BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ەلىمىزدە جىلۋ باعاسى قىمباتتاي ما؟ بوزىمبايەۆتىڭ جاۋابى

فوتو: интернеттен

ەنەرگەتيكا ٴمينيسترى قانات بوزىمبايەۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا قازاقستاندا جىلۋ ەنەرگەتيكاسى تاريفتەرى قىمباتتاۋى مۇمكىن بە دەگەن ساۋالعا جاۋاپ بەردى، دەپ حابارلايدى baq.kz ٴتىلشىسى.

«سولتۇستىك قازاقستان، اسىرەسە پاۆلودار وبلىسىندا جانە استانادا ەڭ تومەنگى جىلۋ تاريفتەرى. پاۆلودار وبلىسى، استانانى الماتىمەن، شىمكەنتپەن سالىستىرساق 2-2،5 ەسە جوعارى. سەبەبى ول جاق جىلى، ال سولتۇستىكتە كومىر ٴدال جانىڭدا بولعان سوڭ تاريف ايتارلىقتاي تومەن. استانادا ٴتاريفتى كوتەرۋگە سەبەپ كورىپ تۇرعان جوقپىن. جاڭا اكىمنىڭ ٴوزى مۇنىمەن اينالىسار. پاۆلودار وبلىسىنداعى اقسۋ اۋدانىندا جاڭا قازاندىقتىڭ قۇرىلىسىن اياقتاۋ ماسەلەسى بار. اۋدانداعى ابدەن توزىعى جەتكەن قازاندىق تاعى ٴبىر ماۋسىم شىداۋى قاجەت. كەلەر جىلى اكىمدىك رەسپۋبليكالىق بيۋدجەتتەن بولىنگەن قارجىنىڭ كومەگىمەن جىلۋ قازاندىعىن اياقتاپ ٴبىتىرۋى ٴتيىس». – دەپ جاۋاپ بەردى بوزىمبايەۆ جۋرناليستەر ساۋالىنا.

ول سولتۇستىك قازاقستان وبلىسىندا دا ٴدال وسىنداي ماسەلە بار بولۋى مۇمكىن ەكەنىن ايتتى. ال جىلۋ ٴتاريفى كوتەرىلە مە، جوق پا دەگەن ساۋالعا كەلەسىدەي جاۋاپ بەردى.

«تاريف كوتەرىلسە، ەۆوليۋسيالىق جولمەن تۇسىنۋگە بولاتىنداي كوتەرىلۋى ٴتيىس. بۇل سۇراق تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنە قويىلۋى ٴتيىس. دەسە دە ٴبىزدىڭ پىكىرىمىزشە، ٴيا، بولۋى مۇمكىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي