USD 335.61 EUR 361.32 RUB 5.26
استانا:

قازاقستان مۇناي-گاز سالاسىنداعى قۇلدىراۋ كەزەڭىنەن ٴوتتى – ساراپشى

قازاق ەلى مۇناي-گاز سالاسىندا بولعان قۇلدىراۋ كەزەڭىنەن ٴوتتى. الداعى جىلى قازاقستاندا ينفلياسيا دەڭگەيى ايتارلىقتاي وزگەرمەيدى. ال ٴجىو بيىل شامامەن 0،7%-عا وسسە، ەندىگى جىلى اتالمىش كورسەتكىش 2،4%-عا ٴوسۋى مۇمكىن. بۇل تۋرالى استانادا «قازاقستان: جاڭا ينۆەستيسيالىق مۇمكىندىكتەر» تاقىرىبىندا ٴوتىپ جاتقان كونفەرەنسيادا ەلىمىزدەگى «ەۋروپا قايتا قۇرۋ جانە دامۋ بانكى» وكىلدىگىنىڭ ديرەكتورى دجانەت حەكمان مالىمدەدى، دەپ حابارلايدى baq.kz ٴتىلشىسى.

«ەۋروپا قايتا قۇرۋ جانە دامۋ بانكى» قازاقستاننىڭ بارلىق وڭىرىندە جۇمىس ىستەيدى. سونداي-اق، بانك ەكونوميكانىڭ بارلىق سالاسىندا قىزمەت كورسەتەدى. ٴبىز قازاقستاننىڭ ەكونوميكالىق جاعدايىن باسقا حالىقارالىق ۇيىمدار جانە دونورلىق كومپانيالارمەن سالىستىرعاندا ٴبىرشاما ارتىق بىلەمىز. ٴبىزدىڭ قازاقستاندىق ەكونوميكاعا كوزقاراسىمىز باق-قا قاراعاندا وپتيميزمگە تولى»، - دەدى شەتەلدىك مامان.

سونداي-اق، دجانەت حەكمان ەلىمىزدىڭ جاھاندىق داعدارىسپەن ٴتيىمدى كۇرەسىپ جاتقاندىعىن اتاپ ٴوتتى.

«قازاقستان مۇناي-گاز سالاسىنداعى قۇلدىراۋ كەزەڭىنەن ٴوتتى. ەلدەرىڭىز بۇل قيىندىقتى ەڭسەردى. وسى جىلى جالپى ىشكى ٴونىم شامامەن 0،7%-عا وسەدى دەپ جوسپارلاپ وتىرمىز. ال الداعى جىلى بۇل كورسەتكىش شامامەن 2،4%-عا ٴوسۋى مۇمكىن. ينفلياسيا ٴوزىنىڭ قۇلدىراۋ شەگىنە جەتتى. ٴبىزدىڭ ساراپشىلار كەلەسى جىلدىڭ ايىنا دەيىن جانە الداعى ايدا ينفلسيا ايتارلىقتاي وزگەرمەيدى دەپ بولجاپ وتىر. ٴبىزدىڭ پىكىرىمىزشە، وتىمدىلىك (تاۋارلاردىڭ – رەد.) ٴوز قالپىنا كەلىپ جاتىر. سوندىقتان الداعى ۋاقىتتا بۇل كورسەتكىشتەر وسەدى بولجاپ وتىرمىز. سەبەبى، ۇكىمەت داعدارىس كەزىندە ٴتيىمدى جوبالاردى ىسكە قوستى. سوندىقتان قازاقستاننىڭ ينۆەستيسيالىق الەۋەتى جوعارى »، - دەدى ديرەكتور.

سونىمەن قاتار، ەلىمىزدەگى «ەۋروپا قايتا قۇرۋ جانە دامۋ بانكى» وكىلدىگىنىڭ ديرەكتورى رەسپۋبليكادا ينۆەستورلار ٴۇشىن جاسالعان جۇمىستاردى جوعارى باعالاپ، شەتەلدىك كاسىپكەلەردى قازاقستاندا جۇمىس ىستەۋگە شاقىردى.

«قازىرگى تاڭدا قازاقستاندا بيزنەس كليمات جاقساردى. ٴبىراق بۇل كورسەتكىش ٴبىزدى قىزىقتىرىپ وتىرعان جوق. ٴبىزدى جاڭا مۇمكىندىكتەر قىزىقتىرىپ وتىر. ٴبىز ينفراقۇرىلىم، مۇناي-گاز، اگرو-بيزنەس سالالارىندا جۇمىس ىستەگىمىز كەلەدى. قازاقستاندا ۇلكەن مۇمكىندىكتەر بار. ورتالىق ازياداعى ينفرامقۇرىلىمعا قاجەتتىلىك 21 ملرد دوللارعا جۋىق قارجىنى قۇرايدى. ونىڭ ىشىندە قازاقستاننىڭ الار ورنى ەرەكشە. ال بۇۇ مالىمەتىنشە، 2020 جىلى ەۋرازيا كونتينەنتىندەگى ەلدەر اراسىنداعى ساۋدا اينالىمى 1،2 ترلن دوللاردى قۇرايتىن بولادى. ەكى جىل بۇرىن بۇل كورسەتكىش 800 ملرد دوللار بولعان ەدى»، - دەدى ول.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي