BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

قاراشىعاناقتا گاز ٴوندىرىسى شەكتەلمەيتىن بولدى  

فوتو: интернеттен

2018 جىلدىڭ 13 قىركۇيەگىندە قاراشىعاناق كەن ورنىندا گاز ٴوندىرۋ كولەمىن شەكتەۋى الىنىپ تاستالدى. وسىنداي كەلىسىمدى «psa»جشس، ەني، شەلل، شەۆرون، لۋكويل مەن قازمۇنايگاز كومپانيالارى ٴوزارا جاسادى، دەپ حابارلايدى baq.kz اقپارات اگەنتتىگى قر ۇلتتىق ەكونوميكا مينيسترلىگىنە سىلتەمە جاساپ.

گاز ٴوندىرىسىن شەكتەۋدى الىپ تاستاۋدىڭ اياسىندا قاراشىعاناق كەنورنى تولىق ٴوندىرىس قۋاتتىلىعىندا جۇمىس ىستەيتىن بولدى. بۇل جوبا بيۋدجەتى 1،1 ملرد دوللاردى قۇراعان ەڭ ٴىرى ينۆەستيسيالىق جوبا. ول قازاقستانعا 2037 جىلعا دەيىن 3،2 ملرد دوللاردان استام پايدا تابۋعا سەپتىگىن تيگىزەدى.

اتالعان جوبا اياسىندا تاۋارلار، جۇمىستار مەن قىزمەتتەردى ساتىپ الۋدا قازاقستاندىق قامتاماسىز ەتۋ ۇلەسى 40% جانە قىزمەتكەرلەردى جۇمىسقا الۋ بارىسىندا 75% قۇرايتىن بولادى.

سونىمەن قاتار، جوبا جىلىنا 4 ملرد م3 شيكى گازدى قوسىمشا وڭدەۋگە مۇمكىندىك بەرەدى. اتالعان كوگىلدىر وتىننىڭ كولەمى كومىرسۋتەگى ٴوندىرىسىن بارىنشا ارتتىرۋ ٴۇشىن قىرتىسقا قايتا قۇيىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي