BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ەلىمىزدە قاي ماماندىق يەلەرىنىڭ جوعارى جالاقى الاتىنى بەلگىلى بولدى

استانا، baq.kz. 2018 جىلدىڭ ٴۇشىنشى توقسانىندا قازاقستاندىقتاردىڭ ورتاشا جالاقىسى 161783 تەڭگە بولدى. بۇل تۋرالى ستاتيستيكا كوميتەتى ٴمالىم ەتتى.

"2018 جىلعى ٴىىى توقساندا ٴبىر قىزمەتكەردىڭ ورتاشا ايلىعى 161783 تەڭگەنى قۇرادى. اتاۋلى جالاقى يندەكسى وتكەن جىلعى ٴتيىستى توقسانعا 109،3%، ال ناقتى جالاقى يندەكسى 103،1%-دى قۇردى" - دەلىنگەن حابارلامادا.

سالالىق قۇرىلىمدا ەڭ جوعارى اتاۋلى جالاقى قارجى جانە ساقتاندىرۋ قىزمەتىندە – 317،4 مىڭ تەڭگە (ورتاشا رەسپۋبليكالىق دەڭگەيدەن 2،0 ەسەگە اسادى)، كاسىبي، عىلىمي جانە تەحنيكالىق قىزمەتتە – 290،2 مىڭ تەڭگە (1،8 ەسەگە)، ونەركاسىپ سالاسىندا – 232،2 مىڭ تەڭگە (1،4 ەسەگە)، قۇرىلىس سالاسىندا – 229،2 مىڭ تەڭگە (1،4 ەسەگە)، اقپارات جانە بايلانىس سالاسىندا – 224،9 مىڭ تەڭگە (1،4 ەسەگە) بەلگىلەندى. ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى – 106،4 مىڭ تەڭگە، بۇل رەسپۋبليكا بويىنشا ورتاشا كورسەتكىشتەن 34،2%-عا تومەن.

وڭىرلىك بولىنىستە ەڭ جوعارى جالاقى اتىراۋ وبلىسىندا بەلگىلەندى – 310،6 مىڭ تەڭگە، بۇل ورتاشا رەسپۋبليكالىق كورسەتكىشتەن 1،9 ەسەگە اسادى. تۇركىستان وبلىسىندا ونىڭ شاماسى 98،8 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 38،9%-عا تومەن.ەستەرىڭىزدە بولسا، بۇعان دەيىن قازان ايىنداعى ورتاشا كۇنكورىس دەڭگەيى قانشا تەڭگە بولعانى جايلى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي