BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قازاقستان 1،05 ملرد دەبيۋتتىك ەگەمەن ەۋرووبليگاسيالار شىعاردى

استانا، baq.kz. قازاقستان رەسپۋبليكاسى ۇكىمەتىنىڭ اتىنان قازاقستان رەسپۋبليكاسىنىڭ قارجى مينيسترلىگى جالپى سوماسى 1،05 ملرد ەۋروعا ەۋرووبليگاسيالار شىعارىلىمىن تابىستى جۇزەگە اسىردى. بۇل تۋرالى قر قارجى مينيسترلىگىنىڭ ٴباسپاسوز قىزمەتى حابارلادى.

شىعارىلىم ەكى ترانش ەۋرووبليگاسيالاردان تۇرادى: 2023 جىلى وتەۋ مەرزىمىمەن جانە 1،55 پايىز كۋپون مولشەرلەمەسىمەن سوماسى 525 ميلليون ەۋرو، 2028 جىلى وتەۋ مەرزىمىمەن جانە 2،375 پايىز كۋپون مولشەرلەمەسىمەن 525 ميلليون ەۋرو. بۇل رەتتە، احقو بيرجاسىندا 2028 جىلى وتەۋ مەرزىمىمەن (اينالىم مەرزىمى 10 جىل) ەۋرووبليگاسيالار ورنالاستىرىلعان، ولار بويىنشا سۇرانىس كولەمى، 56،5 ملن.ەۋرو قورىتىندى قاناعاتتاندىرۋ سوماسىمەن (10جىلدىق ەۋرووبليگاسيالاردى ورنالاستىرۋ كولەمىنەن 11 پايىز) 83 ملن ەۋرونى قۇرادى.

ەۋرووبليگاسيالار لوندون قور بيرجاسىنىڭ ليستينگىنە ەنگىزىلدى جانە 10 جىلدىق ترانش سونداي-اق «استانا» حالىقارالىق قارجى ورتالىعى بيرجاسىنىڭ ليستينگىنە ەنگىزىلگەن.

2018 جىلعى 5 قاراشادا لوندوندا پرايسينگ وتكىزىلدى، وعان 25 ترلن اقش دولل. استام جالپى اكتيۆتەرى بار 200-دەن استام ينۆەستورلار قاتىستى. وتىنىمدەر كىتايۋىنىڭ كولەمى شامامەن 3،3 ملرد ەۋرونى قۇرادى.

قازاقستاننىڭ ەۋروداعى دەبيۋتتىق شىعارىلىمى بويىنشا قارىز الۋ قۇنى جوعارى مەملەكەتتىك كرەديتتىك رەيتينگكە يە مەكسيكانىڭ قولدانىستاعى تەرىس كىرىستىلىگىنە جاقىن دەڭگەيدە بەكىتىلىپ، بۇل شەتەلدىك ينۆەستورلار تاراپىنان قازاقستانعا دەگەن جوعارى سەنىمدىلىك پەن قىزىعۋشىلىقتىڭ بار ەكەنىن كۋالاندىرادى.

اعىمداعى جىلدىڭ 29 قازانىنان باستاپ 2 قاراشا ارالىعىندا پاريجدە، فرانكفۋرتتە، امستەردامدا جانە لوندوندا قازاقستان رەسپۋبليكاسىنىڭ قارجى، ۇلتتىق ەكونوميكا مينيسترلىكتەرى، ۇلتتىق بانكى جانە احقو وكىلدەرى كومانداسىنىڭ 5-كۇندىك روۋد-شوۋى وتكىزىلدى.

قازاقستان 2015 جىلدىڭ شىلدەسىنەن باستاپ سىرتقى كاپيتال نارىعىندا بولمادى، بۇل رەتتە ەۋرودا نوميناسيالانعان ەۋرووبليگاسيالاردى ورنالاستىرۋ دەبيۋتتىك بولىپ تابىلادى. وسىلايشا، ەۋرودا نوميناسيالانعان ەۋرووبليگاسيالاردىىڭ دەبيۋتتىك شىعارىلىمى ەۋرودا تولىققاندى تەرىس كىرىسۆتىلىكتى انىقتايدى، ۇكىمەتتىڭ سىرتقى بورىشىنىڭ ۆاليۋتالىق قورجىنىن ٴارتاراپتاندىرۋدى جانە ينۆەستورلىق بازانى كەڭەيتۋدى قامتاماسىز ەتەدى، سونداي-اق قازاقستاندىق كورپوراتيۆتى ەميتەنتتەردىڭ ىقتيمالى بولاشاق شىعارىلىمى ٴۇشىن باعالىق باعدارىن (بەنچمارك) بەلگىلەيدى.

وسى ورنالاستىرۋ احقو-نىڭ بيرجاسى ٴۇشىن حالىقارالىق كاپيتالدى تارتۋدىڭ ورتالىعى رەتىندە احقو-نىڭ دامۋ جولىندا ماڭىزدى قادام بولىپ تابىلاتىن دەبيۋتتىك بولدى.

مامىلەنىڭ حالىقارالىق ۇيىمداستىرۋشىلارى رەتىندە citi جانە societe generale، قازاقستاندىق ۇيىمداستىرۋشى – bcc invest بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي