BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستان التىن قورى بويىنشا الەمدە 15-ورىندا

قازاقستان ۇلتتىق بانكى الەمدىك نارىقتا وتاندىق قۇيمالاردىڭ تانىمالدىلىعىن ارتتىرۋ ماقساتىندا ساتىپ الىناتىن تازارتىلعان التىننىڭ 4% شەتەلگە ساتۋدى جوسپارلاپ وتىر، دەپ حابارلايدى baq.kz اقپارات اگەنتتىگى.

بانك تاراتقان مالىمەت بويىناشا، 2018 جىلدىڭ باسىنان بەرى التىننىڭ الەمدىك بيرجالارداعى باعا بەلگىلەنىمى شامامەن 8%-عا تۇسكەن. اقش فرج مولشەرلەمەلەرىنىڭ ٴوسۋى جانە اقش ەكونوميكاسى بويىنشا وڭ دەرەكتەردىڭ شىعۋى ناتيجەسىندە اقش دوللارىنىڭ نىعايۋى التىن باعاسىنىڭ تومەندەۋىنىڭ نەگىزگى فاكتورى بولدى.

الايدا ٴبىرقاتار ەلدەرگە قارسى ەكونوميكالىق سانكسيالاردان جانە ساۋدا شەكتەۋلەرىنەن تۋىنداعان كۇردەلى گەوساياسي جاعداي نارىقتىڭ وزگەرمەلىلىگىن ارتتىرىپ، ينۆەستورلاردىڭ نەعۇرلىم ٴقاۋىپسىز اكتيۆتەردى ىزدەستىرۋىنە ىقپال ەتتى.

ەكونوميكالىق جانە ساياسي تۇراقسىزدىق جاعدايىندا ۆاليۋتا نارىعىندا جانە باعالى قاعازدار نارىعىندا دا قۇبىلمالىلىقتان قورعانىش رەتىندە التىن مەن باعالى مەتالداردىڭ ٴرولى ارتتى. ورتالىق بانكتەردەگى التىن قورى ۇزاق مەرزىمدى پەرسپەكتيۆادا ساقتالۋ، ٴوتىمدى بولۋ جانە كىرىستى بولۋ سيپاتىنداعى ساقتاندىرۋ اكتيۆتەرى رەتىندە باعالانادى.

الەمدىك ورتالىق بانكتەردىڭ التىننىڭ ناقتى كولەمدەرىن ارتتىرۋدى تەزدەتۋ پروسەسى داعدارىستان كەيىنگى 2009 جىلى باستالدى. سوڭعى 5 جىلدا التىنمەن جيناقتالعان رەزەرۆتەر كوپتەگەن دامۋشى ەلدەردە بايقالادى. وسى كەزەڭدە التىندى نەعۇرلىم بەلسەندى ساتىپ الۋشىلار رەسەي، تۇركيا، قىتاي جانە قازاقستان ورتالىق بانكتەرى ەكەندىگى انىقتالدى.

التىننىڭ ناقتى كولەمىنىڭ 2011 – 2017 جىلدار ارالىعىنداعى ٴوسۋ قارقىنى بويىنشا نەعۇرلىم بەلسەندى ساتىپ الۋشىلاردىڭ اراسىندا قازاقستان كوشباسشى بولىپ وتىر. الايدا ابسوليۋتتىك كورسەتكىش بويىنشا وسى كەزەڭدە تازارتىلعان التىندى رەسەي (6 جىلدا +956 توننا) جانە قىتاي (+789 توننا) بارلىعىنان كوپ ساتىپ الدى، قازاقستان 2011 جىلدان بەرى شامامەن 219 توننا التىن ساتىپ العان.

ورتالىق بانكتەردىڭ التىنمەن كورسەتىلگەن اكتيۆتەردى ساتىپ الۋ جونىندەگى بەلسەندى ساياساتى بىرنەشە سەبەپتەرگە بايلانىستى.

بىرىنشىدەن، التىن ەلدىڭ رەزەرۆتەرىن ٴارتاراپتاندىرۋعا سەبەپشى بولادى: التىن كىرىستىلىگىنىڭ ۆاليۋتا باعامدارىنىڭ سەرپىنىمەن، قور يندەكستەرىنىڭ جانە مبق نارىعىنىڭ كىرىستىلىگىمەن ونشا بايلانىسپايدى. وسىلايشا، التىنمەن كورسەتىلگەن اكتيۆتەر شەتەلدىك ۆاليۋتالار مەن باعالى قاعازدارعا بالاما بولا الادى، بۇل رەتتە مىندەتتەمە بولىپ تابىلمايتىندىقتان، ونىڭ كرەديتتىك تاۋەكەلى نولگە تەڭ.

ەكىنشىدەن، التىن نارىعى، تاۋار نارىقتارىنىڭ (مىسالى، مۇناي سياقتى) سيپاتتامالارىنا يە بولا وتىرىپ، جەتكىلىكتى تۇردە ٴوتىمدى بولىپ تابىلادى. قاجەت بولعان جاعدايدا بۇل اكتيۆ ەاۆ-عا كونۆەرتاسيالانۋى مۇمكىن.

ۇشىنشىدەن، التىن حەدجدىڭ ينفلياسياعا قاتىستى سيپاتتاماسىن بىلدىرەدى. بۇل رەتتە ەگەر مەملەكەتتىك بورىشتىق باعالى قاعازدارعا ينۆەستيسيالاۋ كۇتىلەتىن ينفلياسيادان قورعايتىن بولسا، وندا ۇزاق مەرزىمدى پەرسپەكتيۆادا التىن ساتىپ الۋ قابىلەتىنىڭ كوزدەلمەگەن قۇلدىراۋىنان (ينفلياسيانىڭ كۇرت وزگەرۋى) قورعايدى.

باسقا سەبەپتەردىڭ ىشىنەن باسىم قۇقىق شەڭبەرىندە التىندى ساتىپ الۋ وتاندىق ٴوندىرىستى دامىتۋعا ىقپال ەتەتىندىگىن، التىن ٴوندىرۋ جانە قايتا وڭدەۋ ونەركاسىپتەرىنىڭ دامۋىنا ۇلەس قوساتىندىعىن اتاپ وتۋگە بولادى.

سونداي-اق التىنمەن كورسەتىلگەن اكتيۆتەر الەم نارىعىنداعى گەوساياسي تاۋەكەلدەردەن، ۆاليۋتالاردىڭ جانە ۆاليۋتالىق رەجيمدەردىڭ وزگەرۋىنەن قورعايدى.

قازاقستان ۇلتتىق بانكى وتاندىق وندىرۋشىلەردەن تازارتىلعان التىندى ساتىپ الۋعا بەرىلگەن باسىم قۇقىعىن ىسكە اسىرادى. التىندى ساتىپ الۋدان تۋىندايتىن وتىمدىلىكتىڭ اقشا بازاسىنداعى ۇلەسىنىڭ ازدىعىنا قاراماستان، بۇل ەلدىڭ ەكونوميكالىق بەلسەندىلىگىن ىنتالاندىراتىن فاكتور بولىپ تابىلادى.

2018 جىلدىڭ باسىنان بەرى قازاقستان ۇلتتىق بانكى وتاندىق وندىرۋشىلەردەن 33 تونناعا جۋىق تازارتىلعان التىندى ساتىپ العان.

قازىرگى كەزدە قازاقستان 2018 جىلى ساۋد ارابياسىن باسىپ وزىپ، التىن قورى بويىنشا الەمدە 15 ورىندا تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي