BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

بارلىق وڭىردە كىرىستەردىڭ جوسپارى ارتىعىمەن ورىندالدى

فوتو: ашық дереккөзден

بۇگىن ۇكىمەت وتىرىسىندا 2018 جىلعى 4 ايداعى الەۋمەتتىك-ەكونوميكالىق دامۋ مەن رەسپۋبليكالىق بيۋدجەتتىڭ اتقارىلۋ ناتيجەسى قورىتىندىلاندى. وسى ورايدا قارجى ٴمينيسترى باقىت سۇلتانوۆ جەرگىلىكتى بيۋدجەت كىرىستەرىنىڭ ارتىعىمەن ورىندالعانىن مالىمدەدى، دەپ حابارلايدى baq.kz ٴتىلشىسى.

«جىل باسىنان بەرى مەملەكەتتىك بيۋدجەت پروفيسيتپەن اتقارىلدى. بۇل جەرگىلىكتى بيۋدجەتتەر كىرىستەرىنىڭ جوسپاردان اسىرا ورىندالۋىنا بايلانىستى. ناتيجەسىندە 325 ملرد تەڭگە كاسسالىق قالدىقتار، ونىڭ ىشىندە رەسپۋبليكالىق بيۋدجەتتەن 26،6 ملرد تەڭگە، جەرگىلىكتى بيۋدجەتتەن 268،5 ملرد تەڭگە قالىپتاستى»، - دەدى سۇلتانوۆ.

ول مەملەكەتتىك بيۋدجەتتىڭ كىرىستەرى ەسەپتىلىك كەزەڭنىڭ جوسپارىنا قاراعاندا 105،1%-كە، رەسپۋبليكالىق كىرىستەر 100،9%-كە، جەرگىلىكى بيۋدجەت 117،1%-كە اسىرا ورىندالعانىن اتاپ ٴوتتى.

«رەسپۋبليكالىق بيۋدجەتكە 1 ترلن 781 ملرد تەڭگە كىرىستەر ٴتۇستى. بۇل جوسپاردان 16 ملرد تەڭگەگە، ال بىلتىرعى جىلدىڭ 4 ايلىق كورسەتكىشىنەن 173 ملرد تەڭگەگە ارتىق. ٴوسۋ قارقىنى 110،7%. جوسپاردىڭ ارتىق ورىندالۋى نەگىزىنەن سالىقتار بويىنشا قالىپتاستى، ونىڭ ىشىندە ۇستەمە تابىس سالىعى 8،5 ملرد تەڭگە، سالىناتىن ەكسپورتتىق كەدەن باجى 32 ملرد تەڭگە. ٴبىراق جىل باسىنان بەرى كورپوراتيۆتىك سالىق بويىنشا جوسپاردىڭ ورىندالماۋ تەندەنسياسى جالعاسۋدا، ياعني ەسەپتىك كەزەڭدە جوسپار 43 ملرد تەڭگەگە ورىندالمادى»، - دەدى مينيستر.

ونىڭ ايتۋىنشا مۇنىڭ باستى سەبەبى – بانك سەكتورى تۇسىمدەرىنىڭ ازايۋى مەن ٴبىرقاتار سالىق تولەۋشىلەردىڭ وتكەن كەزەڭدە ارتىق تولەۋ ەسەبىنەن سالىقتاردىڭ تولەنبەۋى.

«وسى ايتىلعان سەبەپتەردى ەسكەرە وتىرىپ ناقتىلانعان رەسپۋبليكالىق بيۋدجەتتە كورپوراتيۆتىك تابىس سالىعىنىڭ جىلدىق جوسپارى 63 ملرد تەڭگەگە ازايتىلعان بولاتىن. جەرگىلىكتى بيۋدجەتتىڭ ٴوز كىرىستەرى 106 ملرد تەڭگەگە ارتىعىمەن ورىندالىپ، 728 ملرد تەڭگەنى قۇرادى. اسىرا ورىندالۋ سوماسى 77 ملرد تەڭگە جەرگىلىكتى سالىقتارعا كەلەدى. بارلىق وڭىردە كىرىستەردىڭ جوسپارى ارتىعىمەن ورىندالدى. ولاردىڭ ەڭ ٴىرى سوماسى – الماتى قالاسىندا 36 ملرد تگ، اتىراۋ 10،5 ملرد تگ، باتىس قازاقستان وبلىسى 8،3 ملرد تگ. مەملەكەتتىك بيۋدجەت شىعىستارى 96،6%-كە، رەسپۋبليكالىق 96،9%-كە، جەرگىلىكتى بيۋدجەت 98%-كە اتقارىلدى. يگەرىلۋ پروسەنتى بارلىق بيۋدجەت دەڭگەيلەرىندە وتكەن جىلدىڭ وسىنداي كەزەڭىمەن سالىستىرعاندا جوعارى. ياعني بيۋدجەتتىڭ تارتىپتىك دەڭگەيى كوتەرىلدى»، - دەدى سۇلتانوۆ ۇكىمەت وتىرىسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي