USD 334.89 EUR 361.61 RUB 5.28
استانا:

بۇگىندە ٴال-اۋقاتى ورتا دەڭگەيدەن جوعارى مەملەكەتتەردىڭ ىشىنە كىردىك - ن.نازاربايەۆ

بۇگىن استاناداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ قاتىسۋىمەن رەسپۋبليكالىق جاستارى فورۋمى باستالدى. فورۋم جۇمىسىن اشقان مەملەكەت باسشىسى ەلىمىزدىڭ سان قيىندىقتاردان مويىمىز ٴوتىپ، وسىنداي دەڭگەيگە جەتكەنىنە ٴتاۋبا دەۋ كەرەكتىگىن ايتتى، دەيدى baq.kz ٴتىلشىسى.

"بۇگىنگى فورۋمعا ەلىمىزدىڭ ٴار تۇكپىرىنەن نەشە ٴتۇرلى ماماندىقتىڭ جاستارى جينالدى. ٴبارىمىزدىڭ قۋانىشىمىز شەكسىز. جاس ۇرپاقتىڭ قۋاتى - بۇل تاۋەلسىز قازاقستاننىڭ قۋاتى، بولاشاعى دەپ سانايمىن. تۇڭعىش پرەزيدەنت كۇنى - قازاق قازاق بولعالى، ٴبىز ەل بولعالى ٴوز بەتىمىزبەن تۇڭعىش مەملەكەت باسشىمىزدى حالىق بولىپ دەربەس سايلاپ العان كۇنىمىز. سونداي-اق بيىل تاۋەلسىزدىگىمىزدىڭ 25 جىلدىعىن تويلاعالى وتىر. تاۋەلسىزدىگىمىزدىڭ 25 جىلدىعى، اتا-بابامىزدىڭ شەكسىز ارمانى ورىندالعانى. ەلىمىز قيىنشىلىقتىڭ ٴبارىن كوتەردى. وسى زامانعا امان-ەسەن جەتتى. قازاقستاندى دۇنيەجۇزىنىڭ كارتاسىنا نىق قويعانىمىز، دارەجەسىن كوتەرگەنىمىز. بۇرىن كەڭەس وداعىنىڭ ٴبىر بولشەگى ەدىك. سول بولشەكتەن ەل جاساۋ، جۇرت جاساۋ، ونىڭ بارلىق كەرەكتى رامىزدەرىن بەكىتۋ، دۇنيەجۇزىنە پاش ەتۋ وڭاي بولعان جوق. اشتىقتىڭ دا، جالاڭاشتىقتىڭ دا، جۇمىسسىزدىقتىڭ دا بارىنەن وتتىك. بۇگىن ٴال-اۋقاتى ورتا دەڭگەيدەن جوعارى مەملەكەتتەردىڭ ىشىنە كىردىك. وعان ٴتاۋبا دەۋىمىز كەرەك"، - دەدى مەملەكەت باسشىسى.

ايتا كەتەيىك، فورۋمعا ەلىمىزدىڭ ٴبىلىم بەرۋ، دەنساۋلىق ساقتاۋ، كاسىپكەرلىك، مادەنيەت، سپورت سالالارىنىڭ 1000-نان استاس بەلسەندى جاستارى قاتىسۋدا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي