BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قازاقستاندا جاسىل ەنەرگيا ٴوندىرىسى ارتتى 

2018 جىلدىڭ ٴبىرىنشى جارتىجىلدىعىندا 54،7 ملرد كۆت/ساع ەلەكتر ەنەرگياسى ٴوندىرىلدى، دەپ حابارلايدى baq.kz اگەنتتىگى lsm.kz پورتالىنا سىلتەمە جاساپ.

ەنەرگەتيكا مينيسترلىگىنىڭ مالىمەتىنشە، 51،5 ملرد كۆت/ساع تۇتىنىلعان.

سونىمەن قاتار، جاڭارتىلاتىن ەنەرگيا كوزدەرىنەن ەلەكتر ەنەرگياسىن شىعارۋ نەبارى 1،15% نەمەسە 629،5 ملن كۆت/ساع قۇراعان. الايدا، بۇل كورسەتكىش 2017 جىلدىڭ سايكەس كەزەڭىندەگىدەن 15،6% ارتىق.

«جاسىل» كوزدەردەن بولعان ەلەكتر ٴوندىرىسى كوبىنە شاعىن گيدروەلەكتر ستانسيارلارىنىڭ ۇلەسىندە تۇر. بۇل – 373،7 ملن كۆت/ساع. جەل ەلەكتر ستانسيالارى 200 ملن كۆت/ساع كورسەتكىشىمەن تىركەلسە، كۇن ەلەكتر ستانسيالارى 55،8 ملن كۆ/ساع، بيوەلەكتر ستانسيالارى 20 مىڭ كۆت/ساع وندىرگەن.

سونداي-اق، تاۋ-كەن ٴوندىرۋ جانە تاۋ-كەن-مەتاللۋرگيا كاسىپورىندارىنىڭ قاۋىمداستىعى ٴداستۇرلى ەنەرگيا باعاسى بالامالى ەنەرگيادان الدەقايدا تومەن ەكەنىن ايتۋدا. مىسالى، ەگەر كومىر سەكتورىندا ەلەكتر ەنەرگياسىنىڭ باعاسى 7-8 تەڭگە بولسا، كۇن ەلەكتر ەنەرگياسى 34 تەڭگە، جەل ەلەكتر ەنەرگياسى 22 تەڭگە تۇرادى.

ەلدەگى ەنەرگەتيكا مينيسترلىگى جاڭارتىلاتىن ەنەرگيا كوزدەرىنىڭ قۇرىلىسىنا ينۆەستورلاردى تارتۋ ارقىلى قازاقستاندا بالامالى ەنەرگيا كوزدەرىنەن الىنعان ەلەكتردىڭ تىركەلگەن تاريفتەرى الدەقايدا تومەندەتىلگەنىن العا تارتىپ وتىر.

سونىمەن بىرگە، بالامالى ەنەرگيانىڭ ەلدەگى ەنەرگيا تەڭگەرىمىندەگى ۇلەسى 2020 جىلى – 3%، 2030 جىلى – 30%، 2050 جىلى – 50% جەتەدى دەگەن جوسپار قۇرىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي