BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ەلەكتروندى ساۋدانى ىسكە قوسۋ ارقىلى 10 مىڭ جۇمىس ورنى اشىلدى

استانا، baq.kz ٴتىلشىسى. بۇگىن قر پرەمەر-مينيسترى باقىتجان ساعىنتايەۆ «اتامەكەن» قر ۇلتتىق كاسىپكەرلەر پالاتاسى ٴتورالقاسىنىڭ كەڭەيتىلگەن وتىرىسىنا قاتىستى.

«جاڭا جىلدان باستاپ جاڭا سالىق كودەكسى جۇمىس ىستەيتىن بولادى. مەملەكەت باسشىسىنىڭ تاپسىرماسىمەن 2019 جىلدىڭ 1 قاڭتارىنان باستاپ 89 مىڭ شاعىن جانە ورتا بيزنەس وكىلدەرىنە سالىق امنيستيا جاساۋ شەشىمىن قابىلدادى. كەدەن الىمدارى پروسەدۋرالارىنىڭ اشىقتىعىن قامتاماسىز ەتەتىن جاڭا كەدەن كودەكسى جۇمىس ىستەيدى. حالىقارالىق ساۋدانى دامىتۋ ماقساتىندا كەدەندىك ينفراقۇرىلىمدى جاڭارتتىق. «قارعوستا» جاڭا تەحنيكا تۇرلەرىمەن جابدىقتالعان «نۇر جولى» اۆتوكولىك وتكىزۋ پۋنكتىن ىسكە قوستىق. كاسىپكەرلىك كودەكسىنە جۇيەلى رەفورمالار ەنگىزىلدى»، - دەدى ۇكىمەت باسشىسى.

پرەمەر-مينيستر وسىعان دەيىن تەكسەرىستەردى قىسقارتۋ قاجەتتىگى بىرنەشە رەت ٴسوز بولعانىن، سوڭعى ون جىلداعى ستاتيستيكا بويىنشا تەكسەرىستەر سانى 76% قىسقارعانىن اتاپ ٴوتتى.

«بيزنەستى باقىلاۋ، قاداعالاۋ جۇكتەمەسى ازايىپ جاتىر. وسى جۇمىستاردى جۇرگىزۋدە سيفرلاندىرۋدىڭ ۇلكەن قولداۋى بار. ٴبىز 60% استام قىزمەتتى ەلەكتروندى فورماتتا كورسەتەمىز، ونىڭ 80% استامى ازاماتتارعا ارنالعان ۇكىمەت اياسىندا. «اتامەكەنمەن» بىرلەسە astana hub-تى دامىتۋعا جۇمىس ىستەيتىن بولامىز. ول يننوۆاسيالىق ەكوجۇيە ورتالىعىنا اينالۋى ٴتيىس»، - دەدى ساعىنتايەۆ.

سونداي-اق ول ەلەكتروندى ساۋدانى دامىتۋعا بايلانىستى زاڭناماعا ٴتيىستى وزگەرىستەر ەنگىزىلەگىنىن ايتتى.

«نۇرلان نۇرلان ۇلى (نىعماتۋلين – اۆت.) جىل باسىندا، ەلەكتروندى ساۋدانى ىسكە قوسپاس بۇرىن ويلانۋ كەرەك ەدى دەگەن بولاتىن. شەشىم قابىلداندى. جۇمىس ٴجۇرىپ جاتىر. ارتتا قالماۋىمىز كەرەك. ستاتيستيكادان كورىپ وتىرعانىمىزداي 10 مىڭداعان جاڭا جۇمىس ورنى اشىلىپ وتىر. سونداي-اق، قوعامدا، پارلامەنتتە كولەڭكەلى سەكتوردى قىسقارتۋ تۋرالى ماسەلە كوتەرىلىپ وتىر. بۇگىندە ٴجىو 26% كولەڭكەدە، سونىڭ ىشىندە ساۋدا سەكتورىندا. بۇگىندە پالاتا وسى ساياساتتى جۇرگىزۋدە ٴبىزدى قولداپ، سالىقتان قاشاتىن كاسىپكەرلەردى قاداعالاۋ شارالارىن كۇشەيتۋى قاجەت»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي