BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قازاقستاندا مۇناي ٴوندىرۋ كولەمى ۇلعايدى

2018 جىلدىڭ قاڭتار-تامىز ايلارى ارالىعىندا قازاقستان ٴمۇناي مەن گاز كوندەنساتىن ٴوندىرۋدى 2017 جىلدىڭ سايكەس كەزەڭىنە قاراعاندا 5،7% كوبەيتتى. بۇل جونىندە قر ەنەرگەتيكا ٴمينيسترى قانات بوزىمبايەۆ مالىمدەگەن، دەپ حابارلايدى baq.kz اگەنتتىگى lsm.kz پورتالىنا سىلتەمە جاساپ.

ۆەدومستۆو باسشىسى اتاپ وتكەندەي، ەلدەگى ٴۇش ٴىرى جوبا بويىنشا مۇناي ٴوندىرۋ 35،8 ملن توننانى قۇراعان. سونىڭ ىشىندە، قاشاعاندا 8،4 ملن توننا، قاراشىعاناقتا 8،4 ملن توننا جانە تەڭىزدە 19 ملن توننا وندىرىلگەن.

«2018 جىلدىڭ سەگىز ايىندا وتىن-ەنەرگەتيكا كەشەنىنىڭ نەگىزگى كورسەتكىشتەرى وڭ ٴوسىم كورسەتىپ تۇر. مۇناي مەن گاز كوندەنساتىن ٴوندىرۋ شامامەن 60 ملن تونناعا جەتىپ، 2017 جىلدىڭ سايكەس كەزەڭىندەگى كورسەتكىشتەن 5،3% ارتىق بولىپ وتىر»، - دەدى ول.

سونىمەن قاتار، قازاقستاننىڭ مۇناي ەكسپورتى 2018 جىلدىڭ 8 ايىندا 48،4 ملن توننانى قۇرادى. بۇل وتكەن جىلدىڭ بالاما كەزەڭىندەگى كورسەتكىشتەن 5،2% جوعارى. مۇنايدى قايتا وڭدەۋ كولەمى 10،43 ملن تونناعا جەتىپ، 4% ٴوسىم كورسەتسە، ٴۇش موز-دەگى مۇناي ونىمدەرى ٴوندىرىسىنىڭ كولەمى 7،3 ملن توننا بولىپ، 2،8% وسىمگە جەتكەن.

«جالپى، مۇناي ونىمدەرى نارىعىنداعى جاعداي تۇراقتى جانە نارىقتا جانار-جاعارماي تاپشىلىعى بايقالمايدى. 10 قىركۇيەك كۇنى مۇناي بازالارىنداعى ججم قالدىعىنىڭ كولەمى ىشكى نارىقتاعى قاجەتتىلىكتى قاناعاتتاندىرۋ ٴۇشىن جەتكىلىكتى»، - دەدى ەنەرگەتيكا ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي