BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

حالىقتى كومىرمەن قامتۋعا ەڭ الدىمەن جەرگىلىكتى اتقارۋشى ورگاندار جاۋاپ بەرەدى – بوزىمبايەۆ

فوتو: Satu.kz

ەنەرگەتيكا ٴمينيسترى قانات بوزىمبايەۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا قازاقستاندىقتاردى كومىرمەن قامتاماسىز ەتۋ ماسەلەسى تۋرالى باياندادى، دەپ حابارلايدى baq.kz ٴتىلشىسى.

«بىلتىر قىستا تۇرمىستىق كومىر باعاسى كوتەرىلگەندە ەنەرگەتيكا مينيسترلىگى بارلىق جاۋاپكەرشىلىكتى موينىنا الدى. بيىل كومىر ماسەلەسىن ينۆەستيسيالار جانە دامۋ مينيسترلىگىنە بەردىك. بىرىنشىدەن، حالىق پەن كوممۋنالدىق كاسىپورىنداردى كومىرمەن قامتاماسىز ەتۋگە ەڭ الدىمەن جەرگىلىكتى اتقارۋشى ورگاندارى جاۋاپ بەرۋى ٴتيىس»، - دەدى مينيستر.

بوزىمبايەۆ وسى ماسلەگە قاتىستى وبلىس اكىمى بولعان كەزدەگى تاجىريبەسىمەن ٴبولىستى.

«مەن ەكى ٴوڭىردىڭ اتقارۋشى ورگاندارىنىڭ باسشىسى بولدىم جانە قىسقى ماۋسىمعا دايىندىق تۋرالى ٴار جينالىسىمدا حالىق پەن كوممۋنالدىق كاسىپورىنداردى، مەكتەپ، اۋرۋحانا سەكىلدى الەۋمەتتىك وبەكتىلەردى وتىنمەن قامتاماسىز ەتۋ ماسەلەسىن كوتەرەتىنمىن. ٴار اۋداننىڭ اكىمى وسى ماسەلەمەن اينالىسىپ، سوعان سايكەس ٴاربىر توننا ەسەپتە بولدى. وڭىرلەردە تۋىنداعان پروبلەماعا ٴبىرىنشى كەزەكتە جەرگىلىكتى اتقارۋشى ورگاندار جاۋاپ بەرەدى. ەكىنشىدەن، قاجەتتى كومىر كولەمى ەلىمىزدە بار، ارتىعىمەن ٴوندىرىلىپ جاتىر. (...) ٴۇشىنشى، كومىردى ساتۋ ماسەلەسى جەتىلدىرۋدى قاجەت ەتەدى، بۇل تاعى دا جەرگىلىكتى اتقارۋشى ورگانداردىڭ جۇمىسى. اۋدانداردا كومىردى كوتەرمە باعادا وتكىزەتىن ٴبىر ەمەس، بىرنەشە الاڭ بولۋى قاجەت. سونداي-اق مۇنداي الاڭداردا ٴوزارا باسەكەلەستىك بولۋى ٴۇشىن كومىردى الاتىن بىرنەشە جەكە جانە زاڭدى تۇلعالار بولۋى ٴتيىس. بىلتىر كەيبىر ايماقتارداعى اۋدان ورتالىقتارىندا بىرنەشە الاڭدا ٴبىر عانا ادام كومىردى ساتىپ العانى بەلگىلى بولدى. مۇنداي ادامدار كومىردى 11-10 مىڭعا ساتىپ الىپ، الاڭنان 30 شاقىرىم جەرلەرگە 20-25 مىڭعا ساتپاق بولعان»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي