنىڭ جانە ينۆەستيسيا اعىنىنىڭ ارتۋى ارقاسىندا 2000 جىلدارى قازاقستاننىڭ ەكونوميكالىق ٴوسۋ قارقىنى تاماشا بولعان. وسى كەزەڭدە كەدەيلىك پەن تەڭسىزدىك دەڭگەيىنىڭ ايتارلىقتاي قىسقارعانى بايقالدى. ٴبىراق، 2008 جىلعى جاھاندىق ەكونوميكالىق داعدارىستىڭ سالدارىنان قازاقستان ەكونوميكاسىنىڭ ٴوسۋى باياۋلاپ، 2000-2007 جىلدارداعى 10 پايىزدان، 2008-2017 جىلدارى 4 پايىزعا دەيىن تومەندەگەن.

«سوڭعى جىلدارى قازاقستاندا ونىمدىلىكتىڭ ٴوسۋى ٴبىرشاما باياۋلادى، ونىڭ سالدارى حالىق تابىسىنىڭ وسۋىنە جانە ولاردىڭ ٴال-اۋقاتىنا كەرى اسەرىن تيگىزەدى. وسى مانماتىندە ەلگە جەكە مەنشىك سەكتورىن نىعايتۋعا ارنالعان اۋقىمدى رەفورمالار قاجەت. بۇل ٴوز كەزەگىندە ٴارتاراپتاندىرۋعا جانە باسەكەلەستىك قابىلەتتى ارتتىرۋعا، جالپى ەكونوميكالىق وسۋگە الىپ كەلەدى»، - دەدى دۇنيەجۇزىلىك بانكتىڭ ورتا ازياداعى ايماقتىق كەڭسەسىنىڭ جەتەكشى ەكونوميسى حۋليو رەۆيللا.

ونىڭ ايتۋىنشا، ميكروەكونوميكا سالاسىندا كەيبىر نارىق كورسەتكىشتەرى جۇمىس ىستەپ جاتىر.

«ەلدەگى نارىقتاردىڭ تيىمدىلىگى وزگە ەلدەرمەن سالىستىرعاندا جاقسى جۇمىس ىستەپ تۇر دەپ ايتۋعا بولمايدى. بۇل كورسەتكىشتەر رەتتەلمەيتىن ناتيجە ەمەس. مىسالى، جاقىندا قازاقستاندا بيزنەستى ەنگىزۋ بويىنشا ٴوز كورسەتكىشتەرىن جاقسارتقان بولاتىن. بۇل دۇنيەجۇىزىلىك بانكتىڭ جىل سايىن رەيتىنگى. زاڭنامالىق تۇرعىدا بيزنەستى ەنگىزۋگە بارلىق مۇمكىندىك بار. الايدا، بەلگىلى ٴبىر سەبەپتەرمەن ول كومپانيالار ٴوسىپ جاتقان جوق. قاجەتتى كولەمدە اشىلماي وتىر. بۇل فاكتىلىك جانە شىنايى ەكونوميكا تابىس دەڭگەيىنە ساي بولماي وتىرعانىن كورسەتەدى»، - دەدى حۋليو رەۆيللا.

ال دۇنيەجۇزىلىك بانكىنىڭ ماكروەكونوميكا جونىندەگى جاھاندىق تاجىريبەسىنىڭ جەتەكشى ەكونوميسى دجەننيفەر كەللەر رەيتىنگتەردىڭ بارلىعى سوڭعى جىلدارى قازكاقستانداعى ونىمدىلىكتىڭ تومەندەۋىنە نە سەبەپ بولعانىنا وراي جاسالعانىن جەتكىزدى.

«قازاقستاندا داعدارىستان كەيىن دامۋ نارىقتارىنداعى ونىمدىلىكتىڭ ٴتۇسىپ كەتۋىنەن زارداپ شەگىپ وتىر. وزگە ەلدەر دە داعدارىستىڭ سالدارىن تارتتى، الايدا ونىمدىلىكتىڭ كۇرت تومەندەۋى وسى ەلدە ەرەكشە سەزىلىپ وتىر. سوندىقتان دا، ونىمدىلىكتى ارتتىرىپ، قازاقستانداعى وسى سالانى ارتتىرۋدىڭ قوزعاۋشى كۇشى نە ەكەنىنە كوز جەتكىزۋ قاجەت. ەلدەگى ونىمدىلىكتى ارتتىرۋدىڭ ەكى قرالى بار. ولار، ماتەماتيكالىق ٴادىس بويىنشا لەزدە وسەتىن ىشكى سەكتورلاردا جۇمىس ىستەۋ كەرەك، سونداي-اق، جۇمىس توبىنىڭ اۋىسۋىنا قاتىستى ەلدەردىڭ مۇمكىندىگىن ەسكەرگەن ٴجون. ەلدەگى ونىمدىلىكتى ارتتىرۋ ٴۇشىن جۇمىس توبىن تارتۋ ۇلكەن مۇمكىندىك بولىپ وتىر»، - دەدى ەكونوميست.

ساراپشىنىڭ پايىمىنشا، قازاقستاندا جەكە سەكتوردىڭ قارقىنىن ارتتىرۋ قاجەت. بولجامدارعا قاراعاندا، ونىمدىلىك دەڭگەيىن كوتەرمەسە قازاقستان جان باسىنا شاققانداعى تابىس دەڭگەيىنىڭ تۇراقتى تومەندەۋىنە ۇشىرايدى.

قازاقستانعا 2050 جىلى الەمدىك 30 ەكونوميكانىڭ قاتارىنا كىرۋ ماقساتىنا جەتۋى ٴۇشىن ٴجىو-نىڭ 60 پايىزىنان اساتىن ينۆەستيسيا قاجەت.

«بيزنەس جۇرگىزۋ رەيتىنگىندەگى وزىق وتىز ەلدىڭ قاتارىنا كىرۋ ٴۇشىن قازاقستانعا ونىمدىلىكتى ارتتىرۋ باعىتىن ۇستانۋ اسا ماڭىزدى. ٴقازىر – ونىمدىلىكتى ارتتىرۋعا بۇكىل كۇشتى جۇمىلدىرۋدىڭ ەڭ قولايلى ٴساتى، بۇل قازاقستان ەكونوميكاسىنىڭ ٴوسۋىن جاڭا بەلەسكە جەتكىزەدى»، - دەدى دۇنيەجۇزىلىك بانكتىڭ قازاقستانداعى تۇراقتى وكىلى فرەنسيس اتو براۋن.

«ەلدىك ەكونوميكالىق مەموراندۋم» — بۇل دۇنيەجۇزىلىك بانكىنىڭ ساراپتامالىق بايانداماسى، وندا ەلدىڭ ەكونوميكالىق دامۋ ناتيجەلەرى، كەلەشەگى مەن ساياسي كۇن ٴتارتىبى جان-جاقتى تالدانىپ، ەكونوميكانىڭ نەگىزگى سەكتورلارىنا ارنالعان ساياسي رەفورمالار كورسەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي