BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

قاشاعان جوباسىنا تارتىلعان قارىزدى وتەۋ مەرزىمى ۇزارتىلدى

فوتو: ашық дереккөзден

«سامۇرىق – قازىنا» ٴۇاق icbc-مەن «قمگ قاشاعان ب.ۆ.» جشجك جوباسىنا تارتىلعان قارىزدىڭ وتەۋ مەرزىمىن ۇزارتۋ تۋرالى كەلىسىمگە قول قويىلدى، دەپ حابارلايدى baq.kz اقپارات اگەنتتىگى.

باسقارما ٴتوراعاسى احمەتجان ەسىموۆ باستاعان «سامۇرىق-قازىنا» ۇلتتىق ٴال-اۋقات قورىنىڭ دەلەگاسياسى «قىتاي ساۋدا-ونەركاسىپ بانكى» («industrial and commercial bank of china limited»، ٴارى قاراي - icbc) ديرەكتورلار كەڭەسىنىڭ ٴتوراعاسى ي حۋەيمانمەن كەزدەستى. ەكىجاقتى كەزدەسۋ قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قحر مەملەكەتتىك ساپارى اياسىندا ٴوتتى.

كەزدەسۋ بارىسىندا «سامۇرىق-قازىنا» اق باسقارما ٴتوراعاسى احمەتجان ەسىموۆ icbc ديرەكتورلار كەڭەسىنىڭ ٴتوراعاسى ي حۋەيمانمەن بانك تاراپىنان قورعا 2015 جىلى بەرىلگەن زايمنىڭ سىياقى مولشەرلەمەسىن تومەندەتۋ جانە ونى وتەۋ مەرزىمىن 2022 جىلدىڭ سوڭىنا دەيىن ۇزارتۋ تۋرالى كەلىستى.

سونىمەن قاتار، تاراپتار «سامۇرىق-قازىنا» اق مەن «قىتاي ساۋدا-ونەركاسىپتىك بانكى» اراسىنداعى ىنتىماقتاستىق تۋرالى مەموراندۋمعا قول قويىلدى جانە بولاشاقتاعى باسىمدىقتاردى تالقىلادى.

ديرەكتورلار كەڭەسىنىڭ ٴتوراعاسى ي حۋەيمان icbc ٴۇش سالادا ىنتىماقتاستىققا مۇددەلى ەكەندىگىن جەتكىزدى: ٴبىرىنشىسى – وبليگاسيالاردى ورنالاستىرۋ، ەكىنشىسى – ستراتەگيالىق ينۆەستور رەتىندە قور اكتيۆتەرىن جەكەشەلەندىرۋ باعدارلاماسىنا قاتىسۋ جانە ٴۇشىنشىسى – ناقتى جوبالاردى قارجىلاندىرۋ.

كەزدەسۋ سوڭىندا، «سامۇرىق-قازىنا» اق باسشىسى ا.ەسىموۆ اسپان استى ەلىنىڭ وكىلدەرىنە ريزاشىلىعىن ٴبىلدىردى جانە بىرلەسكەن جۇمىسقا، قور جوبالارىن جۇزەگە اسىرۋعا قاتىسۋعا دەگەن نيەتى مەن سەنىمى ٴۇشىن العىس ايتتى جانە بولاشاقتا قوردىڭ كومپانيالار توبى گونكونگ جانە شانحاي قور نارىعىنا شىعۋى مۇمكىن ەكەندىگىن اتاپ ٴوتتى.

ەستەرىڭىزگە سالا كەتەيىك، 2015 جىلى «سامۇرىق-قازىنا»ٴۇاق» اق «قمگ قاشاعان ب.ۆ.» جشجك اكسيالارىنىڭ 50%-ىن 1،5 ملرد اقش دوللارىنا ساتىپ الۋ بويىنشا مامىلەنى قارجىلاندىرۋ ٴۇشىن 5 جىلدىق سينديكاتتالعان زاەم تارتتى، وندا icbc قارجىلاندىرۋدى ۋاكىلەتتى جەتەكشى ۇيىمداستىرۋشىلاردىڭ ٴبىرى رەتىندە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي